Gʼaˬkʼehˇ 10:41 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Mirkhanqzaq dawqtawv luf-anr bimawr-euq maqngeur-a. Sarkir bikamq-eu laer yawbae ngae nae, Miqyaer nae tserdov taq-euq nga’maf-anr bimawr naeqlaf-euq taef mae. Aqyawf shir-euq gar nae ghofdaef lar-awr, nga’maf, aqyawf naeq-aer dzaqtaf dawrtaf-euq ma.

Akha

⁴¹ Ehˇ kʼawꞈ, tsawˇ haˬ dawˬ tawˆ luꞈ-ahˇ bi mawˇ le-euˬ maˬ ngeuˇ-a. Gaˇ kawˆ heu saˇ kiˇ bi kamˬ-eu gʼaˇ duˬ yaw duˬ duˬ-ehˇ bi mawˇ duˬ-eu lehˇ, yaw beh neh Miˬyehˇ neh tseˇ doˆ taˬ-euˬ tsawˇ haˬ deuˬ pyeuꞈ-eu nga maꞈ heu myaˆ gʼaˬ-ahˇ bi mawˇ laꞈ-euˬ tehꞈ meh. Aˬ yawꞈ gʼoꞈ dehꞈ laˇ gʼaˬ miˇ tsa, nga maꞈ aˬ yawꞈ nehˬ-ehˇ dzaˬ taꞈ dawˇ taꞈ-euˬ ma.

Gʼaˬkʼehˇ 10:41 Referans Kwoze

Yoˇhaˬ 14:22

Yurdav laer kur-eu (Yurdav Irsaqgaqliqoq maqngeur-eu) ghaq narhaq-eu, “Sanqpaq-or! Nawq-euq mawrdo, nga’maf-anr byacaevni bimawr-eu gar nae, aqjeq mirnae mirtsaqzaq-anr maqbi mawr-eu le?”

Yoˇhaˬ 21:13

Khoernar-aq, Yeqsur oe-awr, kaqmur yur-awr aqyawf maf-anr bifnaeq-awr, ngaqshaq khawf yur-awr bifnaeq-euq mae.

Yoˇhaˬ 14:17

Aqyawf-aq, yawtsaq yawdawr-euq Saflar mae. Mirtsaqzaq, aqyawf-anr maq siqnya-aer maq mawrnya-eu mirnae, aqyawf-anr maq hageuf nya-a. Aerkhawf, nawmaf, aqyawf-anr siqnya-eu mae. Aqjeq mirnae aernar-aq, aqyawf, nawmaf naeq-aer jawrluf-awr, nawmaf-euq lafkhoer jawr taef-a.

Gʼaˬkʼehˇ 10:39

Aqyawf nae Yurdav mirkhanq hawr-eu Yeqlursaqlaeq-anr kharmr-euq yawqjeq navluf-euq garkawv nga’maf sarkir kamq-eu ma. Aqcawq, aqyawf-anr lafyaq-euq khoertav gheuceuq-awr saef-euq mae.

Gʼaˬkʼehˇ 13:31

Gaqliqlaer mirkhanq-anr nae Yeqlursaqlaeq-anr keuvni, aqyawf naeq-aer le-euq deuq-anr, aqyawf-euq mawrdo ghawqmya nan bimawr-euq mae. Tsawrhaq khoerdeuq-aq, nymq-mr aqcawq-euq maeqshi aqyawf-euq sarkir kamq-eu tsawrhaq pyeuf-eu mae.

Gʼaˬkʼehˇ 1:22

Yorhaq bartirsaq mrnaeq-eu aryamq-anr nae bae-awr, Yeqsur, aqdui jawr-eu gar nae bi sheuqdav lef-euq arnan aryamq-anr keuvni, aqdui naeq-aer keuq-eu tiq ghaq, Yeqsur ghofdaef lar-euq garkawv, aqduimaf naeq-aer sarkir kamq-eu tsawrhaq ya pyeuflar-eu mae.”

Yoˇhaˬ 15:16

Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Luˇkaꞈ 24:30

Khoerngae, heulof-aer pyeuflar-euq mae. Yeqsur, aqyawfnyaf naeq-aer jawq-awr dzaq-eu laer ghae ngae, Yeqsur kaqmur yur-awr jaceuq-euq mae. Khoernar-aq, ngawqpyaeq-awr aqyawf nyaf-anr bifnaeq-euq mae.

Luˇkaꞈ 24:48

Nawmaf-aq, garkawv heudeuq-euq gharduq sarkir yakamq-eu tsawrhaq deuq mae.

Yoˇhaˬ 14:19

Tiqkhaeq ghae nar-aq, mirtsaqzaq, ngaq-anr maqpar ya’mawr-ar. Aerkhawf, nawmaf, ngaq-anr ya’mawr taef-a. Aqjeq mirnae aernar-aq, ngar daefluf-eu mirnae, nawmaf khawf yadaef taef-a.

Yoˇhaˬ 15:27

Nawmaf khawf, yawbae ngae nae ngaq naeq-aer jawrluf-eu mirnae, ngaq-euq garkawv sarkirkamq taef-a.”

Gʼaˬkʼehˇ 1:4

Yeqsur, aqyawfmaf naeq-aer uiqler-awr jawr ngae, Yeqlursaqlaeq-anr nae taqdov-ir, Aqda Miqyaer nae aertaq-euq dawqma sarjax khoerdawq-anr nawmaf dawqtawq siq laer, Yeqsur, aqyawf maf-anr dawq bif-euq mae. Yeqsur aer-eu, “Garkawv heu-aq, ngar aer-eu gar nawmaf yagaq-euq mae.