Gʼaˬkʼehˇ 11:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoerngae, ngar, Sanqpaq Yeqsur nae aernaeq laf-euq dawq heudawq-anr noeqdov lar-euq mir-a. Aqyawf aer-eu, ‘Yorhaq-aq, ircuf nae bartirsaq mrnaeq-euq mae. Aerkhawf, nawmaf-aq, Yawshawr Saflar-euq lafkhoer bartirsaq ya hageuf taef-a.’

Akha

¹⁶ Kʼoeˇ ngeh, ‘Yoˇhaˬ-aˬ, iˇ cuꞈ laꞈ kʼoeˇ iˇ cuꞈ shawˇ nehˬ-euˬ meh. Ehˇ kʼawꞈ, naw maꞈ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ iˇ cuꞈ ya shawˇ tehꞈ-a’ lehˇ, Sahˬpaˬ Yeˬsuˇ neh ehˇ-euˬ dawˬ kʼoeˇ dawˬ ngaˬ-ahˇ noeˬ doˆ laˇ-euˬ miˇ-a.

Gʼaˬkʼehˇ 11:16 Referans Kwoze

Gʼaˬkʼehˇ 1:5

Yorhaq-aq, ircuf nae bartirsaq mrnaeq-euq mae. Aerkhawf, aqkar nar-aq, ghawqmya nan maqghae-aer, nawmaf-aq, Yawshawr Saflar-euq lafkhoer bartirsaq ya hageuf taef-a.”

Maˬkuˆ 1:8

Ngar, nawmaf-anr ircuf nae bartirsaq mrnaeq luf-eu ma. Aerkhawf, aqyawf-aq, nawmaf-anr Yawshawr Saflar nae bartirsaq mrnaeqlaf taef-a.”

Dawqdaq 1:23

Ngaq-euq maeqpar-eu dawq-euq baqda’nae pyawrlar-awq. Ngar, ngaq-euq saflar, nawmaf-euq khoertav aqdir shaevdav naeq-awr, Ngaq-euq dawq nawmaf-anr bi siqnya ma.

Yoˇhaˬ 14:26

Ngaq-euq tsawrmyanr-euq uqmov nae, Aqda, Cawba-eu ghaq pyeuf-eu Yawshawr Saflar-anr bi’oe ngae, aqyawf, nawmaf-anr yawqjeq navluf maeqnaeq laf-awr, ngaq nae nawmaf-anr aernaeq taqyaf-euq dawq khoer dawqtawvluf, aqyawf, nawmaf-anr bi noeqdovlar taef-a.

Luˇkaꞈ 3:16

Khoerngae, Yorhaq, aqyawfmaf dawqtawv luf-anr heulof-aer aernaeq-euq mae: “Ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq navmaqtser huiq-eu tiq ghaq oeluf-eu mae. Ngar-aq, aqyawf-euq saeqnawv-euq arcav-anr tseuvpuir naeq-eu taef khawf maqgeux-a. Aqyawf-aq, nawmaf-anr Yawshawr Saflar hawr-eu miqdzaq nae bartirsaq mrnaeqlaf taef-a.

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

1 Gawˇliˬtu 12:13

Yurdav tsawrhaq hawr-eu Heqlaqsar tsawrhaq maqaer, zaqkhav hawr-eu buq-ir-euq tsawrhaq maqaer, aqdui dawqtawvluf mawrdo tiq do taef-aer pyeuflarni, muiq-eu Saflar tiq ghaq-euq lafkhoer taef-aer bartirsaq hageuf-awr, muiq-eu Saflar tiq ghaq-anr taef-aer dawrluf-eu ma.

Gʼaˬkʼehˇ 20:35

Nawmaf khawf khoerlof-aer gar yawkhav-aer mrmr-aer, ghaq baq-eu deuq-anr cawba’ni, ngar yawqjeq navluf-euq lafkhoer nawmaf-anr mrmaeq naeq-euq ma. Sanqpaq Yeqsur nae aertaq-euq dawq heudawq-anr khawf noeqkeuv-awq, ‘Bif-eu-aq, za-eu navmaqtser guiqlanq huiqdzaeq-eu mae.’ ”

Yoˇhaˬ 16:4

Garkawv heu ngar, nawmaf-anr aernaeq-euq ma. Aryamq tsaqlar ngae, ngaq nae nawmaf-anr aernaeq-euq deuq nawmaf noeqdovlar taef-a. Yawbae ngae, ngar, nawmaf-anr maq aernaeq-euq khoer-aq, ngar, nawmaf naeq-aer jawrluf-eu mirnae ma.”

Yoˇhaˬ 1:33

Yawbae-aq, ngar, aqyawf-anr maq siqnya-aq. Aerkhawf, ircuf nae bartirsaq mrnaeq-awq laer ngaq-anr khaer-eu khoerghaq, ngaq-anr heulof-aer aernaeq laf-euq mae, ‘Yawshawr Saflar zafka le-awr, aqgeu ghaq-euq khoertav dawfluf-eu gar nawr ya’mawr nar-aq, khoerghaq-aq, Yawshawr Saflar nae bartirsaq mrnaeq-eu ghaq pyeuf-eu mae.’

Yoˇhaˬ 1:26

Yorhaq, aqyawf maf-anr heulof-aer aerkhof naeq-euq mae, “Ngar-aq, ircuf nae bartirsaq mrnaeq luf-eu ma. Aerkhawf, nawmaf maq siqnya-eu tsawrhaq tiq ghaq, nawmaf-euq ghanrcae yawfluf-eu mae.

2 Beˬtuˆluˆ 3:1

Ngar zawr gaq-eu cawqdeuq-or! Ngar, nawmaf-anr sanqbof nyiq jae tiqjae bofanr lef-eu ma. Sanqbof nyiq jae luf-euq lafkhoer, ngar, nawmaf-anr ja’noeq naeq-awr, nawmaf-euq shawrjaevni ghae-eu nuinoeq-anr lavzor-eu heu-aq,

Luˇkaꞈ 24:8

Khoerngae, aqyawfmaf, Yeqsur-euq dawq noeqdov ler-awr,

Maꞈtehˬ 3:6

aqyawfmaf, yawqha-euq iqbax jadov jadov-aer, Yawrdaq lawrbaq-euq lafkhoer Yorhaq nae bartirsaq bi mrnaeq-euq mae.