Gʼaˬkʼehˇ 16:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawfmaf tiqmeuq sair tiqmeuq-anr irluf ngae, Yeqlursaqlaeq-anr jawr-eu ghaqkhaer deuq hawr-eu aqyuif aqtsu deuq nae bawqdzaqtsaev taq-euq zanrtaq khoftaq khoer, zaqlanr deuq bi mrcaw-eu gharduq maeqnaeq-euq mae.

Akha

⁴ Aˬ yawꞈ nyaꞈ tiˬ meuˬ saˇ-iˬ tiˬ meuˬ iˇ-awˇ, jah-eu tsawˇ haˬ deuˬ-ahˇ Yeˬluˇsaˬlehˬ meuˬ-ahˇ jawˇ-eu gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ neh bawˬ tsehˆ taˬ-euˬ zahˇ sahˇ kʼoꞈ deuˬ biꞈ nehˬ-awˇ, zahˇ sahˇ kʼoꞈ kʼoeˇ deuˬ-ahˇ caw teh-eu gʼaˇ duˬ mehˬ nehˬ-euˬ meh.

Gʼaˬkʼehˇ 16:4 Referans Kwoze

Gʼaˬkʼehˇ 15:2

Khoermirnae, Pawrluv hawr-eu Baqnaqbar, aqyawfmaf naeq-aer caecae-aer pyaer duidui-euq mae. Khoernar-aq, garkawv khoer bi narhaq ler-eu laer, Pawrluv, Baqnaqbar hawr-eu aqyawf maf-euq lafkhoer keuq-eu heumyav ghaq-anr tserdov-awr, Yeqlursaqlaeq-anr jawr-eu ghaqkhaer deuq hawr-eu aqyuif aqtsu deuq jawr-eu gar bile-euq mae.

Gʼaˬkʼehˇ 15:6

Khoermirnae, ghaqkhaer deuq hawr-eu aqyuif aqtsu deuq uiqler-awr, garkawv khoer maeqbawq mr-euq mae.

Gʼaˬkʼehˇ 11:30

Aqyawfmaf nae noeqtsaev taq-euq lof-aer mr-awr, Baqnaqbar hawr-eu Sawrluv-euq aqlaf-anr ghoe-awr nae Kalizaq armur-euq aqyuif aqtsu deuq jawr-eu gar bi shaha ler-euq mae.

Gʼaˬkʼehˇ 15:4

Aqyawfmaf, Yeqlursaqlaeq-anr lekeuv ngae, Kalizaq armur, ghaqkhaer deuq hawr-eu aqyuif aqtsu deuq, aqyawf maf-anr hageuf-euq mae. Khoerngae, Miqyaer, aqyawf nyaf-anr ghoe-awr kharmr kharshar-euq garkawv dawqtawvluf, aqyawf maf-anr dzawrnaeq-euq mae.