Gʼaˬkʼehˇ 13:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Miqyaer nae sarjax dzaqtaq-euq lof-aer, Daqbir-euq aryoeq-euq lafkhoer nae, Irsaqleqlav tsawrhaq-euq gharduq Kakhof-eu ghaq bi dovle-euq khoer-aq, Yeqsur mae.

Akha

²³ Daˬbiˇ-euˬ tsuiꞈ toeˬ gui ka leꞈ gaˇ taꞈ-eu Yeˬsuˇ kʼoeˇ gʼaˬ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Iˇsaˬleˬlaˆ tsawˇ jeuˬ-ahˇ Miˬyehˇ neh biꞈ leꞈ-euˬ ka kʼoꞈ-eu gʼaˬ pyeuꞈ-eu meh.

Gʼaˬkʼehˇ 13:23 Referans Kwoze

Maꞈtehˬ 1:1

Sanqbof heu-aq, Aqbyaqhaq hawr-eu Daqbir-euq Zaqyo, Yeqsur Kali-euq tsuif mae.

Jaceuq 132:11

Ya’we Miqyaer, Daqbir-anr yawtsaq yawdawr-euq lafkhoer kamqtaq-euq mae; Aqyawf kamqtaq-euq heu-anr nae maqpov maq parlar-a. Aqyawf aer-eu, “Ngar, nawq-euq nuirmanq-anr, nawq-euq mawrdo-euq arsiq binuir ma.

Panmaeq 22:16

“Ngar-aq, Yeqsur ma. Kalizaq armur deuq-euq gharduq garkawv heudeuq nawmaf-anr bi dzawrmaeq-eu laer, ngaq-euq mqtav ghaqkhaer-anr khaerghae lef-euq ma. Ngar-aq, Daqbir-euq duqcir hawr-eu zaq pyeuf-awr, yawshaef zawr bya-eu Shawqmuir khawf ngeur-eu ma.”

Yuˇdaˆ 1:25

Yawshaef khanqsaer hawr-eu huiq duidui-eu khanqsaer, Uvlanr-eu baoq hawr-eu aryaq, Nymq-mr nae mqmaq maqbyav yarzir, Aqdui-euq Kakhof-eu ghaq pyeuf-eu, Aqyawf tiq ghaq taef-aer tsawrganr byan-eu Miqyaer-euq pyeuf luf-ur. Aqmeq.

Gʼaˬkʼehˇ 13:32

Miqyaer nae aqdui-euq aqpoeq deuq-anr sarjax dzaqtaq-euq lof-aer, nga’nyaf, nawmaf-anr laqkhaq caer-eu guiqlanqdawq heu maeqnaeq-eu ma.

Lormav 1:3

Khoer-aq, aqyawf-euq Zaqyo pyeuf-eu aqdui-euq Sanqpaq Yeqsur Kali-euq garkawv mae. Shiqshaq paw aerlef nar-aq, aqyawf-aq, Daqbir-euq aryoeq-anr nae daefle-euq mae.

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

2 Beˬtuˆluˆ 3:2

arhu, shawr-eu Miqyaer gharduq ngaeqdan-eu deuq nae aertaq-euq dawq hawr-eu, Kakhof-eu ghaq pyeuf-eu Sanqpaq Yeqsur-euq ghaqkhaer pyeuf-eu nga’maf nae bif-euq dawqdeuq-anr khawf, maqbi ngaer-eu gharduq ma.

2 Beˬtuˆluˆ 2:20

Aqyawfmaf, Sanqpaq hawr-eu Kakhof-eu ghaq pyeuf-eu Yeqsur Kali-anr siqnya-eu mirnae, mirtsaq-euq yawjawf deuq-anr nae caevdzeur nya-euq mae. Aerkhawf, yawjawf khoerdeuq-anr par pafler-awr, bi ghaqlar-eu nar-aq, aqyawf maf-euq gharduq arsaq saqlar ngae-aq, yawbae navmaqtser doerdzaeq-ir taef-a.

2 Beˬtuˆluˆ 1:11

Khoeruqtaf, aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq, mqmaq maqbyav yarzir uvlanr-eu mirkhanq-euq lafkhoer, nawmaf urler nya’ni tiqbyan tiqlof laeqhmqtaq taef-a.

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

Tiˇtuˆ 1:4

Jan-eu jeq tiqgar dur-eu lafkhoer, aqdir ngaqli pyeuf-eu Tirtuv-anr sanqbof bofanr lef-eu ma. Aqda Miqyaer hawr-eu aqdui-euq Kakhof-eu ghaq Yeqsur Kali-euq guiqlanq yawdzanr hawr-eu nuisar of-eu jeq, nawq-euq khoertav jav luf-ur!

Lormav 11:26

Aqcawq tsawrjeuq tsawrca urbyan lar-euq nar-aq, Irsaqleqlav tsawrhaq dawqtawvluf yabuq-ir taef-a. Yaerbof-euq lafkhoer boftaq-euq lof-aer, “Kakhof-eu ghaq, Ziroq-anr nae dovle-awr, Yaqkov-anr nae Miqyaer-anr yawzeu maqbaw-eu jeq-anr taedzae taef-a.

Gʼaˬkʼehˇ 3:26

Nawmaf yawqghaq navluf, yawqha-euq yawlaeq jeq-anr byaerdzae-awr, aqyawf, nawmaf-anr guiqlanq bibif-eu gharduq, Miqyaer, aqyawf-euq ghaqzaq ghaqkhaer, Yeqsur-anr bi ghofdaef lar-awr, nawmaf jawr-eu gar jeqhu bi’oe-euq mae.”

Gʼaˬkʼehˇ 2:30

Daqbir-aq, Miqyaer gharduq ngaeqdan-eu tiq ghaq pyeuf-eu mirnae, aqyawf-euq mawrdo hawr-eu shiqshaq-anr taf-eu arsiq-euq garkawv, Miqyaer sarjax dzaq-awr kamqtaq-euq lof-aer, aqyawf-euq nuirmanq-anr bi nuirlarni, Miqyaer, Kali-anr bi dovlar-eu garkawv siqnya-eu mae. (Jc 132:11)

Yoˇhaˬ 7:42

Yaerbof-euq lafkhoer, ‘Kali-aq, Daqbir-euq aryoeq-anr nae dovle-awr, Daqbir-euq jawrduq Baeqlaeqhaeq-anr nae dovlar taef-a’ laer boftaq-euq maqngeur-a laq?”

Yoˇhaˬ 4:42

Khoerngae, aqyawfmaf, zaqmiq aqbur khoerghaq-anr aernaeq-eu, “Nymq-mr nga’maf jan-eu-aq, nawq-euq dawq baqda’nae maqngeur-aer, nga’maf, yawqha yawqha yagaq-euq mirnae jan-awr, tsawrhaq heughaq-aq, aqdir aqmar mirtsaqzaq-anr Kakhof-eu ghaq pyeuf-eu Kali ngar-a laer nga’maf siqnya lar-euq ma.”

Luˇkaꞈ 1:69

Aqyawf-euq kuirlaf zaqkhav Daqbir-euq nymrkhanq-euq lafkhoer, Aqdui-euq gharduq huiq duidui-eu Kakhof-eu ghaq bi turlar-euq mae.

Maꞈtehˬ 22:42

“Nawmaf, Kali-euq garkawv, aqjox-aer noeq-eu nya? Aqyawf aqsur ghaq-euq Zaqyo la?” Khoerngae, aqyawfmaf aer-eu, “Daqbir-euq Zaqyo mae.”

Maꞈtehˬ 21:9

Yeqsur-euq maeqhu maeqnan canluf-eu tsawrhaq armaf mafma deuq gur-eu, “Daqbir-euq Zaqyo-anr hosa’na! Sanqpaq Miqyaer-euq tsawrmyanr-euq uqmov oeluf-eu ghaq-aq, guiqlanqhuiq luf-ur! Gor duidui-eu jawrduq-euq lafkhoer hosa’na!” (Jc 118:26)

Maꞈtehˬ 1:21

Aqyawf, zaqyo tiq ghaq ciq taef-a. Nawr, aqyawf-anr Yeqsur laer ya myanrnaeq-eu mae. Aqjeq mirnae aernar-aq, aqyawf, aqyawf-euq tsawrjeuq tsawrca-anr iqbax-euq lafkhoer nae kakhofdov naeq taef-a.”

Gʼaˬkʼehˇ 4:12

Aqyawf-euq lafkhoer maqngeur nar-aq, nuighaq tiqghaq-iq kakhof-eu jeq maqanr-a. Aqjeq mirnae aernar-aq, mq-euq uqmov, aqdui-anr bibuq-ir nya-eu tsawrmyanr yawqmyanryawq maqbif taq-aq.”