Gʼaˬkʼehˇ 15:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, Yurdav mirkhanq-anr jawr-eu tsawrhaq tiqpavnav deuq oeka-awr, aqyuif aqnyir deuq-anr maeqnaeq tsovnaeq-eu lafkhoer aer-eu, “Nawmaf, Morseq-euq zanrtaq khoftaq jav-eu lof-aer, bawkhov maeqdzaq maqyaeq nar-aq, maqbuq-ir nya-a.”

Akha

¹ Yuˇdaˆ miˇ kʼahˬ-ahˇ jawˇ-eu tsawˇ haˬ tiˬ paˆ na deuˬ Aˬdiˇawˬ meuˬ-ahˇ laˇ-awˇ, “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ baˆ kʼoˆ mehˬ dzaˬ maˬ yehˬ naˇ, naw maꞈ ka kʼoꞈ-eu jeˬ-ahˇ maˬ za nya-aˇ” lehˇ, jah-eu tsawˇ haˬ deuˬ-ahˇ mehˬ laˇ-euˬ meh.

Gʼaˬkʼehˇ 15:1 Referans Kwoze

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Gʼaˬkʼehˇ 15:5

Aerkhawf, Paqliqsaer armur-anr gawf-awr Kali-anr janlar-euq tiqpavnav deuq turlar-awr heulof-aer aer-eu mae, “Aqcawq tsawrjeuq tsawrca deuq bawkhov maeqdzaq yayaeq-awr, Morseq-euq zanrdawq-anr mrcaw-awq laer dawq yabif taef-a.”

Gawˇlawˇsehˇ 2:8

Tsawrganr siqzaq-euq dawqmaeq hawr-eu gardanr maqtsoeq-eu jaqmyawf maershuir dawqdeuq ngaeqngaeq-aer, nawmaf-anr shuirlar-eu tsawrhaq-anr yanr-awr, tiqghaq nae-iq taqbi shuirtawv. Dawq khoerdeuq-aq, Kali-anr maqtaf-aer, tsawrhaqzaq-euq zanroer-anr taf-eu dawq hawr-eu, mirtsaq-euq zanrsanrkhof-anr taf-eu dawqdeuq mae.

Gʼaˬkʼehˇ 15:24

Nga’maf-euq lafkhoer jawr-eu tsawrhaq tiqpavnav deuq, nawmaf jawr-eu gar oe-awr, ‘Nawmaf zanrdawq-anr ya cantae-awr, bawkhov maeqdzaq yayaeq-eu mae’ laer nawmaf-euq nuima maqsarni bi pyeuflar-awr nuima saflar povpov lavlav-aer bi ghaelar-eu dawq ngaeqle-euq mae laer nga’maf yagaq-euq ma. Tsawrhaq khoerdeuq-anr nga’maf nae khaerlef-euq maqngeur.

Yoˇhaˬ 7:22

Khoermirnae, Morseq, nawmaf-anr bawkhov maeqdzaq yaeq-eu zanr bijanr-euq mae. Nawmaf, landaw jawrnan ngae nan khawf, zaqyo aqli-anr bawkhov maeqdzaq yaeqnaeq-eu mae. (Zanr heu-aq, Morseq-anr nae ardanq bae-euq maqngeur-a. Aqpoeq aqbawr deuq nae tawqka lef-euq mae).

Gaˬlaˬtiˆ 2:1

Khoernar-aq, 14 khof dzeur-ir-awr, Baqnaqbar, nga’nyaf, Yeqlursaqlaeq-anr parle-euq ma. Tirtuv khawf sheuq-awr le-euq ma.

Gʼaˬkʼehˇ 15:3

Khoerngae, Kalizaq armur aqyawf maf-anr khaerdov-awr bile-euq mae. Aqyawfmaf, Pirnir mirkhanq hawr-eu Saqmaqliv mirkhanq-anr cantsaev-awr, aqcawq tsawrjeuq tsawrca, Miqyaer jawr-eu paw ghoflar-euq garkawv dzawrmaeqnaeq ngae, aqyuif aqnyir dawqtawvluf laqkhaqcaer duidui-eu mae.

Gʼaˬkʼehˇ 6:14

Naqzaqlaer tsawrhaq Yeqsur, uqduq tanqnymr nymrma heu-anr pyavdzae-awr, ‘Morseq nae aqdui-anr bi tawqka lef-euq zanr deuq-anr khawf lavpar taef-a’ laer aqyawf aer-eu gar nga’maf yagaq-euq ma.”

Gawˇlawˇsehˇ 2:16

Khoermirnae, dzaqdzaq dawrdawr, yawbui bui-eu, lalov latsaev lan-eu hawr-eu landaw jawrnan lan-eu garkawv heudeuq-euq baqda’nae, nawmaf-anr tiqghaq nae-iq yarkhaq taqbi dar.

Gʼaˬkʼehˇ 21:20

Aqyawfmaf yagaq ngae, Miqyaer-anr ciqhuiq ciqmanr-eu mae. Khoernar-aq, aqyawfmaf, Pawrluv-anr heulof-aer aernaeq-euq mae: “Maernmr-or! Yurdav tsawrhaq-euq lafkhoer Kali-anr janlar-euq armyav tanr ghaq jawr-eu la laer nawr mawrluf-eu mae. Aqyawfmaf dawqtawvluf zanrdawq-anr nuima keuv duidui-eu mae.

Gʼaˬkʼehˇ 15:22

Khoermirnae, aqyawf maf-euq lafkhoer nae tsawrhaq tserdov-awr, Pawrluv hawr-eu Baqnaqbar naeq-aer Aqdirawq-anr bi’ir ma laer ghaqkhaer deuq, aqyuif aqtsu deuq hawr-eu Kalizaq armur murlan-aer nuikhanr shir-eu mae. Aqyuif aqnyir deuq-euq ghanrcae sheuqghae luf-eu Baqsaqbav laer kur-eu Yurdav hawr-eu Siqlav-anr tserdov-awr bi’ir-euq mae.

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

Gʼaˬkʼehˇ 15:23

Aqyawfmaf nae bof-euq sanqbof-aq, heulof-aer boftaq-euq mae: “Nga’maf, ghaqkhaer deuq, aqyuif aqtsu deuq hawr-eu aqyuif aqnyir deuq, nawmaf, Aqdirawq, Surliv hawr-eu Girlirciv-anr jawr-eu, aqcawq tsawrjeuq tsawrca pyeuf-eu aqyuif aqnyir deuq-anr dawqcawqpuq ma.

Gʼaˬkʼehˇ 15:32

Yurdav hawr-eu Siqlav, aqnyaf khawf, Miqyaer gharduq ngaeqdan-eu tsawrhaq pyeuf-eu mirnae, aqyuif aqnyir deuq-anr dawq ghawqmya’ni ngaeqnaeq-eu lafkhoer maeqbawq bif-awr ghaq bi khavlar-euq mae.

Gaˬlaˬtiˆ 6:12

Shiqshaq-euq lafkhoer yawmuiq janrgeuf mawf-awr tsawrhaq khoerdeuq, nawmaf-anr bawkhov maeqdzaq yaeq laer katir lar-eu khoer-aq, aqyawfmaf, Kali-euq lafyaq-euq baqda’nae khaeq-awr khav-eu gar maqya daqni janr-eu taef mae.