Gʼaˬkʼehˇ 13:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqyawfmaf irjawlanr-anr cantsaevdov ghae-awr, Baqpur meuq-anr irkeuv ngae, Yurdav tsawrhaq pyeuf-euq Baqyeqsur laer kur-eu mawloq loqnya-awr, Miqyaer gharduq ngaeqdan-eu jaqmyawf tiq ghaq tanqpuq-euq mae.

Akha

⁶ Aˬ yawꞈ maꞈ iˇ jaw lahˇ kʼoeˇ caw caw-ehˇ iˇ-awˇ, Baˬpuˇ meuˬ-ahˇ iˇ keuˆ ngeh, Baˬyeˬsuˇ lehˇ myahˇ-euˬ maw loˬ nya-eu Yuˇdaˆ tsawˇ haˬ tiˬ gʼaˬ-ahˇ tahˬ puˬ-euˬ meh. Tsawˇ haˬ kʼoeˇ gʼaˬ aˬ yawˇ yawꞈ Miˬyehˇ gʼaˇ duˬ ngehˬ dah-eu Yuˇdaˆ tsawˇ haˬ ma lehˇ ehˇ-eu meh.

Gʼaˬkʼehˇ 13:6 Referans Kwoze

Maꞈtehˬ 7:15

“Nawmaf, Miqyaer gharduq ngaeqdan-eu jaqmyawf deuq-anr yanr-awq. Aqyawfmaf, lafnyir paw yawrzaq-euq bawkhov tsanrkaq taq-awr, lafkhoer paw-aq, zawr zir-eu khaqyaer pyeuf-awr nawmaf jawr-eu gar lar-eu mae.

1 Yoˇhaˬ 4:1

Ngar zawr gaq-eu cawqdeuq-or! Kharngeur-eu saflar-anr taqjan. Saflar khoer Miqyaer-anr nae oe-euq saflar nga laq laer yawmuiq-aer tsermr haw-awq. Aqjeq mirnae aernar-aq, Miqyaer gharduq ngaeqdan-eu jaqmyawf deuq ghawqmya ghaq mirtsaq doeni dov-ir taq-euq mae.

2 Gawˇliˬtu 11:13

Tsawrhaq khoerdeuq-aq, ghaqkhaer janrgeuf-eu deuq mae. Aqyawf maf-aq, Kali-euq ghaqkhaer deuq lof-aer janrgeuf-awr, jaqmyawf maershuir-euq gar mr-eu tsawrhaq mae.

Maˬkuˆ 10:46

Khoernar-aq, aqyawfmaf, Yeqlirkor-anr irkeuv-euq mae. Yeqsur hawr-eu zaqlanr deuq, tsawrhaq armaf mafma naeq-aer Yeqlirkor-anr nae dov-ir luf ngae, Tirmaer-euq zaqyo Baqtirmaer laer kur-eu myavbaef tiq ghaq garma gardzer nuir-awr, hawqshar sharluf-eu mae.

Maꞈtehˬ 24:24

Aqjeq mirnae aernar-aq, Kali jaqmyawf deuq hawr-eu Miqyaer gharduq ngaeqdan-eu jaqmyawf deuq dovle-awr, ghaenya nar-aq, Miqyaer nae tserdov taq-euq tsawrhaq deuq-anr sheuqbanq ghaeni, huiq duidui-eu bisiq bimawr-eu jeq hawr-eu zanq duidui ler paq-aer ghae-eu jeq, aqyawfmaf janrmaeq taef-a.

Maꞈtehˬ 16:17

Khoerngae, Yeqsur, aqyawf-anr heulof-aer aernaeq-euq mae, “Yornav-euq zaqyo Sirmoq-or! Nawr-aq, guiqlanq huiq-eu mae. Aqjeq mirnae aernar-aq, garkawv heu tsawrhaqzaq nae nawq-anr panmaeq naeq-euq maqngeur-a. Mq-euq khoertav jawr-eu ngaqDa nae nawq-anr panmaeq naeq-euq mae.

Panmaeq 19:20

Khoerngae, jeqzaq yawghae khoermawr-anr nyaefmi-awr, Miqyaer gharduq ngaeqdan-eu jaqmyawf khoerghaq-anr khawf, jeqzaq yawghae khoermawr naeq-aer tiqkawv lof-aer nyaefmi-euq mae. Miqyaer gharduq ngaeqdan-eu jaqmyawf khoerghaq-aq, jeqzaq yawghae khoermawr-euq jmq diqtaq-awr, khoermawr-euq mawrkawr-anr uqduq tanq-eu tsawrhaq-anr myawfza shuirza nya’ni, jeqzaq yawghae khoermawr-euq maeqshi bisiq bimawr-eu jeq mrluf-eu khoerghaq mae. Aqyawf nyaf-anr yawdaef-aer, miqdzar dzarshuir dofluf-eu miqdzaq-euq lan-euq lafkhoer bafanr ghae-euq mae.

2 Tiˆmoˇseˬ 3:8

Arhuba, Yaqneq hawr-eu Yaqbeq, Morseq maeq-eu dawq-anr lavtsoeq-euq lof-aer, tsawrhaq heudeuq khawf, yawtsaq yawdawr jeq-anr lavtsoeq luf-eu mae. Aqyawf maf-euq sharnoeq sharsawx-eu nuima kafduiqni pyeuf-ir-awr, aqyawf maf-euq jan-eu jeq tsermr haw-eu gar maq daqcoer-a.

Gʼaˬkʼehˇ 13:8

Aerkhawf, meuq-anr sanrmr-eu heughaq maqbi janlarni, mawloq loqnya-eu Erlurma laer kur-eu khoerghaq, aqyawf nyaf-anr lavtsoeq luf-eu mae (Erlurma laer aer-eu-aq, mawloq loqnya-eu laer aermawf-eu mae).

Gʼaˬkʼehˇ 13:13

Pawrluv hawr-eu aqyawf naeq-aer jawr-eu deuq lawq-anr dziq-awr, Baqpur meuq-anr nae Paqburlir mirkhanq Beqlaqgeq meuq-anr irkeuv-euq mae. Khoergar, Yorhaq, aqyawf nyaf-anr nae ghawq-awr Yeqlursaqlaeq-anr ghofler-euq mae.