Gʼaˬkʼehˇ 16:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, Pawrluv, Deqbeq hawr-eu Lurdaqlar-anr oekeuv-euq mae. Khoergar Tivmorseq laer kur-eu zaqlanr tiq ghaq jawr-eu mae. Aqyawf-aq, janlar-euq Yurdavma tiq ghaq-euq zaqyo mae. Aerkhawf, aqyawf-euq aqda-aq, Heqlaqsar tsawrhaq mae.

Akha

¹ Kʼoeˇ naˇ, Deˬbeˬ meuˬ hawˇ-eu Luˇdaˬlaˇ meuˬ-ahˇ Pawˇluˆ iˇ-euˬ meh. Luˇdaˬlaˇ meuˬ-ahˇ Tiˆmoˇseˬ lehˇ myahˇ-euˬ Ka li zaˬ tiˬ gʼaˬ jawˇ-eu meh. Aˬ yawꞈ-euˬ aˬ ma-aˬ, Yuˇdaˆ tsawˇ jeuˬ Ka li zaˬ pyeuꞈ-eu meh. Ehˇ kʼawꞈ, aˬ yawꞈ-euˬ aˬ da-aˬ Heˬlaˬsaˇ tsawˇ jeuˬ meh.

Gʼaˬkʼehˇ 16:1 Referans Kwoze

2 Tiˆmoˇseˬ 1:5

Nawr shawrjaevni jan-eu gar ngar noeqdov lar-euq mir-a. Nawr jan-eu heu-aq, yawbae nawqpiq Lawriv hawr-eu nawqma Urnir-euq lafkhoer anr-awr, nymq-mr nawq-euq lafkhoer khawf anr-eu gar ngar yawduq baw-eu ma.

2 Tiˆmoˇseˬ 1:2

Ngar zawr gaq-eu ngaqli Tivmorseq-anr sanqbof bofanr lef-eu ma. Aqda Miqyaer hawr-eu aqdui-euq Sanqpaq Yeqsur Kali-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

1 Tiˆmoˇseˬ 1:2

Jan-eu paw aqdir ngaqli pyeuf-eu Tivmorseq-anr sanqbof bofanr lef-euq ma. Aqdui-euq Aqda Miqyaer hawr-eu aqdui-euq Sanqpaq Yeqsur Kali-anr nae oe-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

1 Teˇsaˬloˇni 3:2

Nawmaf jan-eu jeq zifdanni ghaelarni, ghaq bibif-eu gharduq, nga’maf nae nawmaf jawr-eu gar aqdui-euq maernmr Tivmorseq bilar-euq ma. Aqyawf-aq, Miqyaer-euq kuirlaf zaqkhav pyeuf-awr, Kali-euq guiqlanqdawq maeq-eu, nga’maf-euq gar mrcawq pyeuf-eu mae.

1 Gawˇliˬtu 4:17

Khoer baqda’nae, Sanqpaq Miqyaer-euq lafkhoer sarjax zif-awr, ngar zawr gaq-eu zaqyo Tivmorseq-anr nawmaf jawr-eu gar bilar-euq ma. Ngar, yawqgar navluf jawr-eu Kalizaq armur dawqtawv luf-anr maeqnaeq tsovnaeq-eu lof-aer, ngar, Kali-anr ghoe-awr mr-eu mrjeq sharkawv aqyawf, nawmaf-anr ja’noeq naeqlaf taef-a.

Gʼaˬkʼehˇ 18:5

Siqlav hawr-eu Tivmorseq, Maqgeqdawrniv mirkhanq-anr nae oekeuv ngae, Pawrluv, muiq-eu Saflar katir-eu mirnae, Yeqsur-aq, Kali mae laer Yurdav tsawrhaq deuq-anr sarkir kamqnaeq luf-eu mae.

Gʼaˬkʼehˇ 17:14

Khoerngae, aqyuif aqnyir deuq, Pawrluv-anr iqmalavshav-euq lawrdzer paw yawkawr-aer bi’ir-euq mae. Aerkhawf, Siqlav hawr-eu Tivmorseq-aq, khoergar jawryaf-euq mae.

2 Teˇsaˬloˇni 1:1

Pawrluv, Siqlav hawr-eu Tivmorseq ngaqha smr ghaq, aqdui-euq Aqda Miqyaer hawr-eu Sanqpaq Yeqsur Kali-euq lafkhoer jawr-eu, Tersaqlorni Kalizaq armur-anr sanqbof bofanr laf-eu ma.

Gawˇlawˇsehˇ 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Aqdui-euq maernmr Tivmorseq nga’nyaf,

Piˇliˇpiˆ 2:19

Ngar, nawmaf-euq garkawv yasiq-awr nuima ghaq anrlarni, ghawqmyanr maqghae-aer, Tivmorseq, nawmaf jawr-eu gar bi’oe ma laer Sanqpaq Yeqsur-euq lafkhoer noeqtmq luf-eu ma.

Lormav 16:21

Ngaq-euq gar mrcawq Tivmorseq hawr-eu ngaq-euq aqyuif aqnyir pyeuf-eu Lurgir, Yaqsoq hawr-eu Sawrsirpaqtav aqha’maf, nawmaf-anr dawqcawq puqanr laf-euq mae.

Gʼaˬkʼehˇ 14:6

Aqyawfnyaf garkawv khoer-anr yasiq ngae, Lurgawrnir mirkhanq-anr jav-eu Lurdaqlar meuq, Deqbeq hawr-eu jawqlaw jawrlawr jav-eu jawrkhanq-anr caev-ir-euq mae.

HeˬByehˇ 13:23

Aqdui-euq maernmr Tivmorseq, kuv-anr nae bi pyaeqdov ghaq-euq mae. Aqyawf yawkawr-aer larkeuv nar-aq, ngar khawf aqyawf naeq-aer nawmaf jawr-eu gar lar mae laer siqnya-awq.

1 Tiˆmoˇseˬ 1:18

Ngaqli Tivmorseq-or! Dzeurlaf ngae, Miqyaer gharduq ngaeqdan-eu deuq nae, nawq-euq garkawv aertaq-euq lof-aer, ngar, nawq-anr dawq heulof-aer bif-eu ma. Dawq khoerdeuq-euq baqda’nae, guirdeuv yawmuiq-aer deuv-awq.

1 Teˇsaˬloˇni 1:1

Pawrluv, Siqlav hawr-eu Tivmorseq nga’maf smr ghaq, Aqda Miqyaer hawr-eu Sanqpaq Yeqsur Kali-euq lafkhoer jawr-eu, Tersaqlorni Kalizaq armur-anr sanqbof bofanr laf-eu ma. Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu nuisar of-eu jeq nawmaf-euq khoertav jav luf-ur.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

Gʼaˬkʼehˇ 19:22

Khoermirnae, aqyawf-anr cawba-eu deuq-euq lafkhoer nae, Tivmorseq hawr-eu Erlaqdur aqnyaf-anr Maqgeqdawrniv mirkhanq-anr bile-awr, aqyawf-aq, Aqsir mircoer-anr tiqkhaeq par jawryaf-euq mae.

2 Tiˆmoˇseˬ 3:11

Khoeruqtaf, khaeq-awr khav-eu jeq hawr-eu shaqzanq nargawr daqgar khawf nawr yawmuiq-aer cantae-euq mae. Aqdirawq, Irgawrnir hawr-eu Lurdaqlar-anr jawr ngae, ngar yadaq duidui-euq ma. Aerkhawf, khaeq-awr khav-eu khoerdeuq dawqtawv luf-euq lafkhoer nae, Sanqpaq Yeqsur, ngaq-anr bibuq-ir naeqlaf-euq mae.

1 Teˇsaˬloˇni 3:6

Aerkhawf, nymq-mr Tivmorseq, nawmaf jawr-eu gar nae ghofkeuv le-awr, nawmaf janluf-eu garkawv hawr-eu gaqluf-eu garkawv, laqkhaq caerlar paq-aer nga’maf-anr dzawrnaeq laf-euq mae. Nawmaf, aqmyanluf nga’maf-anr noeqkeuv luf-awr, nga’maf, nawmaf-anr mawrmawf-eu lof-aer, nawmaf khawf, nga’maf-anr mawrmawf duidui-eu garkawv khawf dzawrnaeq laf-euq mae.

2 Gawˇliˬtu 1:19

Aqjeq mirnae aernar-aq, ngar, Siqlav hawr-eu Tivmorseq, nga’maf nae nawmaf-anr dawqmaeq maeqnaeq-euq, Miqyaer-euq Zaqyo Yeqsur Kali-euq garkawv-aq, ngeur-eu jeq khawf, maqngeur-eu jeq khawf, keuqkeuq soso-aer ghae-eu maqngeur-aer, aqyawf-euq lafkhoer-aq ngeur-eu jeq taef mae.

2 Gawˇliˬtu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.

1 Gawˇliˬtu 7:14

Aqjeq mirnae aernar-aq, maqjan-eu khaqdzerzaq, yawqha-euq miqzaq-euq baqda’nae lavshawr ghaq-euq mae. Maqjan-eu miqzaq khawf, yawqha-euq khaqdzerzaq-euq baqda’nae lavshawr ghaq-euq mae. Khoerlof-aer maqngeur nar-aq, nawmaf-euq zaq maqshawr-a. Aerkhawf, nymq-mr-aq, aqyawfmaf yawshawr mae.

Gʼaˬkʼehˇ 14:21

Aqyawfmaf, Deqbeq-anr jawr-eu tsawrhaq-anr guiqlanqdawq maeqnaeq-awr, tsawrhaq ghawqmya ghaq zaqlanr pyeuflarni mryaf-euq mae. Khoernar-aq, aqyawfnyaf, Lurdaqlar, Irgawrnir hawr-eu Aqdirawq meuq-anr ghofler-euq mae.

Gʼaˬkʼehˇ 14:1

Aqyawfnyaf Irgawrnir-anr jawr-awr, Yurdav tsawrhaq-euq zanrdawq khawqnymr-anr tiqkawv lof-aer davler-euq mae. Khoergar dawqmaeq maeqnaeq-euq mirnae, Yurdav tsawrhaq hawr-eu Heqlaqsar tsawrhaq armaf mafma janlar-euq mae.

1 Gawˇliˬtu 16:10

Tivmorseq, nawmaf jawr-eu gar lar nar-aq, aqyawf, nawmaf naeq-aer jawr ngae maqya guvni hawnaeq-awq. Aqjeq mirnae aernar-aq, aqyawf khawf, ngar lof-aer Sanqpaq Miqyaer-euq gar mr-eu mae.

Piˇleˇmoˬ 1:1

Ngar-aq, Yeqsur Kali-euq gharduq kuv-anr urluf-eu Pawrluv ma. Aqnyir Tivmorseq nga’nyaf, nga’nyaf zawr gaq-eu gar mrcawq Pirlermoq-anr maqaer,