Gʼaˬkʼehˇ 17:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aerkhawf, maqjan-eu Yurdav tsawrhaq deuq myavnav nav-eu mirnae, povka laevkawv kharngeur-eu gar jawr-eu tsawrdoer deuq-anr dae’uiq-awr, meuq khoermeuq bi luiqgha lar-euq mae. Aqyawfmaf, Yaqsoq-euq nymr-anr tanqur lef-awr, Pawrluv hawr-eu Siqlav-anr tsawrhaq khoermyav ni-euq maeqshi gheudov-eu laer pov-euq mae.

Akha

⁵ Ehˇ kʼawꞈ, Yuˇdaˆ tsawˇ haˬ deuˬ myaˆ naˆ-eu miˇ neh, aˬ dzawˬ aˇ gah deuˬ deh uiˬ-awˇ aˇ muˇ tiˬ muˇ muˇ doˆ-eu laꞈ kʼoeˇ, meuˬ meuˬ lah-ehˇ laˆ luiˬ-euˬ meh. Pawˇluˆ hawˇ-eu Siˬlaˆ aˬ nyaꞈ-ahˇ miˇ kʼahˬ zaˬ-euˬ mehˬ shi gʼeu doˆ leꞈ-eu gʼaˇ duˬ, Yaˬsoˬ-euˬ nymˇ-ahˇ aˬ yawꞈ maꞈ ga jawˬ-iˇ-euˬ meh.

Gʼaˬkʼehˇ 17:5 Referans Kwoze

Gaˬlaˬtiˆ 5:26

Aqdui nuima maqhuiq-aer, tiqghaq tirghaq nuima maq lavpaer-eu uqtaf, tiqghaq tirghaq myav maq navni daef kar-eur.

Gʼaˬkʼehˇ 17:13

Aerkhawf, Pawrluv, Beqlir meuq-anr Miqyaer-euq dawq maeqluf-eu mae laer Tersaqlorni-anr jawr-eu Yurdav tsawrhaq deuq yasiq ngae, khoergar khawf oe-awr, tsawrhaq armaf mafma-anr lavteuv-euq mae.

Gaˬlaˬtiˆ 5:21

maerjuir juir-eu, tsawrhaq lavsaef-eu, dzaqyaef dawryaef-eu, byaeqlaeq shaevdae-aer yawbui bui-eu hawr-eu heulof-aer ghae-eu deuq mrdov laf-eu mae. Heulof-aer ghae-eu deuq mr-eu tsawrhaq-aq, Miqyaer uvlanr-eu lafkhoer maqya urler-a laer arhu ngar, nawmaf-anr aernaeq-awr, nymq-mr khawf par aernaeq-eu ma.

Lormav 16:21

Ngaq-euq gar mrcawq Tivmorseq hawr-eu ngaq-euq aqyuif aqnyir pyeuf-eu Lurgir, Yaqsoq hawr-eu Sawrsirpaqtav aqha’maf, nawmaf-anr dawqcawq puqanr laf-euq mae.

Gʼaˬkʼehˇ 17:7

Yaqsoq, aqyawf maf-anr hageuf-euq mae. Aqyawfmaf, Yeqsur laer kur-eu sanqpaq nuighaq jawr-eu mae laer aer-awr, aqyawfmaf dawqtawvluf sanqpaq Gaersaq-euq zanrtaq khoftaq-anr mrbanq-euq mae.”

Gʼaˬkʼehˇ 14:2

Aerkhawf, aqyuif aqnyir deuq-anr muirni, maqjan-eu Yurdav tsawrhaq deuq-aq, aqcawq tsawrjeuq tsawrca-anr lavteuv-awr, aqyawf maf-euq nuinoeq-anr dzardof dawv-euq mae.

1 Gawˇliˬtu 3:3

Nawmaf-aq, shiqshaq paw-euq tsawrhaq lof-aer daefluf nga siq. Nawmaf tiqghaq tirghaq myavnav nav-awr, iqdaeq iqcae dovluf-eu uqtaf, nawmaf-euq yawkaq armaf birpav luf-eu nga. Khoerlof-aer janr-eu-aq, nawmaf, shiqshaq paw-euq tsawrhaq lof-aer pyeuf-awr, tsawrhaqzaq lof-aer taef-aer daefluf-eu maqngeur le laq?

Gʼaˬkʼehˇ 19:40

Iqnan luiqgha lar-euq gar tafler-awr nae, aqcawq, aqdui-euq yawlaeq nyaeflar-eu gar khanqlanrkhar za-eu mae. Aqjeq mirnae heulof-aer uiqler-awr luiqgha banqgha luf-eu le laer aqcawq narhaqlar nar-aq, aqdui yawduq duq-aer tiqjeq-iq maq aerkhofnaeq nya-a.”

Gʼaˬkʼehˇ 18:12

Aqgaqyar mirkhanq-anr Gaqliqoq sanrmrluf ngae, Yurdav tsawrhaq nuima tiqgar gm-awr, Pawrluv-anr muirni turlar-awr, aqyawf-anr yarkhaq dar-eu nuirmanq-anr sheughae-awr,

Gʼaˬkʼehˇ 14:19

Khoerngae, Yurdav tsawrhaq Aqdirawq hawr-eu Irgawrnir-anr nae khoergar oe-euq mae. Aqyawfmaf, tsawrhaq armaf mafma-anr gheupyawr nya-awr, Pawrluv-anr khaqlo bibiq-euq mae. Aqyawf shir-euq jeq nga laer noeq-awr, meuq-euq lafnyir gheudzae-ir-euq mae.

Gʼaˬkʼehˇ 13:45

Aerkhawf, Yurdav tsawrhaq deuq, tsawrhaq armaf-anr ya’mawr ngae, myavnavnav duidui-eu lafkhoer Pawrluv ngaeq-eu gar lavtsoeq-awr, pyaerpyaer-aer yaeqbawq saerlu-aer aernaeq-eu mae.

Maꞈtehˬ 27:18

Aqyawfmaf, Yeqsur-anr myavnav nav-eu mirnae, aqyawf jawr-eu gar nyaefha lar-euq nga laer Pirlav siqnya-eu mae.

Yaˬkoˆ 4:5

“Miqyaer nae aqdui-euq lafkhoer bijawr naeqlaf-euq Saflar myavnav nav-eu mae” laer Yaerbof-euq lafkhoer boftaq-euq dawq khoerdawq yawqngaef-aer boftaq-euq nga laer nawmaf noeq-eu le lor?

Gʼaˬkʼehˇ 7:9

“Aqpoeq heudeuq, Yorsaev-anr myavnav nav-eu mirnae, Irjirtuv-anr anqdzae-euq mae. Aerkhawf, Miqyaer, aqyawf naeq-aer jawr-awr,

Dawqdaq 14:30

Nuima muiq-eu-aq, shiqshaq-anr daef-eu jeq bif-eu mae. Aerkhawf, myavnav nav-eu jeq-aq, Shaqyoeq-anr bipeuq-ir-eu mae.

Jaceuq 69:12

Lanrkhaeq-anr nuir-eu deuq, ngaq-anr muir-eu jeq ngaeq-awr, Ngar, jirbaq dawryaef-eu deuq-euq cardawq pyeuflar taq-euq mae.

Jaceuq 35:15

Aerkhawf, ngar sanqtiftif ngae, Aqyawfmaf laqkhaq caer-eu lafkhoer, tiqkawv lof-aer uiqler-awr, Ngaq-anr muir-eu laer bymrler taef-a laer ngar maq siqnya-aq. Aqyawfmaf, maq naqlerni ngaq-anr gheupyaeq lar-eu mae.

Gʼaˬkʼehˇ 17:6

Aerkhawf, aqyawf nyaf-anr maq povmawr nya-eu mirnae, Yaqsoq hawr-eu aqyuif aqnyir tiqpavnav deuq-anr gheu-awr meuq-anr uvlanr-eu deuq jawr-eu gar lekeuv ngae, heulof-aer gurgur-aer aer-eu mae, “Mirtsaq povlav par-eu tsawrhaq deuq, heugar khawf oekeuv taq-euq ngar-a.

Gʼaˬkʼehˇ 17:9

Khoerngae, aqyawfmaf, kamq-eu gharduq pyur yurghaq-euq nar-aq, Yaqsoq hawr-eu cawqdeuq-anr pyaeqnaeq-euq mae.

2 Gawˇliˬtu 11:26

Ngar maqmyanr kaq-anr garma dov-ir-eu, ircuf huiq-eu gar guvkhar za-eu, tanrjoe-anr guvkhar za-eu, ngaq-euq tsawrjeuq tsawrca-anr guvkhar za-eu, aqcawq tsawrjeuq tsawrca-anr guvkhar za-eu, meuq-euq lafkhoer guvkhar za-eu, bawrtsanq bawrdanr-anr guvkhar za-eu, iqmalavshav-euq lafkhoer guvkhar za-eu, aqyuif aqnyir janrgeuf-eu deuq-anr guvkhar za-eu heudeuq-anr yadaq-euq ma.

1 Teˇsaˬloˇni 1:6

Nawmaf shaq-awr zanq-eu jeq-anr yadaq duidui-euq khawf Yawshawr Saflar nae bif-euq laqkhaq caer-eu jeq tiqbyanni anr-eu lafkhoer nawmaf guiqlanq dawq-anr hageuf-euq khoer-aq, nawmaf, nga’maf-anr hawr-eu Sanqpaq Yeqsur-anr hawgeuf dzawgeuf-eu jeq pyeuf-eu mae.