Gʼaˬkʼehˇ 15:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoermirnae, aqyawf maf-euq lafkhoer nae tsawrhaq tserdov-awr, Pawrluv hawr-eu Baqnaqbar naeq-aer Aqdirawq-anr bi’ir ma laer ghaqkhaer deuq, aqyuif aqtsu deuq hawr-eu Kalizaq armur murlan-aer nuikhanr shir-eu mae. Aqyuif aqnyir deuq-euq ghanrcae sheuqghae luf-eu Baqsaqbav laer kur-eu Yurdav hawr-eu Siqlav-anr tserdov-awr bi’ir-euq mae.

Akha

²² Kʼoeˇ naˇ, aˬ yawꞈ maꞈ laꞈ kʼoeˇ tsawˇ haˬ tseˇ doˆ-awˇ, Pawˇluˆ hawˇ-eu Baˬnaˬbaˇ nehˬ-ehˇ Aˬdiˇawˬ meuˬ-ahˇ bi le-eu gʼaˇ duˬ, gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ Ka li zaˬ aˇ muˇ nehˬ-ehˇ bawˬ dzaˬ tsehˆ-euˬ meh. Jah-eu tsawˇ haˬ deuˬ yaw zeu baw dui dui-eu Baˬsaˬbaˆ lehˇ kuˇ-eu Yuˇdaˆ hawˇ-eu Siˬlaˆ aˬ nyaꞈ-ahˇ tseˇ doˆ-awˇ,

Gʼaˬkʼehˇ 15:22 Referans Kwoze

Gʼaˬkʼehˇ 15:27

Khoermirnae, nga’maf, Yurdav hawr-eu Siqlav-anr khaer-awr bi’oe-euq ma. Nga’maf nae khar boftaq-euq garkawv heu, aqyawf nyaf-euq khaqmae nae dzawrnaeqlaf taef-a.

Gʼaˬkʼehˇ 15:40

Aerkhawf, Pawrluv-aq, Siqlav-anr tser-awr, aqyuif aqnyir deuq nae Miqyaer-euq guiqlanq yawdzanr-euq lafkhoer bi a’naeq ghaq-euq nar-aq, sheuq-awr dov-ir-euq mae.

1 Beˬtuˆluˆ 5:12

Ngar, maernmr laer sawxtaq-euq, sarjax zif-eu aqdui-euq maernmr Siqlaqnmr-anr ghoe-awr, nawmaf-aq, aqdir aqmar Miqyaer-euq guiqlanq yawdzanr-euq lafkhoer yawfluf-eu mae laer sarkir kamq-awr, ghaq bif-eu gharduq, sanqbof yawnymr nymr-aer bofanr lef-euq ma.

2 Teˇsaˬloˇni 1:1

Pawrluv, Siqlav hawr-eu Tivmorseq ngaqha smr ghaq, aqdui-euq Aqda Miqyaer hawr-eu Sanqpaq Yeqsur Kali-euq lafkhoer jawr-eu, Tersaqlorni Kalizaq armur-anr sanqbof bofanr laf-eu ma.

1 Teˇsaˬloˇni 1:1

Pawrluv, Siqlav hawr-eu Tivmorseq nga’maf smr ghaq, Aqda Miqyaer hawr-eu Sanqpaq Yeqsur Kali-euq lafkhoer jawr-eu, Tersaqlorni Kalizaq armur-anr sanqbof bofanr laf-eu ma. Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu nuisar of-eu jeq nawmaf-euq khoertav jav luf-ur.

Gʼaˬkʼehˇ 18:5

Siqlav hawr-eu Tivmorseq, Maqgeqdawrniv mirkhanq-anr nae oekeuv ngae, Pawrluv, muiq-eu Saflar katir-eu mirnae, Yeqsur-aq, Kali mae laer Yurdav tsawrhaq deuq-anr sarkir kamqnaeq luf-eu mae.

Gʼaˬkʼehˇ 15:32

Yurdav hawr-eu Siqlav, aqnyaf khawf, Miqyaer gharduq ngaeqdan-eu tsawrhaq pyeuf-eu mirnae, aqyuif aqnyir deuq-anr dawq ghawqmya’ni ngaeqnaeq-eu lafkhoer maeqbawq bif-awr ghaq bi khavlar-euq mae.

Gʼaˬkʼehˇ 1:23

Khoermirnae, aqyawfmaf, tsawrhaq nyiq ghaq-anr sharnoeq-euq mae. Yawbae ghaq-aq, tsawrmyanr myanrmar Yurtuq laer myanr-awr, Baqsaqbav laer khawf kur-eu Yorsaev mae. Nyiq ghaq tiqghaq-aq, Maqtir laer kur-eu mae.

Gʼaˬkʼehˇ 17:14

Khoerngae, aqyuif aqnyir deuq, Pawrluv-anr iqmalavshav-euq lawrdzer paw yawkawr-aer bi’ir-euq mae. Aerkhawf, Siqlav hawr-eu Tivmorseq-aq, khoergar jawryaf-euq mae.

Gʼaˬkʼehˇ 17:10

Khoernar-aq, uqcif cifle ngae, aqyuif aqnyir deuq tiqpov taef-aer, Pawrluv hawr-eu Siqlav-anr Beqlir meuq-anr khaerghae-euq mae. Aqyawfnyaf khoergar irkeuv ngae, Yurdav tsawrhaq-euq zanrdawq khawqnymr-anr urler-euq mae.

Gʼaˬkʼehˇ 17:4

Aqyawf maf-euq lafkhoer tiqpavnav deuq-anr maeqjan-awr, Pawrluv hawr-eu Siqlav-anr gawflar-euq mae. Miqyaer-anr guv-eu Heqlaqsar tsawrhaq armaf mafma hawr-eu, myavpyawq narmaer jav-eu zaqmiq aqbur deuq khawf yawmyaq mae.

Gʼaˬkʼehˇ 16:29

Khoerngae, kuv-euq aqyuif ghaq miqdzaq bi keuqlef-awr, caevur ghae-awr, yawdzuq gan’gan-aer, Pawrluv hawr-eu Siqlav-euq maeqshi gabyav ghae-euq mae.

Gʼaˬkʼehˇ 16:25

Aerkhawf, saerghanr caelar ngae, Pawrluv hawr-eu Siqlav guiqlanq shar-awr, Miqyaer-anr jaceuq-eu cardawq carcar-aer jaceuq luf-eu mae. Kuv-anr ur-eu deuq khawf narhaq luf-eu mae.

Gʼaˬkʼehˇ 16:19

Aerkhawf, aqbur khoerghaq-euq yawsanr deuq, aqyawf maf-euq noeqtmqduq pyeuf-eu pyur zakhaeq maqpar jav-eu ngar-a laer ya’mawr ngae, Pawrluv hawr-eu Siqlav-anr nyaef-awr, povka laevkawv, aryaq jav-eu tsawrhaq deuq jawr-eu gar gheughae-euq mae.

Gʼaˬkʼehˇ 15:25

Khoermirnae, nga’maf tiqgar uiqler-awr tserdov-euq, nga’maf zawr gaq-eu Baqnaqbar hawr-eu Pawrluv, nawmaf jawr-eu gar bi’oe-eu yawmuiq taef-a laer noeq-eu ma.

Gʼaˬkʼehˇ 15:23

Aqyawfmaf nae bof-euq sanqbof-aq, heulof-aer boftaq-euq mae: “Nga’maf, ghaqkhaer deuq, aqyuif aqtsu deuq hawr-eu aqyuif aqnyir deuq, nawmaf, Aqdirawq, Surliv hawr-eu Girlirciv-anr jawr-eu, aqcawq tsawrjeuq tsawrca pyeuf-eu aqyuif aqnyir deuq-anr dawqcawqpuq ma.

Gʼaˬkʼehˇ 11:22

Garkawv heudeuq, Yeqlursaqlaeq-anr jawr-eu Kali-anr jan-eu armur deuq-euq naqbawr-anr gaqkeuv ler-awr, aqyawfmaf, Baqnaqbar-anr khaer-awr, Aqdirawq meuq-anr bi’ir-euq mae.

Gʼaˬkʼehˇ 8:14

Saqmaqliv tsawrhaq, Miqyaer-euq dawq-anr hageuf-euq garkawv, Yeqlursaqlaeq-anr jawr-eu ghaqkhaer deuq yagaq ngae, Beqtuvluv hawr-eu Yorhaq-anr aqyawfmaf jawr-eu gar khaerghae-euq mae.

Gʼaˬkʼehˇ 11:19

Saqteqpaq-anr khaeq-awr khav-euq mirnae, jawrbyav taq-euq tsawrhaq khoerdeuq, Pirnir mirkhanq, Gurbaqlur irjawlanr hawr-eu Aqdirawq-anr keuvni ir-awr, Yurdav tsawrhaq-anr taef-aer dawqmaeq maeqnaeq-euq mae.

Gʼaˬkʼehˇ 11:20

Aerkhawf, Gurbaqlur irjawlanr hawr-eu Kurleqniq mirkhanq-anr jawr-eu tiqpavnav deuq-aq, aqyawfmaf, Aqdirawq-anr larkeuv ngae, Heqlaqsar tsawrhaq-anr khawf ngaeqcawq-awr, Sanqpaq Yeqsur-euq garkawv dawqmaeq maeqnaeq-euq mae.

Gʼaˬkʼehˇ 11:27

Khoerngae yamq-anr, Miqyaer gharduq ngaeqdan-eu deuq Yeqlursaqlaeq-anr nae Aqdirawq meuq-anr oeka-euq mae.

Gʼaˬkʼehˇ 15:3

Khoerngae, Kalizaq armur aqyawf maf-anr khaerdov-awr bile-euq mae. Aqyawfmaf, Pirnir mirkhanq hawr-eu Saqmaqliv mirkhanq-anr cantsaev-awr, aqcawq tsawrjeuq tsawrca, Miqyaer jawr-eu paw ghoflar-euq garkawv dzawrmaeqnaeq ngae, aqyuif aqnyir dawqtawvluf laqkhaqcaer duidui-eu mae.

Gʼaˬkʼehˇ 15:30

Khoermirnae, aqyawf maf-anr bi khaerghae-awr, Aqdirawq-anr irkeuv ngae, tsawrhaq armaf deuq-anr kuruiq-awr, aqyawf maf-anr sanqbof khoertaf bifnaeq-euq mae.

2 Gawˇliˬtu 1:19

Aqjeq mirnae aernar-aq, ngar, Siqlav hawr-eu Tivmorseq, nga’maf nae nawmaf-anr dawqmaeq maeqnaeq-euq, Miqyaer-euq Zaqyo Yeqsur Kali-euq garkawv-aq, ngeur-eu jeq khawf, maqngeur-eu jeq khawf, keuqkeuq soso-aer ghae-eu maqngeur-aer, aqyawf-euq lafkhoer-aq ngeur-eu jeq taef mae.