Gʼaˬkʼehˇ 17:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoergar jawr-eu tsawrhaq deuq-aq, Tersaqlorni meuq-anr jawr-eu tsawrhaq deuq navmaqtser sharnoeq nya-awr, aqyawfmaf laeqhmqdan taq-euq lafkhoer, Miqyaer-euq dawq-anr hageuf-eu mae. Garkawv khoerdeuq tsaq nga laq maqtsaq nga laq laer yasiqni, yawqnan navluf Yaerbof-anr povtserhaw luf-eu mae.

Akha

¹¹ Kʼoeˇ gaˇ jawˇ-eu tsawˇ haˬ deuˬ-aˬ, Teˇsaˬloˇni meuˬ-ahˇ jawˇ-eu tsawˇ haˬ deuˬ naˆ maˬ tseˇ nui ma laˇ gʼoˆ pah taˬ-awˇ, guiˬ lahˬ dawˬ-ahˇ nui ma keuˆ-eu laꞈ kʼoeˇ naˇ haˬ-awˇ, Pawˇluˆ neh ehˇ-euˬ kʼoeˇ tsaˬ-eu maˬ tsaˬ-eu siˬ duˬ laˇ ni yawˬ nah na luꞈ Jaˇliꞈ-ahˇ gui haw luꞈ-eu meh.

Gʼaˬkʼehˇ 17:11 Referans Kwoze

Yoˇhaˬ 5:39

“Yaerbof-euq lafkhoer mqmaq maqbyav yarzir daef-eu jeq anr-eu mae laer nawmaf noeq-eu mirnae, nawmaf, Yaerbof guigui-aer povtser luf-eu mae. Yaerbof khoer-aq, ngaq-euq garkawv sarkir kamq-eu mae.

1 Teˇsaˬloˇni 2:13

Nawmaf, nga’maf nae maeq-euq Miqyaer-euq dawq yagaq ngae janlar-awr, nawmaf, dawq khoer-anr tsawrhaq-euq dawq laer maqsawx-aer, aqdir aqmar Miqyaer-euq dawq ngar-a laer hageuf-euq mae. Khoeruqtaf, dawq khoer-aq, Sanqpaq Yeqsur-anr jan-eu nawmaf-euq lafkhoer gar mrluf-eu mirnae, nga’maf aqmyanluf Miqyaer-anr jaceuq ma.

Maꞈtehˬ 13:23

Mirtsaq mirmuiq-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-awr ghovshaw nya-eu tsawrhaq-anr aer-eu mae. Khoerlof-aer ghae-eu tsawrhaq deuq-aq, arsiq siqle-eu mae. Tiqpavnav deuq-aq 100 bymr, tiqpavnav deuq-aq 60 bymr, tiqpavnav deuq-aq 30 bymr laer siqle-eu mae.”

Dawqdaq 9:9

Tsawrganr anr-eu tsawrhaq-anr maeqdawq tsovdawq bif nar-aq, Tsawrganr par anrdzaeq lar-eu mae. Tsaq-awr dawr-eu tsawrhaq-anr maeqnaeq nar-aq, Par siqnya dzaeqlar-eu mae.

Dawqdaq 1:5

Tsawrganr anr-eu deuq narhaq ngae dzawlanq-eu jeq biza-awr, Ghovshaw nya-eu tsawrhaq maeqbawq biza-eu gharduq mae.

1 Teˇsaˬloˇni 1:6

Nawmaf shaq-awr zanq-eu jeq-anr yadaq duidui-euq khawf Yawshawr Saflar nae bif-euq laqkhaq caer-eu jeq tiqbyanni anr-eu lafkhoer nawmaf guiqlanq dawq-anr hageuf-euq khoer-aq, nawmaf, nga’maf-anr hawr-eu Sanqpaq Yeqsur-anr hawgeuf dzawgeuf-eu jeq pyeuf-eu mae.

Yoˇhaˬ 3:21

Aerkhawf, yawtsaq yawdawr jeq mr-eu tsawrhaq-aq, aqyawf nae mr-euq jeq, Miqyaer-anr ghoe-awr mr-euq nga laer byacaevni bi dovlar-eu gharduq, yawshaef jav-eu gar lar-eu mae.”

2 Teˇsaˬloˇni 2:10

Khoeruqtaf, cawv-ir luf-eu tsawrhaq-anr myawfza shuirza nya’ni, aqyawf maqtsaq maqdawr-eu yawqjeq navluf-anr ghoe taef-a. Aqyawfmaf kakhof-eu jeq za’ni, yawtsaq yawdawr-anr maqgaq-aer maq hageuf-eu mirnae yacawv-ir-eu mae.

1 Beˬtuˆluˆ 2:2

Zaqnanq, aqcoer dawrmawf-eu lof-aer, nawmaf khawf, shawrjaevni ghae-eu aqcoer pyeuf-eu Yaerdawq-anr dawrmawf-awq. Dawr nar-aq, nawmaf huiqlar manrlar taef-a.

Luˇkaꞈ 24:44

Khoerngae, Yeqsur, aqyawf maf-anr aernaeq-eu, “Morseq-euq zanrdawq, Miqyaer gharduq ngaeqdan-eu deuq-euq sanqbof hawr-eu, Jaceuq-eu sanqbof-euq lafkhoer, ngaq-euq garkawv khar boftaq-euq dawqtawvluf ya byanlar taef-a laer, ngar, nawmaf naeq-aer jawr ngae, dawq heudeuq aernaeq dzeur-euq ma.”

Dawqdaq 8:10

Pyur-anr navmaqtser, ngaq-euq maeqdawq tsovdawq-anr hageuf-awr, Muiq-eu shuir-anr navmaqtser, siqnya-eu tsawrganr-anr hageuf-awq.

Yaˬkoˆ 1:21

Khoermirnae, nawmaf-euq lafkhoer anr-eu yawjawf yawqjeq navluf hawr-eu yawcawv jeq dawqtawvluf byaerdzae jir-awq. Nawmaf-euq saflar-anr kakhof nya-eu, nawmaf-euq lafkhoer kataq-euq dawq-anr nuima nanqyuni anr-awr hageuf-awq.

Jaceuq 119:148

Ngar, nawq-euq dawq-anr dzardziv dziv-eu mirnae, Uqcif mirlan-aer ngaq-euq myavnuiv byaeluf-eu ma.

Jaceuq 119:100

Ngar, nawq-euq maeqdawq-anr mrcaw-eu mirnae, Ngar, tsawrmawq deuq-euq navmaqtser ghovshawnya dzaeq-eu ma.

Jaceuq 119:97

Or-oq, ngar, nawq-euq zanrdawq-anr arnavni gaq-eu nga! Nan’ga-i ngar, nawq-euq zanrdawq-anr dzardziv dziv-eu ma.

Gʼaˬkʼehˇ 10:33

Khoermirnae, ngar tiqpov taef-aer nawr jawr-eu gar khaerghae lef-euq ma. Nawr lar-euq-aq zawr muiq-eu mae. Miqyaer nae nawq-anr biftaq-euq yawqdawq navluf-anr narhaq-eu laer, nymq-mr nga’maf, Miqyaer-euq maeqshi uiqlar taq-euq ma.”

Gʼaˬkʼehˇ 2:41

Aqyawf nae maeq-euq dawq-anr laqkhaq caertavni hageuf-euq tsawrhaq deuq bartirsaq hageuf-euq mae. Khoerngae nan, zaqlanr 3,000 ghaq aerghaqni lanqlar-euq mae.

Gʼaˬkʼehˇ 17:1

Khoerngae, Pawrluv hawr-eu Siqlav, Aqpirbawrlir meuq hawr-eu Aqpawrlawrnir meuq-anr canpav ghae-awr, Tersaqlorni-anr oekeuv-euq mae. Khoergar, Yurdav tsawrhaq-euq zanrdawq khawqnymr jav-eu mae.

Gʼaˬkʼehˇ 11:1

Ghaqkhaer deuq hawr-eu Yurdav mirkhanq-anr jawr-eu aqyuif aqnyir deuq, aqcawq tsawrjeuq tsawrca khawf, Miqyaer-euq dawq hageuf-euq mae laer yagaq-euq mae.

Luˇkaꞈ 16:29

Aqbyaqhaq aer-eu, ‘Aqyawfmaf jawr-eu gar Morseq-euq dawq hawr-eu Miqyaer gharduq ngaeqdan-eu deuq-euq dawq jav mae. Aqyawfmaf dawq khoerdeuq-anr narhaq luf-ur.’

Luˇkaꞈ 1:2

Garkawv heudeuq-anr yawbae ngae nae ya’mawr-awr, dawqmaeq maeq-eu tsawrhaq nae nga’maf-anr ja’naeq laf-euq lof-aer bofdov taq-euq ma.

Luˇkaꞈ 11:3

Iqnan mawf-eu dzaq-awr dawr-eu jeq, iqnan nga’maf-anr bifnaeqlaf.