Gʼaˬkʼehˇ 11:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoerngae, muiq-eu Saflar, ngaq-anr aernaeq laf-eu, nuima povpov lavlav-aer maqghaeni aqyawfmaf naeq-aer le-awq. Aqyuif aqnyir heu kof ghaq khawf ngaq naeq-aer le-awr, khoerghaq-euq nymr-anr urler-euq ma.

Akha

¹² Maˬ nyi naˬ ni aˬ yawꞈ maꞈ nehˬ-ehˇ le-awˬ lehˇ, Yaw sahˇ Miˬyehˇ ngaˬ-ahˇ ehˇ-eu meh. Yuˇbeˬ meuˬ-ahˇ jawˇ-eu jah-eu tsawˇ haˬ aˬ yuiꞈ aˬ nyiˇ heu koꞈ gʼaˬ kʼawꞈ, ngaˬ-euˬ mehˬ nah caw teh laˇ-awˇ, nga maꞈ dawˬ tawˆ luꞈ Gawˬneˬliˇ-euˬ nymˇ-ahˇ uˇ leˇ-euˬ ma.

Gʼaˬkʼehˇ 11:12 Referans Kwoze

Gʼaˬkʼehˇ 8:29

Khoerngae, muiq-eu Saflar, Pirlirpuv-anr aernaeq-eu, “Nawr, manq lavlawq-anr taemir-awr, manq lavlawq naeq-aer ir-awq.”

Lormav 3:22

Yeqsur Kali-anr kharjan-eu tsawrhaq dawqtawvluf, aqyawfmaf jan-eu lafkhoer, Miqyaer-euq tsaq-awr dawr-eu jeq-anr za-euq mirnae, beugar-eu tiqjeq-iq maqjav-a.

2 Teˇsaˬloˇni 2:2

Aqcawq, Kali-euq arnan keuvle-euq mae laer ja’naeq lar-eu khawf, saflar-euq lafkhoer yasiq-euq le laer ja’naeq lar-eu khawf, nga’maf sanqbof khoerlof-aer bofnaeq laf-euq mae laer aernaeq laf-eu law-awr khawf, nuima-euq lafkhoer taq noeqshaq, taq tsawqguv-ir.

Gʼaˬkʼehˇ 10:23

Khoernar-aq, Beqtuvluv, aqyawf maf-anr irkanr ha’ur-awr, uqcif tiq mir biyaf-euq mae. Nishawq ngae nan, Beqtuvluv, aqyawfmaf naeq-aer le-euq mae. Yurbeq meuq-anr jawr-eu aqyuif aqnyir heumyav ghaq khawf aqyawf naeq-aer lecaw-euq mae.

Gʼaˬkʼehˇ 15:9

Miqyaer-aq, aqdui hawr-eu aqyawfmaf laer maq tserpav-a. Jan-eu jeq-anr ghoe-awr nae, Miqyaer, aqyawf maf-euq nuima-anr bimuiq bi shawrlar-euq mae.

Gʼaˬkʼehˇ 10:45

Aqcawq tsawrjeuq tsawrca-euq khoertav khawf, Miqyaer, Yawshawr Saflar-euq lafsawq shaevdav naeq-euq mirnae, Beqtuvluv naeq-aer lar-euq bawkhov maeqdzaq yaeq-euq jan-eu tsawrhaq khoerdeuq ya’mawr ngae zanqler-euq mae.

Yoˇhaˬ 16:13

Aerkhawf, yawtsaq yawdawr-euq Saflar oekeuv ngae, nawmaf yawtsaq yawdawr dawqtawv luf-anr siqnya larni aqyawf sheuqmaeq naeqlaf taef-a. Aqjeq mirnae aernar-aq, aqyawf-aq, aqyawf-euq aryaq zmq-awr maqngaeq-a. Aerkhawf, aqyawf nae kharya gaq-euq jeq aqyawf ngaeq-awr, aqkar pyeuflar-eu garkawv deuq khawf, aqyawf, nawmaf-anr aernaeqlaf taef-a.

Maꞈtehˬ 1:20

Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

Panmaeq 22:17

Khoerngae, muiq-eu Saflar hawr-eu miqshuif aer-eu, “Lar-awq.” Yagaq-euq tsawrhaq deuq khawf, “Lar-awq” laer kur-awq. Ircuf maef-eu tsawrhaq deuq khawf lar-awq. Khar dawrmawf-eu tsawrhaq yawqghaq navluf daef-eu jeq bif-eu ircuf yawqngaef-aer dawrlar-awq.

Gʼaˬkʼehˇ 15:7

Garkawv khoer-anr ghawqmyanrni pyaerkeuvlaf ngae, Beqtuvluv turlar-awr aqyawf maf-anr heulof-aer aernaeq-euq mae: “Aqyuif aqnyir deuq-or! Aqcawq tsawrjeuq tsawrca khawf, guiqlanqdawq yagaq-awr janlar nya’ni, yawbae ngae nae aqdui maf-euq ghanrcae, Miqyaer, ngaq-euq khaqmae-anr zmq-eu laer tserdov-euq mae laer nawmaf siqnya-eu mae.

Gʼaˬkʼehˇ 13:4

Khoermirnae, Yawshawr Saflar, aqyawf nyaf-anr khaer-eu lof-aer, Seqlurgir meuq-anr irka-awr, khoergar nae lawq-anr dziq-awr, Gurbaqlur irjawlanr-anr irghae-euq mae.

Gʼaˬkʼehˇ 13:2

Aqyawfmaf, Sanqpaq Miqyaer-anr uqduq tanqtanq-aer dzardzaq sheuqluf ngae, Yawshawr Saflar, aqyawf maf-anr aernaeq-eu, “Ngaq nae aqyawf nyaf-anr kurtaq-awr bi mr-eu laer ghaer-eu gar deuq-anr mrni, ngaq-euq gharduq Baqnaqbar hawr-eu Sawrluv-anr tserpavdov taq-awq.”

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

Gʼaˬkʼehˇ 11:13

Mqtav ghaqkhaer tiq ghaq, aqyawf-euq irkanr yawfle-euq gar aqyawf aqjox-aer ya’mawr-euq garkawv, khoerghaq, nga’maf-anr dzawrnaeq laf-euq mae. Mqtav ghaqkhaer khoerghaq, aqyawf-anr heulof-aer aernaeq laf-euq mae laer aer-eu mae, ‘Yurbeq meuq-anr tsawrhaq khaerghae-awr, Beqtuvluv laer kur-eu Sirmoq-anr bi kurlaq-ir-awq.

Gʼaˬkʼehˇ 28:15

Khoergar jawr-eu aqyuif aqnyir deuq, nga’maf larluf-eu mae laer yagaq-euq mirnae, Aqpir laer kur-eu laev-anr hawr-eu daqyan Yafduq Smqnymr laer kur-eu tsanr-anr keuvni oe-awr, nga’maf-anr hageuf laqle-euq mae. Pawrluv, aqyawf maf-anr ya’mawr ngae, Miqyaer-anr jaceuq-awr, nuima ghaq anrlar-euq mae.