Gʼaˬkʼehˇ 16:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoergar nae nar-aq, Pirlirpiv-anr lekeuv-euq ma. Meuq khoermeuq-aq, Maqgeqdawrniv mirkhanq-euq lafkhoer, Lormav tsawrhaq uvlanr luf-eu meuq uqdzan mae. Nga’maf khoergar heumyav nan jawr-euq ma.

Akha

¹² Kʼoeˇ gaˇ neh naˇ, Piˇliˇpiˆ meuˬ-ahˇ nga maꞈ le-euˬ ma. Meuˬ kʼoeˇ meuˬ-aˬ, Loˇmaˆ tsawˇ haˬ uˆ lahˇ luꞈ-eu Maˬgeˬdawˇniˆ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu meuˬ pyeuꞈ-eu meh. Kʼoeˇ gaˇ nga maꞈ gʼawˬ mya nah jawˇ-euˬ ma.

Gʼaˬkʼehˇ 16:12 Referans Kwoze

1 Teˇsaˬloˇni 2:2

Nawmaf siqluf-eu lof-aer, dzeurlaf ngae, nga’maf, Pirlirpiv-anr jawr ngae, aqcawq khaeqnaeq khavnaeq laf-awr, yaeqbawq saerlu-aer janrnaeq laf-eu gar yadaq-euq ma. Nawmaf-anr Miqyaer-euq guiqlanqdawq maeqlar ngae, lavtsoeq-eu jeq ghawqmya’ni jav-eu khawf, nga’maf, aqdui-euq Miqyaer-anr ghoeghoe-aer nuima khaqduqni maeq-euq ma.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

Gʼaˬkʼehˇ 20:6

Daeqtseq maqdawv-euq kaqmur dzaq-eu yawbui dzeur-awr, nga’maf, Pirlirpiv-anr nae lawq-anr dziq-awr dov-ir-euq ma. Ngaq nan byanlar ngae, Daqlor-anr irkeuv-awr, aqyawfmaf naeq-aer tanqdzoer-awr, khoergar shif nan byanni jawrnaq mr-euq ma.

Gʼaˬkʼehˇ 16:21

Aqyawfnyaf, aqdui, Lormav tsawrhaq maq hageuf khmq-aer maq mrkhmq-eu zanr maeqluf tsovluf-eu mae.”

Gʼaˬkʼehˇ 16:9

Uqcif pawdzer, Pawrluv-anr mawrle-euq lafkhoer, Maqgeqdawrniv tsawrhaq tiq ghaq yawfle-awr Pawrluv-anr shar-eu, “Maqgeqdawrniv mirkhanq-anr lar-awr, nga’maf-anr cawba lar-awq.”

Gʼaˬkʼehˇ 16:10

Pawrluv mawrle-eu lafkhoer khoerlof-aer ya’mawr-euq nar-aq, Sanqpaq Miqyaer, aqyawf maf-anr guiqlanqdawq maeqnaeqler laer nga’maf-anr, kur-eu ngar-a laer noeqjir-awr, nga’maf, Maqgeqdawrniv mirkhanq-anr yawkawr-aer lenya’ni laeqhmq-euq ma.

Gʼaˬkʼehˇ 18:5

Siqlav hawr-eu Tivmorseq, Maqgeqdawrniv mirkhanq-anr nae oekeuv ngae, Pawrluv, muiq-eu Saflar katir-eu mirnae, Yeqsur-aq, Kali mae laer Yurdav tsawrhaq deuq-anr sarkir kamqnaeq luf-eu mae.

Gʼaˬkʼehˇ 19:21

Garkawv heudeuq pyeuflar dzeur-euq nar-aq, Pawrluv, Maqgeqdawrniv mirkhanq hawr-eu Aqgaqyar mirkhanq-anr irtsaev ghae-awr, Yeqlursaqlaeq-anr le ma laer muiq-eu Saflar-euq lafkhoer noeqtsaev-euq mae. Aqyawf aer-eu, “Ngar khoergar leghaq-euq nar-aq, Lormav meuq-anr khawf yale-a siq.”

Gʼaˬkʼehˇ 19:29

Khoerngae, meuq meuqlan-aer luiqgha lar-euq mae. Aqyawfmaf, Pawrluv naeq-aer canluf-eu Maqgeqdawrniv mirkhanq-anr jawr-eu Gaqyur hawr-eu, Aqliqdaqgur-anr gheu-awr, meuq-euq yawbui buiduq-anr uiqler-euq mae.

Gʼaˬkʼehˇ 20:1

Luiqgha-eu khoer cof-ir-euq nar-aq, Pawrluv, zaqlanr deuq-anr kuruiq-awr, aqyawf maf-anr byarcuf-awr, Maqgeqdawrniv mirkhanq-anr irghae-euq mae.

Gʼaˬkʼehˇ 20:3

Khoergar bala smr siq byanni jawr-awr, lawq-anr dziq-awr Surliv-anr ghof-ir-eu laer ghae ngae, Yurdav tsawrhaq, Pawrluv-anr saef-eu laer tovluf-eu mirnae, aqyawf, Maqgeqdawrniv mirkhanq paw nae ghof-ir ma laer noeqtsaev-euq mae.

Gʼaˬkʼehˇ 27:2

Khoernar-aq, Aqsir mircoer-euq iqmalavshav lawrdzer cawcaw-aer jav-eu meuqdeuq-anr ir-eu laer nga’maf, Aqdaqmurdir meuq-anr jawr-eu tsawrhaq-euq lawq-anr davler-euq ma. Maqgeqdawrniv mirkhanq-anr jav-eu Tersaqlorni-anr jawr-eu Aqliqdaqgur khawf, nga’maf naeq-aer tiqkawv lof-aer ir-euq ma.

Lormav 15:26

Aqjeq mirnae aernar-aq, Maqgeqdawrniv mirkhanq hawr-eu Aqgaqyar mirkhanq-anr jawr-eu tsawrshawr deuq, Yeqlursaqlaeq-anr jawr-eu tsawrshawr deuq-euq lafkhoer irshaqzaq deuq-euq gharduq, pyur damq-awr cawba-eu gar nuikhanr shir-eu mae.

Piˇliˇpiˆ 1:5

Aqjeq mirnae aernar-aq, ardanqbae ngae nan-anr nae iqnan keuvni, nawmaf khawf guiqlanq dawq-anr tafler-awr nae gar cawmr luf-eu mae.