Gʼaˬkʼehˇ 14:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqyawfnyaf Irgawrnir-anr jawr-awr, Yurdav tsawrhaq-euq zanrdawq khawqnymr-anr tiqkawv lof-aer davler-euq mae. Khoergar dawqmaeq maeqnaeq-euq mirnae, Yurdav tsawrhaq hawr-eu Heqlaqsar tsawrhaq armaf mafma janlar-euq mae.

Akha

¹ Pawˇluˆ hawˇ-eu Baˬnaˬbaˇ aˬ nyaꞈ Iˇgawˇniˇ meuˬ-ahˇ le keuˆ-awˇ jawˇ ngeh, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ daˆ leˇ-awˇ dawˬ ngehˬ leˇ-euˬ meh. Kʼoeˇ gaˇ kʼawꞈ, Yuˇdaˆ tsawˇ haˬ maˬ ehˇ, aˬ cawˬ tsawˇ jeuˬ maˬ ehˇ, gʼawˬ mya ni jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 14:1 Referans Kwoze

Gʼaˬkʼehˇ 18:4

Yurdav tsawrhaq hawr-eu Heqlaqsar tsawrhaq, Kali-anr janlarni, landaw jawrnan yawqnan navluf zanrdawq khawqnymr-euq lafkhoer Pawrluv kurcawq-eu mae.

Gʼaˬkʼehˇ 13:51

Aqyawfnyaf, tsawrhaq khoerdeuq-euq maeqshi, aqkuir-anr laeflar-euq khaqlaer baevkhar yaf-awr, Irgawrnir-anr le-euq mae.

Gʼaˬkʼehˇ 13:46

Khoermirnae, Pawrluv hawr-eu Baqnaqbar nuima khaqduqni anrlar-awr heulof-aer aernaeq-euq mae: “Miqyaer-euq dawq nawmaf-anr jeqhu maeqnaeq-eu-aq tsaq mae. Aerkhawf, nawmaf, Miqyaer-euq dawq-anr byaerdzae-awr, li-eu maqbawni daef-eu jeq za-eu-aq, yawqha maqgeux-a laer dar-eu mirnae, nga’nyaf, aqcawq tsawrjeuq tsawrca jawr-eu paw ciqpyawr ma.

Gʼaˬkʼehˇ 14:21

Aqyawfmaf, Deqbeq-anr jawr-eu tsawrhaq-anr guiqlanqdawq maeqnaeq-awr, tsawrhaq ghawqmya ghaq zaqlanr pyeuflarni mryaf-euq mae. Khoernar-aq, aqyawfnyaf, Lurdaqlar, Irgawrnir hawr-eu Aqdirawq meuq-anr ghofler-euq mae.

Gaˬlaˬtiˆ 3:28

Nawmaf dawqtawvluf, Yeqsur Kali-euq lafkhoer tiq ghaq lof-aer taef-aer pyeuf-eu mirnae, Yurdav tsawrhaq hawr-eu Heqlaqsar tsawrhaq, zaqkhav hawr-eu buq-ir-euq tsawrhaq, zaqyo aqli hawr-eu zaqmiq aqbur laer maqpar baw-eu mae.

Lormav 10:12

Yurdav tsawrhaq hawr-eu Heqlaqsar tsawrhaq maq beugar-a. Aqjeq mirnae aernar-aq, Miqyaer-aq, tsawrhaq dawqtawv luf-euq Sanqpaq pyeuf-awr, aqyawf-anr kur-eu tsawrhaq yawqghaq navluf-anr guiqlanq tiqbyanni bifnaeq-eu mae.

Lormav 1:16

Ngar, Kali-euq guiqlanqdawq gharduq maq shafdawr. Aqjeq mirnae aernar-aq, guiqlanq dawq-aq, jan-eu tsawrhaq yawqghaq navluf-anr bibuq-ir nya-eu Miqyaer-euq baoq pyeuf-eu mae. Yurdav tsawrhaq-anr nae bae-awr, Heqlaqsar tsawrhaq-anr khawf bibuq-ir-eu mae.

Gʼaˬkʼehˇ 19:17

Garkawv heu-aq, Erpersu-anr jawr-eu Yurdav tsawrhaq hawr-eu, Heqlaqsar tsawrhaq dawqtawvluf yasiq-euq mae. Aqyawfmaf dawqtawvluf guv duidui-awr, Sanqpaq Yeqsur-euq tsawrmyanr-anr yawkhav-aer ciqhuiq ciqmanr-eu mae.

Gʼaˬkʼehˇ 19:8

Khoernar-aq, Pawrluv zanrdawq khawqnymr-anr urler urler-aer, khaqduqni bala smr siq aerghaqni, aqyawf maf-anr gheupyawr khof-eu gharduq, Miqyaer uvlanr-eu garkawv jasawx jasawx-aer jawr-euq mae.

Gʼaˬkʼehˇ 18:8

Zanrdawq khawqnymr-euq aqyuif geuf-eu Gaqlirpuv laer kur-eu ghaq hawr-eu aqyawf-euq miqsawrzaq yawqghaq navluf, Sanqpaq Yeqsur-anr janlar-euq mae. Gawrliqtu-anr jawr-eu ghawqmya ghaq khawf yagaq-awr janlar-awr, bartirsaq hageuf-euq mae.

Gʼaˬkʼehˇ 17:12

Khoermirnae, aqyawf maf-euq lafkhoer ghawqmya ghaq Kali-anr janlar-euq mae. Myavpyawq narmaer jav-eu Heqlaqsar-euq zaqmiq aqbur deuq khawf, zaqyo aqli deuq khawf ghawqmya’ni janlar-euq mae.

Gʼaˬkʼehˇ 17:4

Aqyawf maf-euq lafkhoer tiqpavnav deuq-anr maeqjan-awr, Pawrluv hawr-eu Siqlav-anr gawflar-euq mae. Miqyaer-anr guv-eu Heqlaqsar tsawrhaq armaf mafma hawr-eu, myavpyawq narmaer jav-eu zaqmiq aqbur deuq khawf yawmyaq mae.

Gʼaˬkʼehˇ 13:43

Tsawrhaq armaf ghawq-ir ngae, Yurdav tsawrhaq hawr-eu Miqyaer-anr guv-eu Yurdav-euq zanr tawqlar-euq tsawrhaq ghawqmya’ni, aqyawf maf-anr maeqnaeq-euq Pawrluv hawr-eu Baqnaqbar-euq maeqnan cantae ghae-euq mae. Aqyawfnyaf, aqyawf maf-anr Miqyaer-euq guiqlanq yawdzanr-euq lafkhoer daefdav lefni maeqjan yaf-euq mae.

Gʼaˬkʼehˇ 11:21

Sanqpaq Miqyaer-euq aqlaf, aqyawf maf-anr sheuqghae luf-eu mirnae, tsawrhaq ghawqmya’ni Sanqpaq Miqyaer-anr janlar-awr, aqyawf jawr-eu paw pyawrlar-euq mae.

Gʼaˬkʼehˇ 9:20

Sawrluv tiqpov taef-aer zanrdawq khawqnymr-euq lafkhoer, Kali-aq, Miqyaer-euq Zaqyo mae laer maeqnaeq-euq mae.

Gʼaˬkʼehˇ 21:28

gur-eu, “Irsaqleqlav tsawrhaq deuq-or! Cawba le-awq! Tsawrhaq heughaq-aq, aqdui-euq tsawrjeuq tsawrca-anr khawf, zanrdawq-anr khawf, jawrduq heutsanr-anr khawf, muirni kharngeur-eu gar yawqghaq navluf-anr maeqmaeq-aer canluf-eu mae. Khoeruqtaf, aqyawf, Heqlaqsar tsawrhaq-anr uqduq tanqnymr nymrma-euq lafkhoer sheuqur laf-awr, shawr-eu jawrduq heutsanr-anr maqshawrni bipyeuf-ir-euq mae.”

Gʼaˬkʼehˇ 20:21

Yurdav tsawrhaq hawr-eu Heqlaqsar tsawrhaq-anr khawf, Miqyaer-euq maeqshi iqbax noeqpov-awr, aqdui-euq Sanqpaq Yeqsur Kali-anr jan-awq laer sarkir kamq-euq ma.

Gʼaˬkʼehˇ 17:17

Khoermirnae, aqyawf, zanrdawq khawqnymr-euq lafkhoer, Yurdav tsawrhaq hawr-eu Miqyaer-anr uqduq tanq-eu aqcawq tsawrjeuq tsawrca naeq-aer jasawx-eu uqtaf, yawqnan navluf povka laevkawv-anr khar mawrle-euq tsawrhaq naeq-aer jasawx-euq mae.

Gʼaˬkʼehˇ 16:1

Khoerngae, Pawrluv, Deqbeq hawr-eu Lurdaqlar-anr oekeuv-euq mae. Khoergar Tivmorseq laer kur-eu zaqlanr tiq ghaq jawr-eu mae. Aqyawf-aq, janlar-euq Yurdavma tiq ghaq-euq zaqyo mae. Aerkhawf, aqyawf-euq aqda-aq, Heqlaqsar tsawrhaq mae.

Gʼaˬkʼehˇ 14:2

Aerkhawf, aqyuif aqnyir deuq-anr muirni, maqjan-eu Yurdav tsawrhaq deuq-aq, aqcawq tsawrjeuq tsawrca-anr lavteuv-awr, aqyawf maf-euq nuinoeq-anr dzardof dawv-euq mae.

Gʼaˬkʼehˇ 13:5

Aqyawfnyaf, Saqlaqmir meuq-anr irkeuv ngae, Yurdav tsawrhaq-euq zanrdawq khawqnymr-euq lafkhoer, Miqyaer-euq dawq maeqnaeq-euq mae. Aqyawfnyaf, Yorhaq-anr-aq, cawba-eu ghaq bigeuf-euq mae.

Yoˇhaˬ 12:20

Yawbui bui-eu gar uqduqtanq lar-euq tsawrhaq deuq-euq lafkhoer, Heqlaqsar tsawrhaq tiqdeuqnav khawf keuq-eu mae.

Yoˇhaˬ 7:35

Khoerngae, Yurdav tsawrhaq-euq yawkaq heulof-aer aer-eu mae, “Aqduimaf, aqyawf-anr maq povmawr nya’ni, aqyawf aqgeugar ir-eu laer aer-eu nga? Heqlaqsar tsawrhaq-euq ghanrcae jawrbyav taq-euq deuq jawr-eu gar ir-awr, Heqlaqsar tsawrhaq deuq-anr maeqnaeq tsovnaeq-ir-eu laer aer-eu nga lor?

Gawˇlawˇsehˇ 3:11

Tsawrhaq yawshuif pyeuflar-euq lafkhoer, Heqlaqsar hawr-eu Yurdav tsawrhaq, bawkhov maeqdzaq yaeq-euq hawr-eu bawkhov maeqdzaq maqyaeq-euq tsawrhaq, yarsaq tsawrhaq hawr-eu Siqtiv tsawrhaq, zaqkhav hawr-eu buq-ir-euq tsawrhaq laer maqbaw-a. Kali-aq, dawqtawvluf pyeuf-awr, dawqtawv luf-euq lafkhoer jawr-eu mae.

Gaˬlaˬtiˆ 2:3

Ngaq naeq-aer le-euq Tirtuv-aq, Heqlaqsar tsawrhaq pyeuf-eu khawf, aqyawf-anr bawkhov maeqdzaq yaeq-awq laer maq katir-aq.

Gʼaˬkʼehˇ 19:10

Aqyawf nyiq khof byanni khoerlof-aer janr-euq mirnae, Aqsir mircoer-anr kharjawr-eu tsawrhaq dawqtawvluf Yurdav tsawrhaq deuq khawf, Heqlaqsar tsawrhaq deuq khawf, Sanqpaq Yeqsur-euq dawq yagaq-euq mae.

Maˬkuˆ 7:26

Aqma khoerghaq-aq, Surliv Pirniv mirkhanq-anr daefle-euq Heqlaqsarma mae. Aqyawf, ‘Ngaqbur-euq lafkhoer ur-eu naef-anr taedov naeqlaf-awq’ laer, Yeqsur-anr shar duidui-eu mae.

Gʼaˬkʼehˇ 2:47

Aqyawfmaf, Miqyaer-anr jaceuq-eu mae. Tsawrhaq dawqtawvluf, aqyawf maf-anr nuikhanr shir-eu mae. Nan-anr nae kakhof-eu jeq za-awr jan-eu tsawrhaq deuq bi lanqlarni, Sanqpaq Miqyaer mrluf-eu mae.

Gʼaˬkʼehˇ 14:19

Khoerngae, Yurdav tsawrhaq Aqdirawq hawr-eu Irgawrnir-anr nae khoergar oe-euq mae. Aqyawfmaf, tsawrhaq armaf mafma-anr gheupyawr nya-awr, Pawrluv-anr khaqlo bibiq-euq mae. Aqyawf shir-euq jeq nga laer noeq-awr, meuq-euq lafnyir gheudzae-ir-euq mae.

Gʼaˬkʼehˇ 16:2

Lurdaqlar meuq-anr hawr-eu Irgawrnir-anr jawr-eu aqyuif aqnyir deuq, aqyawf-anr jaceuq-eu mae.

2 Tiˆmoˇseˬ 3:11

Khoeruqtaf, khaeq-awr khav-eu jeq hawr-eu shaqzanq nargawr daqgar khawf nawr yawmuiq-aer cantae-euq mae. Aqdirawq, Irgawrnir hawr-eu Lurdaqlar-anr jawr ngae, ngar yadaq duidui-euq ma. Aerkhawf, khaeq-awr khav-eu khoerdeuq dawqtawv luf-euq lafkhoer nae, Sanqpaq Yeqsur, ngaq-anr bibuq-ir naeqlaf-euq mae.