Gʼaˬkʼehˇ 10:43 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Aqyawf-anr kharjan-eu aqsur ghaq maqkaq, aqyawf-euq tsawrmyanr baqda’nae iqbax pyaeq-eu jeq za taef-a laer, Miqyaer gharduq ngaeqdan-eu tsawrhaq yawqghaq navluf aqyawf-euq garkawv sarkir kamqtaq-euq mae.”

Akha

⁴³ Aˬ yawꞈ-ahˇ kʼaˇ jah-eu tsawˇ haˬ dawˬ tawˆ luꞈ, aˬ yawꞈ tsawˇ myahˇ-euˬ baoˬ baˬ da neh iˬ baˇ pyehˬ-eu jeˬ-ahˇ za-eu gaˇ kawˆ, Miˬyehˇ gʼaˇ duˬ ngehˬ dah-eu tsawˇ haˬ dawˬ tawˆ luꞈ saˇ kiˇ kamˬ taˬ-euˬ jaˆ-eu meh.”

Gʼaˬkʼehˇ 10:43 Referans Kwoze

Gʼaˬkʼehˇ 2:38

Khoerngae, Beqtuvluv, aqyawf maf-anr heulof-aer aernaeq-euq mae: “Miqyaer, nawmaf-euq iqbax pyaeqnaeqni noeqpov noeqpar-awr, Yeqsur Kali-euq tsawrmyanr-euq uqmov bartirsaq hageuf-awq. Khoerlof-aer janr nar-aq, Yawshawr Saflar-euq lafsawq za taef-a.

Lormav 10:11

Aqjeq mirnae aernar-aq, Yaerbof aer-eu, “Aqyawf-anr kharjan-eu tsawrhaq-aq, tiqghaq-iq daq maqya ga-ar.” (Isy 28:16)

1 Beˬtuˆluˆ 1:11

Aqyawfmaf kakhof-eu jeq heu aqmyan, aqsur ghaq la laer povtser-awr, aqyawf maf-euq lafkhoer jawr-eu Kali-euq Saflar, aqyawf maf-anr toeqmaeq naeq-euq lof-aer, Kali shaqzanq-anr yadaq-awr, arnan yawshaef khanqsaer za taef-a laer khawf arhuba nae, aqyawfmaf ngaeqdan taq-euq mae.

Lormav 5:1

Aqdui jan-eu baqda’nae tsaq-awr dawr-eu tsawrhaq pyeuflar-awr, aqdui-euq Sanqpaq Yeqsur Kali-euq baqda’nae Miqyaer-anr tsaqler dzoerler-euq ma.

Lormav 8:1

Khoermirnae, nymq-mr Yeqsur Kali-euq lafkhoer jawr-awr, shiqshaq-euq nuikhanr maeqnan maqcan-aer, muiq-eu Saflar-euq lafkhoer canluf-eu tsawrhaq deuq-aq, yarkhaq dar-eu gar maqpar yadaq-eu mae.

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

Lormav 8:34

Aqyawfmaf yawlaeq mae laer yarkhaq darnya-eu aqsur ghaq la? Yeqsur Kali-aq, shir-euq khawf ghofdaef lar-awr, nymq-mr Miqyaer-euq armar paw jawr-awr nae aqdui-euq gharduq guiqlanq shardan luf-eu mae.

Gʼaˬkʼehˇ 26:22

Aerkhawf, Miqyaer, ngaq-anr cawba naeqlaf luf-eu mirnae, iqnan keuvni, ngar heugar yawf-awr, huiqzaq nyirzaq deuq-euq maeqshi, garkawv heudeuq sarkir kamqluf-eu ma. Ngar aerluf-eu heudeuq-aq, Miqyaer gharduq ngaeqdan-eu tsawrhaq deuq hawr-eu Morseq nae aqkar pyeuflar taef-a laer, aertaq-euq lof-aer taef-aer ngar aer-eu ma.

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

Gʼaˬkʼehˇ 15:9

Miqyaer-aq, aqdui hawr-eu aqyawfmaf laer maq tserpav-a. Jan-eu jeq-anr ghoe-awr nae, Miqyaer, aqyawf maf-euq nuima-anr bimuiq bi shawrlar-euq mae.

Gʼaˬkʼehˇ 3:16

Nawmaf mawr-awr siqnya-eu tsawrhaq heughaq, ghaq anrlar-euq-aq, aqyawf, Yeqsur-euq tsawrmyanr-anr jan-eu mirnae, Yeqsur-euq tsawrmyanr baqda’nae, aqyawf-anr ghaq anrlar-euq mae. Aqyawf-anr nae dovle-euq Yeqsur-anr jan-eu jeq-euq baqda’nae, aqyawf, nawmaf dawqtawv luf-euq maeqshi tiqbyan tiqlof muiqlar jir-euq mae.

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Maˬkuˆ 16:16

Jan-awr bartirsaq hageuf-eu tsawrhaq-aq, kakhof-eu jeq za taef-a. Aerkhawf, maqjan-eu tsawrhaq-aq, yarkhaq dar-eu gar yadaq taef-a.

Panmaeq 19:10

Khoerngae, ngar awbyav ghae-awr aqyawf-euq aqkuir-anr uqduq tanq-eu laer ghae-euq ma. Aerkhawf, aqyawf, ngaq-anr aer-eu, “Hawsher-eq! Nawr teulof-aer taqpar janr de-eq. Ngar khawf, nawr hawr-eu Yeqsur-euq garkawv sarkir kamq-eu aqyuif aqnyir deuq lof-aer kuirlaf zaqkhav pyeuf-eu nawq-euq cawq ma. Miqyaer-anr uqduq tanq-awq. Aqjeq mirnae aernar-aq, Yeqsur-euq garkawv sarkir kamq-eu-aq, Miqyaer gharduq ngaeqdan-eu saflar mae.”

Gaˬlaˬtiˆ 3:22

Aerkhawf, Yeqsur Kali-anr jan-eu mirnae, kharjan-eu tsawrhaq dawqma sarjax aertaq-euq lof-aer za’ni, Yaerbof-aq, yawqghaq navluf-anr iqbax-euq kuv-euq lafkhoer kalanr taq-euq mae.

HeˬByehˇ 13:20

Nuisar bif-eu Miqyaer, aqdui-euq Sanqpaq Yeqsur shir-euq gar nae bi ghofdaef lar-euq mae. Yawr bo-eu Yawhuiq khoerghaq, mqmaq maqbyav yarzir zif-eu dawqma sarjax-anr taf-eu shiq-anr ghoe-awr,

Gawˇlawˇsehˇ 1:14

Aqyawf-euq lafkhoer, aqyawf-euq shiq baqda’nae, aqdui kakhof-eu jeq hawr-eu iqbax pyaeq-eu jeq za-euq ma.

Eˇpeˇsu 1:7

Miqyaer-euq guiqlanq yawdzanr sanr duidui-eu lafkhoer, aqdui, Zaqyo-euq shiq baqda’nae kakhof-eu jeq za-awr, iqbax pyaeqnaeq-eu jeq za-euq ma.

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

Gʼaˬkʼehˇ 3:18

Aerkhawf, Kali-aq, shaqzanq yadaq mae laer aqyawf-euq gharduq ngaeqdan-eu tsawrhaq dawqtawv luf-euq khaqmae-anr ghoe-awr, Miqyaer nae dzeurlaf ngae nae aertaq-euq lof-aer byanlar-euq mae.

Yoˇhaˬ 1:45

Pirlirpuv, Naqdaqneqlar-anr povmawr-awr aqyawf-anr aernaeq-eu, “Morseq nae boftaq-euq zanrdawq-euq lafkhoer hawr-eu, Miqyaer gharduq ngaeqdan-eu deuq-euq sanqbof-euq lafkhoer boftaq-euq tsawrhaq khoerghaq-anr nga’maf ya’mawr-euq ma. Aqyawf-aq, Naqzaqlaer tsawrhaq Yorsaev-euq zaqyo Yeqsur mae.”

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Lormav 3:21

Aerkhawf, nymq-mr zanrdawq-anr maqtaf-eu, Miqyaer-anr nae dovle-euq tsaq-awr dawr-eu jeq-anr panmaeq naeqlaf-euq mae. Garkawv heu-aq, zanrdawq hawr-eu Miqyaer gharduq ngaeqdan-eu deuq-euq sanqbof-euq lafkhoer sarkirkamq taq-euq mae.