Gʼaˬkʼehˇ 13:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ heulof-aer aernaeq-euq mae: “Naef sanqpaq-euq zaqyo-or! Nawr-aq, jaqmyawf hawr-eu maershuir tiqbyanni anr-eu nga. Tsaq-awr dawr-eu dawqtawv luf-anr muir-eu ghaq khawf ngeur nga. Sanqpaq Miqyaer-euq garma yawdawr-anr lavghof-eu nawr maq naqler-eu le siq laq?

Akha

¹⁰ “Nehꞈsahˬpaˬ-euˬ zaˬ-oˇ, yaw muiˬ jeˬ dawˬ tawˆ luꞈ-ahˇ nawˇ muiˇ-eu meh. Nawˇ-aˬ, nui ma gʼoꞈ dui dui-awˇ, SahˬpaˬMiˬyehˇ-euˬ yaw tsaˬ yaw dawˇ jeˬ-ahˇ jaˬ myawꞈ mehˇ shuiˇ pyeuꞈ-iˇ jiˇ ni leh jeh luꞈ-eu meh.

Gʼaˬkʼehˇ 13:10 Referans Kwoze

Yoˇhaˬ 8:44

Nawmaf-aq, nawmaf-euq aqda, naef sanqpaq-anr nae dovle-awr, nawmaf-euq aqda-euq nuikhanr nawmaf mrmawf-eu mae. Aqyawf-aq, yawbae ngae nae tsawrhaq-anr saef-awr, yawtsaq yawdawr-euq lafkhoer maqjawr-a. Aqjeq mirnae aernar-aq, aqyawf-euq lafkhoer yawtsaq yawdawr jeq maqanr-a. Aqyawf jaqmyawf myawf-eu-aq, aqyawf-euq lafkhoer pyeufluf-eu lof-aer myawf-eu mae. Aqjeq mirnae aernar-aq, aqyawf-aq, jaqmyawf myawf-eu ghaq pyeuf-awr, jaqmyawf-euq aqda mae.

Gaˬlaˬtiˆ 1:7

Aqdir aernar-aq, guiqlanqdawq yawqdawqyawq maqjav-a. Aerkhawf, tsawrhaq tiqghaqnav, nawmaf-anr yawbanq yawlanr-aer bipyeuf-ir-awr, Kali-euq guiqlanq dawq-anr yurpyawv mawf-eu mae.

2 Gawˇliˬtu 11:3

Arlawr, aqyawf-euq jaqmyawf nae Erbav-anr maershuir shuirtawv-euq lof-aer, Kali-euq lafkhoer shawrjaevni ghae-eu nawmaf-euq nuima khoersiq byov-ir gar ngar guv mir-a.

Maꞈtehˬ 13:38

Daeyar-aq, mirtsaq heusiq-anr aer-awr, siqyoeq yawmuiq khoer-aq, Miqyaer uvlanr-eu jeq-euq lafkhoer jawr-eu tsawrhaq deuq-anr aer-eu mae. Aerkhawf, shmrma-aq, yawcawv ghaq-euq zaqdeuq-anr aer-eu mae.

1 Yoˇhaˬ 3:8

Iqbax mr-eu tsawrhaq-aq, naef sanqpaq-anr taf-eu tsawrhaq mae. Aqjeq mirnae aernar-aq, naef sanqpaq-aq, yawbae ngae nae iqbax mrluf-eu mae. Khoermirnae, Miqyaer-euq Zaqyo, naef sanqpaq mrluf-eu gardeuq-anr lavcawv-eu laer oe-euq mae.

Luˇkaꞈ 11:52

“Nawmaf, zanrdawq siqzaq deuq ghawqshar shaq-aer ya ghaesaef taef-a! Aqjeq mirnae aernar-aq, tsawrganr-euq mawqtawfdur nawmaf tuvtaeq taq-awr, nawmaf maq urler-eu uqtaf, urler mawf-eu tsawrhaq-anr khawf, nawmaf lavtsoeq-eu mae.”

2 Beˬtuˆluˆ 2:15

Aqyawfmaf tsaq-awr dawr-eu garma kanr-anr byaerdzae-awr, garbanq banq-ir-euq lafkhoer, maqtsaq maqdawr-eu jeq-euq ghaqgar poeq-anr gaq-eu, Boqsor-euq zaqyo, Baqlamq-euq garma-anr canluf-eu mae.

Gʼaˬkʼehˇ 20:30

Khoeruqtaf, nawmaf-euq lafkhoer tsawrhaq tiqpavnav deuq dovlar-awr, zaqlanr deuq, aqyawf maf-euq maeqnan cantae larni, yawtsaq yawdawr-euq dawq-anr yurpyawv taef-a.

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Maꞈtehˬ 15:19

Aqjeq mirnae aernar-aq, nuima-euq lafkhoer nae heudeuq dovlar-eu mae: yawdoer jeq sharnoeq-eu, tsawrhaq saef-eu, banq-awr joe-eu, banq-awr muv-eu, smrkhoeq khoeq-eu, maqtsaq maqdawr-eu sarkir kamq-eu hawr-eu, yaeqbawq saerlu-aer aer-eu

Maꞈtehˬ 3:7

Paqliqsaer deuq hawr-eu Saqduqgaer deuq ghawqmya’ni, aqyawf-euq bartirsaq hageuf le-eu gar ya’mawr ngae, aqyawf maf-anr heulof-aer aernaeq-euq mae, “Dof khav-eu arlawr-euq zaqdeuq-or! Aqkar keuvle-eu nuima paer-eu jeq-anr caevbuq nya’ni, aqsur ghaq nae nawmaf-anr aernaeq laf-euq la?

Yoˇhaˬ 1:23

Yorhaq aerkhof naeq-eu, “Ngar-aq, Miqyaer gharduq ngaeqdan-eu Irsaqyar nae aertaq-euq lof-aer, ‘ Sanqpaq Miqyaer -euq garma shardawr-awq’ (Isy 40:3) laer, bawrtsanq bawrdanr-anr jawr-awr gurluf-eu khoerghaq ma.”

Luˇkaꞈ 11:39

Khoerngae, Sanqpaq Yeqsur, aqyawf-anr heulof-aer aernaeq-euq mae: “Nymq-mr nawmaf Paqliqsaer deuq-aq, khmqmaq hawr-eu ircuf khmqmaq-euq lafnyir paw yawmuiq-aer jovshawr-eu mae. Aerkhawf, nawmaf-euq lafkhoer paw-aq, maerjuir juir-eu jeq hawr-eu yawcawv jeq tiqbyanni anr-eu mae.

Eˇpeˇsu 4:14

Khoerngae tiqjawr, aqdui, zaq maqpar pyeuf-eu uqtaf, tsawrhaq-euq tsawrganr hawr-eu jaqmyawf maershuir-euq bawqtov zmq-eu lafkhoer, kharngeur-eu dawqmaeq dawqtsov-euq jaqlaer bawlar ngae, khar bawpyawr ghae-eu paw maqpyawr-ir-ar.