Gʼaˬkʼehˇ 15:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Miqyaer-aq, aqdui hawr-eu aqyawfmaf laer maq tserpav-a. Jan-eu jeq-anr ghoe-awr nae, Miqyaer, aqyawf maf-euq nuima-anr bimuiq bi shawrlar-euq mae.

Akha

⁹ Aˬ dui hawˇ-eu aˬ yawꞈ maꞈ-ahˇ aˬ yawꞈ tiˬ jeˬ-iˬ maˬ sawˇ beu-a. Aˬ yawꞈ maꞈ jah-eu miˇ neh, aˬ yawꞈ iˬ baˇ pyehˬ nehˬ-euˬ meh.

Gʼaˬkʼehˇ 15:9 Referans Kwoze

Eˇpeˇsu 3:6

Zaftaq-euq khoer-aq heulof-aer mae: guiqlanqdawq baqda’nae aqcawq tsawrjeuq tsawrca khawf, Kali-euq lafkhoer Yurdav tsawrhaq naeq-aer tiqkawv lof-aer jeqbir of-awr, mawrdo tiq do taef-aer pyeuflar-euq uqtaf, aqyawf-euq sarjax-anr khawf tiqkawv lof-aer za-euq mae.

Gʼaˬkʼehˇ 10:28

Khoernar-aq, aqyawf, aqyawf maf-anr heulof-aer aernaeq-euq mae, “Yurdav tsawrhaq tiq ghaq, yawqkhanq yawqmir yawq-euq tsawrhaq naeq-aer cawq cawq-eu maqngeur nar-aq, aqyawfmaf jawr-eu gar ir-eu heu, maq janrkhmq-a laer nawmaf siqnya-eu mae. Aerkhawf, tsawrhaq tiqghaq-anr-iq maq cawqkhmq-eu hawr-eu maqshawr-eu laer taqsawx laer, Miqyaer, ngaq-anr maeqnaeq laf-euq mae.

Gawˇlawˇsehˇ 3:11

Tsawrhaq yawshuif pyeuflar-euq lafkhoer, Heqlaqsar hawr-eu Yurdav tsawrhaq, bawkhov maeqdzaq yaeq-euq hawr-eu bawkhov maeqdzaq maqyaeq-euq tsawrhaq, yarsaq tsawrhaq hawr-eu Siqtiv tsawrhaq, zaqkhav hawr-eu buq-ir-euq tsawrhaq laer maqbaw-a. Kali-aq, dawqtawvluf pyeuf-awr, dawqtawv luf-euq lafkhoer jawr-eu mae.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Gaˬlaˬtiˆ 3:28

Nawmaf dawqtawvluf, Yeqsur Kali-euq lafkhoer tiq ghaq lof-aer taef-aer pyeuf-eu mirnae, Yurdav tsawrhaq hawr-eu Heqlaqsar tsawrhaq, zaqkhav hawr-eu buq-ir-euq tsawrhaq, zaqyo aqli hawr-eu zaqmiq aqbur laer maqpar baw-eu mae.

1 Gawˇliˬtu 1:2

Gawrliqtu-anr jawr-eu Miqyaer-euq Kalizaq armur-anr sanqbof bofanr lef-eu ma. Yeqsur Kali-euq lafkhoer bi lavshawr-awr, tsawrshawr bigeuf-eu laer kurdov taq-euq aqdui-euq Sanqpaq, Yeqsur Kali-euq tsawrmyanr-anr kharkur-eu aqgeugar jawr-eu tsawrhaq-anr maqkaq, sanqbof heu bofnaeq-eu ma. Kali-aq, aqdui-euq Sanqpaq pyeuf-awr, aqyawf maf-euq Sanqpaq khawf ngeur-eu mae.

Lormav 3:22

Yeqsur Kali-anr kharjan-eu tsawrhaq dawqtawvluf, aqyawfmaf jan-eu lafkhoer, Miqyaer-euq tsaq-awr dawr-eu jeq-anr za-euq mirnae, beugar-eu tiqjeq-iq maqjav-a.

Gʼaˬkʼehˇ 11:12

Khoerngae, muiq-eu Saflar, ngaq-anr aernaeq laf-eu, nuima povpov lavlav-aer maqghaeni aqyawfmaf naeq-aer le-awq. Aqyuif aqnyir heu kof ghaq khawf ngaq naeq-aer le-awr, khoerghaq-euq nymr-anr urler-euq ma.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

Gʼaˬkʼehˇ 10:34

Khoerngae, Beqtuvluv, khaqmae mrnga-awr heulof-aer aer-eu mae, “Yawtsaq yawdawr-euq lafkhoer, Miqyaer-aq, myavpyawq huiqnyir maqtser nga laer, ngar siqduq-euq ma.

1 Gawˇliˬtu 7:18

Miqyaer, tsawrhaq tiqghaq nav-anr kur ngae, bawkhov maeqdzaq yaeqdzeur-euq ngeur nar-aq, maqyaeq-euq taq janrgeuf. Tsawrhaq tiqghaq nav-anr kur ngae, bawkhov maeqdzaq maqyaeq-euq ngeur nar-aq, maqya yaeq-ar.

Lormav 9:24

Oeqlanq khoer-aq, Miqyaer nae kur-euq aqduimaf ma. Yurdav tsawrhaq-euq lafkhoer taef-aer maqngeur-aer, aqcawq tsawrjeuq tsawrca-anr khawf kurdov naeqlaf-euq mae.

Lormav 3:9

Tox-aer mar-iq, aqdui, Yurdav tsawrhaq-aq, aqcawq-euq navmaqtser muiqdzaeq-eu le lor? Tiqpawf-iq maqngeur-a. Aqjeq mirnae aernar-aq, Yurdav tsawrhaq hawr-eu Heqlaqsar tsawrhaq dawqtawvluf iqbax-euq lafov jawrluf-eu mae laer nga’maf jashawdzeur yaf-euq ma.

Gʼaˬkʼehˇ 14:27

Aqyawfnyaf ghofkeuvle ngae, Kalizaq armur-anr tiqgar kuruiq-awr, Miqyaer, aqyawf nyaf-anr ghoe-awr kharmr kharshar-euq garkawv hawr-eu, aqcawq tsawrjeuq tsawrca, Kali-anr janlarni Miqyaer larghov aqjox-aer pannaeq-euq garkawv, aqyawf maf-anr dzawrnaeq-euq mae.

Gʼaˬkʼehˇ 14:1

Aqyawfnyaf Irgawrnir-anr jawr-awr, Yurdav tsawrhaq-euq zanrdawq khawqnymr-anr tiqkawv lof-aer davler-euq mae. Khoergar dawqmaeq maeqnaeq-euq mirnae, Yurdav tsawrhaq hawr-eu Heqlaqsar tsawrhaq armaf mafma janlar-euq mae.

Gʼaˬkʼehˇ 10:15

Tersar khoer nyiq pov tiqpov aqyawf-anr paraer-eu, “Miqyaer nae shawr-euq jeq-anr maq dzaqkhmq-eu jeq laer nawr taqsawx.”

Jaceuq 51:10

Miqyaer-or! Ngaq-euq lafkhoer shawr-eu nuima tiq siq bae’anr naeqlaf-awr; Ngaq-euq lafkhoer zifdanni ghae-eu saflar lavshuif naeqlaf-awq.