Gʼaˬkʼehˇ 18:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqjeq mirnae aernar-aq, ngar, nawq naeq-aer jawr-eu ma. Tiqghaq-iq nawq-anr maq lavtanq maq lavnar lar-ar. Meuq heumeuq-euq lafkhoer ngaq-euq tsawrhaq ghawqmya’ni jawr-eu ma.”

Akha

¹⁰ Ngaˇ nawˬ nehˬ-ehˇ jawˇ ma. Aˬ cawˬ nawˬ-ahˇ laˆ tahˬ laˆ naˇ-eu jeˬ maˬ mˇ nya-a. Aˬ jeˬ miˇ neh ehˇ naˇ, meuˬ heu meuˬ laꞈ kʼoeˇ ngaˬ-euˬ tsawˇ haˬ gʼawˬ mya ni jawˇ ma.”

Gʼaˬkʼehˇ 18:10 Referans Kwoze

2 Gawˇliˬtu 12:9

Aerkhawf, aqyawf, ngaq-anr aernaeq laf-eu, “Ngaq-euq guiqlanq yawdzanr, nawq-euq gharduq lof mae. Aqjeq mirnae aernar-aq, tsawrhaq ghaq baq-eu tsanr-anr ngaq-euq ghaq byanlar taef-a.” Khoermirnae, Kali-euq baoq ngaq-anr joeshmr-awr javnya’ni, ngar, ngaq-euq ghaq baq-eu garkawv, laqkhaq caertavni khanqsaer jaevmawf mir-a.

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Lormav 8:31

Heu-euq garkawv aqdui aqjox-aer aer nmr-mq? Miqyaer, aqdui jawr-eu paw pyawq nar-aq, aqdui-anr aqsur ghaq lavtsoeqlar nya-eu?

Yoˇhaˬ 10:16

Ngar-aq, yawr yawrkuv heukuv-anr maqtaf-eu yawr nuideuq khawf jawr-eu le siq. Ngar, yawr khoerdeuq-anr khawf yasheuq laq-ir-awr, aqyawfmaf, ngaq-euq tersar-anr narhaq taef-a. Khoernar-aq, yawr yawrmaf tiq maf hawr-eu yawr bo-eu ghaq tiq ghaq taef-aer pyeuflar taef-a.

2 Tiˆmoˇseˬ 4:22

Sanqpaq Miqyaer, nawq-euq saflar-euq lafkhoer jawr luf-ur. Nawq-euq khoertav guiqlanq yawdzanr jav luf-ur.

Yoˇhaˬ 11:52

Tsawrjeuq khoerjeuq-euq gharduq taef-aer maqngeur-a. Aerkhawf, jawrbyav taq-euq Miqyaer-euq zaqdeuq, tiq mur taef-aer pyeuflarni aqyawf lavuiq-eu mae.

Maꞈtehˬ 10:30

Aqyawf, nawmaf-euq uqduq tsaerkanr yawqkanr navluf-anr khawf guijir taq-euq mae.

Gʼaˬkʼehˇ 15:18

“Miqyaer nae kharmr-euq gar dawqtawvluf, mqmaq maqbyav yarzir-anr nae aqyawf siqnya luf-eu mae.’

Luˇkaꞈ 21:18

Aerkhawf, nawmaf-euq tsaerkanr tiq kanr taef-aer khawf maqya ga-ir-ar.

2 Tiˆmoˇseˬ 4:17

Tsawrhaq dawqtawvluf, ngaq-anr byaerdzae naeqlaf-euq khawf, ngar guiqlanqdawq tiqbyanni maeqnaeq-awr, aqcawq tsawrjeuq tsawrca dawqtawvluf yagaqni, Sanqpaq Yeqsur, ngaq naeq-aer jawr-awr, ghaq bifnaeqlaf luf-eu mae. Khoermirnae, ngar, arlaqjaqshir-euq khaqmae-anr nae yabuq-ir-euq ma.

Maꞈtehˬ 1:23

“Hawde-eq, miqdaf dafshawr tiq ghaq, zaq tsaevler-awr, Zaqyo tiq ghaq ciq taef-a. Aqcawq, aqyawf-anr Ermaqnoeqlar laer kur taef-a” (Isy 7:14) “Ermaqnoeqlar” laer aer-eu-aq, “Miqyaer, aqdui naeq-aer jawr mae” laer aermawf-eu mae.

Gʼaˬkʼehˇ 15:14

Miqyaer, aqcawq tsawrjeuq tsawrca-anr hawle baebae ngae pov, aqyawf maf-euq lafkhoer nae, aqyawf-euq tsawrmyanr-euq uqmov bijawr-eu tsawrhaq deuq-anr tserdov taq-euq mae laer, Sirmoq dzawrnaeqlaf dzeur-euq mae.

Gʼaˬkʼehˇ 18:9

Uqcif pawdzer mawrle-eu lafkhoer, Sanqpaq Yeqsur, Pawrluv-anr heulof-aer aer-eu mae, “Taqguv. Nawr ciqcurni maqjawr-aer ngaeq-awq.

Gʼaˬkʼehˇ 18:11

Pawrluv khoergar tiq khof uqtaf bala kof siq jawr-awr, aqyawf maf-euq ghanrcae Miqyaer-euq dawq maeqnaeq tsovnaeq-euq mae.