Gʼaˬkʼehˇ 18:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aerkhawf, tsawrhaq khoerdeuq, aqyawf-anr muir-awr yaeqbawq saerlu-aer aer ngae, Pawrluv, aqyawf-euq paerkhanq byuqkhar-awr aer-eu, “Nawmaf-euq shiq, nawmaf-euq uqduq-euq khoertav jav luf-ur. Ngar-aq, yawshawr ma. Iqnan tafnar-aq, ngar, aqcawq tsawrjeuq tsawrca jawr-eu gar ir ma.”

Akha

⁶ Aˬ yawꞈ maꞈ aˬ yawꞈ mehˬ gaˇ maˬ naˇ haˬ ni aˬ yawꞈ-ahˇ yaw doeˇ ehˇ ngeh, aˬ yawꞈ pehˇ kʼahˬ byuˬ kʼaˇ-awˇ ehˇ nehˬ-eu, “Naw maꞈ dehꞈ-eu jeˬ-ahˇ smˬ naˇ, naw maꞈ-euˬ iˬ baˇ meh. Ngaˬ-ahˇ tiˬ jeˬ-iˬ maˬ taꞈ. Iˬ nah taꞈ naˇ, aˬ cawˬ tsawˇ jeuˬ-ahˇ ngaˇ mehˬ-iˇ ma.”

Gʼaˬkʼehˇ 18:6 Referans Kwoze

Gʼaˬkʼehˇ 13:51

Aqyawfnyaf, tsawrhaq khoerdeuq-euq maeqshi, aqkuir-anr laeflar-euq khaqlaer baevkhar yaf-awr, Irgawrnir-anr le-euq mae.

1 Beˬtuˆluˆ 4:4

Aqyawfmaf daefjawf daefcawv luf-eu maeqnan, nymq-mr nawmaf maqpar caevcaw-eu mirnae, aqyawfmaf zanqler-awr, nawmaf-anr dawqdoer ngaeq-eu mae.

Luˇkaꞈ 9:5

Nawmaf-anr maqha-eu deuq-euq meuq-anr nae dov-ir ngae, nawmaf-euq aqkuir-anr laeflar-euq khaqlaer byuqkhar yaf-awq. Khoer-aq, aqyawf maf-euq yawlaeq bi dovlar-eu sarkir pyeuf-eu mae.”

Maꞈtehˬ 27:25

Khoerngae, tsawrhaq armaf mafma dawqtawvluf aer-eu, “Aqyawf-euq shiq lavdov-euq arpoeq, nga’maf hawr-eu nga’maf-euq zaqdeuq-euq khoertav keuvle luf-ur.”

1 Beˬtuˆluˆ 4:14

Kali-euq tsawrmyanr baqda’nae, aqcawq, nawmaf-anr yaeqbawq-aer aerlar nar-aq, nawmaf guiqlanqhuiq taef-a. Aqjeq mirnae aernar-aq, yawshaef khanqsaer hawr-eu Miqyaer-euq Saflar, nawmaf-euq khoertav jawrluf-eu mae.

2 Tiˆmoˇseˬ 2:25

Maeq-eu gar pyaerlar-eu tsawrhaq-anr nuinanq nuiyu anr-awr maeqnaeq nya-eu tsawrhaq khawf yapyeuf-eu mae. Khoerlof-aer janr nar-aq, aqyawfmaf yawtsaq yawdawr-anr siqnya larni, Miqyaer, aqyawf maf-anr bi noeqpov bi noeqpar lar-eu baw-mr.

Lormav 3:29

Miqyaer-aq, Yurdav tsawrhaq-euq Miqyaer taef-a lor? Aqyawf-aq, aqcawq tsawrjeuq tsawrca-euq Miqyaer khawf pyeuf-eu maqngeur-a laq? Ngeur mae. Aqcawq tsawrjeuq tsawrca-euq Miqyaer khawf pyeuf-eu mae.

Gʼaˬkʼehˇ 28:28

“Khoermirnae, nawmaf heulof-aer siqnya-awq. Miqyaer kakhof-eu garkawv heu, aqcawq tsawrjeuq tsawrca-anr keuv-ir ngae, aqyawfmaf lawnmr-aq narhaq taef-a.”

Gʼaˬkʼehˇ 26:20

Khoernar-aq, ngar, Daqmaqsaer-anr maeqdanq bae-awr, Yeqlursaqlaeq-anr jawr-eu deuq, Yurdav mirkhanq doeni jawr-eu deuq hawr-eu, aqcawq tsawrjeuq tsawrca-anr noeqpov noeqpar-awr, Miqyaer jawr-eu paw pyawrlar-eu uqtaf, nawmaf noeqpov noeqpar-euq gar geux-eu gardeuq mrmr-aer daef-awq laer maeqnaeq-ir-euq ma.

Gʼaˬkʼehˇ 26:11

Khoeruqtaf, zanrdawq khawqnymr yawqgar navluf-euq lafkhoer, ngar, aqyawf maf-anr ghawqmya pov khaeq-awr, aqyawfmaf yaeqbawq saerlu-aer aerni ngar laejae-euq ma. Ngar, aqyawf maf-anr nuima paer duidui-eu mirnae, aqcawq-euq mirkhanq-anr jav-eu meuqdeuq-anr keuvni, aqyawf maf-anr khaeq-awr khavnaeq-euq ma.”

Maꞈtehˬ 22:10

Khoerngae, kuirlaf zaqkhav khoerdeuq garjawq doeni ir-awr, kharpuq khar mawrle-euq tsawrhaq-anr, tsawrmuiq tsawrdoer maqtserni kuruiq laf-awr, oermr barduq-anr daqyan jawqbyan taq-euq mae.

Maꞈtehˬ 10:14

Tsawrhaq tiq ghaq, nawmaf-anr maqha-aer nawmaf-euq dawq-anr maq narhaq nar-aq, nawmaf, nymr khoernymr-anr nae maqngeur nar-aq, meuq khoermeuq-anr nae dov-ir ngae, nawq-euq aqkuir-anr laeflar-euq khaqlaer baevkhar yaf-awq.

Luˇkaꞈ 22:65

Aqyawfmaf, aqyawf-anr coeqler paq-aer yaeqbawq saerlu-aer ghawqmya jeq ngaeqnaeq-euq mae.

Maꞈtehˬ 21:43

“Khoermirnae, ngar, nawmaf-anr aernaeq nyar, Miqyaer uvlanr-eu jeq nawmaf-euq lafkhoer nae yurdov-awr, Miqyaer uvlanr-eu jeq-euq arsiq siqle-eu tsawrjeuq tsawrca-anr bifnaeq taef-a.

Maꞈtehˬ 8:11

Ngar, nawmaf-anr par aernaeq nyar. Nanrma dovkhaeq, gakhaeq paw jawr-eu tsawrhaq ghawqmya’ni lar-awr, mqtav mirkhanq-euq lafkhoer, Aqbyaqhaq, Irtsav hawr-eu Yaqkov naeq-aer hawqjawq ya jawqtaf taef-a.

1 Tiˆmoˇseˬ 5:22

Gar mrzaq yawshuif-euq khoertav, aqlaf bafdav-eu taqtaeq. Aqcawq iqbax mr-eu gar maq gmlerni shawrjaevni daef-awq.

Maꞈtehˬ 21:41

Aqyawfmaf, Yeqsur-anr aerkhof-eu, “Aqyawf, tsawrcawv khoerdeuq-anr yawkhav-aer janrnaeq taef-a. Khoernar-aq, aqyawf, aryamq tsaq ngae, aqgaf arsiq pyavnaeq-eu aqgaf yarkmr-anr mr-eu tsawrhaq yawqdeuq yawq-anr par ngaqnaeq taef-a.”