Gʼaˬkʼehˇ 16:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Tiqnan, nga’maf guiqlanq sharduq-anr irluf ngae, ja’maw maw-eu naef ur-eu zaqkhav aqbur tiq ghaq, nga’maf-anr tanqpuq lar-euq mae. Aqbur khoerghaq shaevtsaq tsaqnya-eu mirnae, aqyawf-euq yawsanr deuq-anr pyur ghawqmya’ni lavza naeq-euq mae.

Akha

¹⁶ Tiˬ nah-aˬ, uˬ duˬ tahˬ-eu jawˇ duˬ-ahˇ nga maꞈ iˇ luꞈ ngeh, ja maw maw nya-eu nehꞈ uˇ-eu aˬ buˇ zaˬ kʼaˆ tiˬ gʼaˬ tahˬ puˬ le-euˬ meh. Aˬ buˇ kʼoeˇ buˇ ja maw maw nehˬ-eu pyuˇ gʼawˬ mya ni za-eu miˇ neh, aˬ yawꞈ-euˬ baw leˬ deuˬ smˇ muiˬ muiˬ laˇ-euˬ meh.

Gʼaˬkʼehˇ 16:16 Referans Kwoze

Gaˬlaˬtiˆ 5:20

tanqpanq aqma mawrkawr-anr uqduq tanq-eu, ja’maw maw-eu, tiqghaq tirghaq muir-eu, caedzaq-eu, myavnav nav-eu, nuima dav-eu, huiqmawf manrmawf-eu, armaf birpav-eu, maqtsaq maqdawr-eu jeq maeq-eu,

1 Tiˆmoˇseˬ 6:10

Pyur-anr maerjuir juir-eu jeq-aq, yawdoer dawqtawv luf-euq dawqpaeq duqpur mae. Tsawrhaq tiqpavnav deuq, pyur-anr maerjuir juir-eu mirnae, Kali-anr jan-eu jeq-anr byaerdzae-awr, yawqha-euq nuima-anr micaer nae tsawv-euq lof-aer noeqshaq noeqzanq-eu ghawqmya jeq-anr yadaq-eu mae.

2 Tiˆmoˇseˬ 3:8

Arhuba, Yaqneq hawr-eu Yaqbeq, Morseq maeq-eu dawq-anr lavtsoeq-euq lof-aer, tsawrhaq heudeuq khawf, yawtsaq yawdawr jeq-anr lavtsoeq luf-eu mae. Aqyawf maf-euq sharnoeq sharsawx-eu nuima kafduiqni pyeuf-ir-awr, aqyawf maf-euq jan-eu jeq tsermr haw-eu gar maq daqcoer-a.

Gʼaˬkʼehˇ 16:18

Aqyawf khoerlof-aer ghawqmya nan janrkeuv laf-euq mirnae, Pawrluv daevlar taq-awr, narkhan paw ciqpyawr-awr naef khoermawr-anr aernaeq-eu, “Yeqsur Kali-euq tsawrmyanr-euq uqmov, ngar, nawq-anr dawq bif-eu ma. Aqyawf-anr nae dovle-awq.” Khoerngae, tiqpov taef-aer naef khoermawr dovle-euq mae.

Gʼaˬkʼehˇ 16:13

Landaw jawrnan ngae nan, nga’maf meuq-euq lafnyir paw irdov-awr, guiqlanq shar-eu tsawrhaq aqmyanluf guiqlanq shar-ir-eu lawrbaq lawrdzer-anr irkeuv-euq ma. Nga’maf nuir-awr khoergar uiqlar taq-euq zaqmiq aqbur deuq-anr dzoer-awr dawq ngaeqcawq-euq ma.

2 Beˬtuˆluˆ 2:3

Aqyawfmaf pyurshuir myawqganq-anr maerjuir juir-eu mirnae, jaqmyawf maershuir-euq dawq nae nawmaf-anr myawfdzaq lar-eu mae. Aerkhawf, dzeurlaf ngae nae, aqyawf maf-anr yarkhaq dartsaev taq-euq khoer, maq nyinaq-aer, lavcawv-eu jeq maq yufbyovni, aqyawf maf-euq khoertav keuvle luf-eu mae.

Gʼaˬkʼehˇ 19:24

Aqjeq mirnae aernar-aq, Deqmeqdeqlir laer kur-eu pyur taev-eu tiq ghaq jawr-eu mae. Aqyawf-aq, pyur yur-awr Aqdeqmir miqyaerma-euq lawrguir guirzaq taev-eu mae. Aqyawf-euq baqda’nae, lafmyawq lafmuv mr-eu tsawrhaq deuq jirjeuq ghawqmya’ni zaluf-eu mae.

Gʼaˬkʼehˇ 16:19

Aerkhawf, aqbur khoerghaq-euq yawsanr deuq, aqyawf maf-euq noeqtmqduq pyeuf-eu pyur zakhaeq maqpar jav-eu ngar-a laer ya’mawr ngae, Pawrluv hawr-eu Siqlav-anr nyaef-awr, povka laevkawv, aryaq jav-eu tsawrhaq deuq jawr-eu gar gheughae-euq mae.