Gʼaˬkʼehˇ 10:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoerngae, aqyawfmaf aer-eu, “Yardzoeq guirhuq Gorneqlir-aq, Miqyaer-anr guv-awr, Yurdav tsawrjeuq tsawrca dawqtawv luf-euq lafkhoer tsawrmyanr muiq-eu, tsaq-awr dawr-eu tiq ghaq mae. Nawq-anr aqyawf-euq irkanr-euq lafkhoer kurur-awr, nawq-euq dawq narhaq-awq laer shawr-eu mqtav ghaqkhaer tiq ghaq, aqyawf-anr aernaeq le-euq mae.”

Akha

²² Aˬ ha smˇ gʼaˬ ehˇ-eu, “Guiˇ maꞈ-ahˇ uˆ lahˇ-eu yaw huiˬ yaw mahˇ pyeuꞈ-eu Gawˬneˬliˇ neh nga maꞈ-ahˇ kʼehˇ leꞈ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu tsawˇ haˬ yaw muiˬ tiˬ gʼaˬ pyeuꞈ-awˇ, Yuˇdaˆ tsawˇ haˬ dawˬ tawˆ luꞈ aˬ yawꞈ-ahˇ yaw zeu baw-eu meh. Nawˬ-ahˇ aˬ yawꞈ-euˬ nymˇ-ahˇ kuˇ ahˇ-awˇ, nawˬ neh ngehˬ-euˬ tmˇ-euˬ dawˬ-ahˇ naˇ haˬ-eu gʼaˇ duˬ, Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ-ahˇ ehˇ le-euˬ meh.”

Gʼaˬkʼehˇ 10:22 Referans Kwoze

Gʼaˬkʼehˇ 11:14

Nawr hawr-eu nawq-euq miqsawrzaq yawqghaq navluf yabuq-ir ni, aqyawf, nawq-anr dawqja ja’maeq naeqlaf taef-a.’

Gʼaˬkʼehˇ 10:2

Aqyawf hawr-eu aqyawf-euq miqsawrzaq yawqghaq navluf Miqyaer-anr guv-awr uqduq tanq-eu tsawrhaq pyeuf-eu mae. Yawqjawr navluf mirkhanqzaq-anr gamfnaeq-awr, aqmyanluf Miqyaer-anr guiqlanq sharluf-eu mae.

3 Yoˇhaˬ 1:12

Deqmeqdeqlir yawmuiq mae laer tsawrhaq dawqtawvluf sarkir kamq-eu mae. Yawtsaq yawdawr jeq khawf aqyawf-euq gharduq sarkir kamqluf-eu mae. Nga’maf khawf aqyawf-euq gharduq sarkir kamq-eu ma. Nga’maf kamq-eu jeq tsaq-awr dawr mae laer nawr siqnya mae.

2 Beˬtuˆluˆ 3:2

arhu, shawr-eu Miqyaer gharduq ngaeqdan-eu deuq nae aertaq-euq dawq hawr-eu, Kakhof-eu ghaq pyeuf-eu Sanqpaq Yeqsur-euq ghaqkhaer pyeuf-eu nga’maf nae bif-euq dawqdeuq-anr khawf, maqbi ngaer-eu gharduq ma.

HeˬByehˇ 12:23

Mq-euq khoertav bofanr taq-euq huqbaw zaqyo deuq-euq Kalizaq armur uiqlar duq-anr larkeuv-euq mae. Tsawrhaqzaq yawqghaq navluf-anr yarkhaq dar-eu Miqyaer hawr-eu, bi byanlar-euq tsaq-awr dawr-eu tsawrhaq-euq saflar khawf jawr-eu mae.

HeˬByehˇ 11:2

Arhu-euq tsawrhaq deuq jan-eu mirnae, sarkir yawmuiq za-euq mae.

HeˬByehˇ 10:38

Tsaq-awr dawr-eu tsawrhaq-aq, jan-eu baqda’nae yadaef-eu mae. Aerkhawf, aqyawf narkhan paw jivkhofghae nar-aq, ngaq-euq nuima, aqyawf-anr nuikhanr maq shirnya.” (Hbk 2:3-4)

1 Tiˆmoˇseˬ 3:7

Aqyawf-aq, lafnyir paw tsawrmyanr muiq-eu tsawrhaq yapyeuf-eu mae. Maqngeur nar-aq, aqcawq jabu jadoer-eu gar yadaq-awr, naef sanqpaq nae lanrju khmrtaq-euq gar pafler-eu baw-mr.

2 Gawˇliˬtu 5:18

Khoerdeuq dawqtawvluf Miqyaer-anr nae pyeufdov le-euq mae. Miqyaer, Kali-anr ghoe-awr aqdui, aqyawf-anr tsaqler dzoerlerni janrnaeq laf-euq mae. Khoeruqtaf, tsaqler dzoerlerni guiqlanq-euq gar heu aqdui-anr bifnaeq laf-euq mae.

Lormav 1:17

Aqjeq mirnae aernar-aq, Miqyaer-euq tsaq-awr dawr-eu jeq-aq, jan-eu jeq-anr bae-awr jan-eu jeq-anr saqler-eu mae laer guiqlanq dawq-anr ghoe-awr, panmaeq naeqlaf-euq mae. Yaerbof-euq lafkhoer boftaq-euq lof-aer, “Tsaq-awr dawr-eu tsawrhaq-aq, jan-eu baqda’nae yadaef-eu mae.” (Hbk 2:4)

Gʼaˬkʼehˇ 24:15

Aqkar, tsawrmuiq tsawrdoer dawqtawvluf ghofdaeflar taef-a laer aqyawfmaf noeqtmq-eu lof-aer, ngar khawf Miqyaer-anr ghoeghoe-aer noeqtmq luf-eu ma.

Gʼaˬkʼehˇ 22:12

“Khoergar, Aqnaqnir laer kur-eu tiq ghaq jawr-eu mae. Aqyawf-aq, khoergar jawr-eu Yurdav tsawrhaq dawqtawv luf-euq lafkhoer tsawrmyanr muiq-eu uqtaf, zanrdawq jav-eu lof-aer Miqyaer-anr guv-eu tsawrhaq tiq ghaq mae.

Gʼaˬkʼehˇ 10:33

Khoermirnae, ngar tiqpov taef-aer nawr jawr-eu gar khaerghae lef-euq ma. Nawr lar-euq-aq zawr muiq-eu mae. Miqyaer nae nawq-anr biftaq-euq yawqdawq navluf-anr narhaq-eu laer, nymq-mr nga’maf, Miqyaer-euq maeqshi uiqlar taq-euq ma.”

Gʼaˬkʼehˇ 10:6

Aqyawf-aq, iqmalavshav-euq lawrdzer-anr jav-eu bawkhov janranq-eu Sirmoq-euq nymr-anr jawrluf mae. Nawr aqjeq yajanr-a laer aqyawf, nawq-anr aernaeqlaf taef-a.”

Gʼaˬkʼehˇ 6:3

Khoermirnae, aqyuif aqnyir deuq-or! Nawmaf-euq lafkhoer tsawrmyanr muiq-awr, Yawshawr Saflar hawr-eu zaqsiq tsawrganr byan-eu tsawrhaq shif ghaq-anr tserdov-awq. Nga’maf, aqyawf maf-anr khaerdar naeq-awr gar heu bimr ma.

Yoˇhaˬ 17:20

“Ngar, tsawrhaq heudeuq-euq gharduq taef-aer maqngeurni, aqyawf maf-euq dawq-euq baqda’nae, aqkar ngaq-anr janlar-eu tsawrhaq deuq-euq gharduq khawf guiqlanq shar-eu ma.

Yoˇhaˬ 17:8

Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.

Yoˇhaˬ 13:20

Ngar, nawmaf-anr aqdirma-aer aernaeq nyar, ngaq nae khaerghae-euq tsawrhaq-anr hageuf-eu ghaq-aq, ngaq-anr hageuf-eu mae. Ngaq-anr hageuf-eu tsawrhaq-aq, ngaq-anr khaerghae lef-euq ghaq-anr hageuf-eu mae.”

Yoˇhaˬ 6:68

Khoerngae, Sirmoq Beqtuvluv, aqyawf-anr heulof-aer aerkhof naeq-euq mae, “Sanqpaq-or! Nawq-euq lafkhoer mqmaq maqbyav yarzir daef-eu jeq bif-eu dawq anr-eu mae. Nga’maf aqsur ghaq-euq maeqnan par cantae-ir nmr-mq?

Yoˇhaˬ 6:63

Muiq-eu Saflar taef-aer daef-eu jeq bif-eu ghaq pyeuf-eu mae. Shiqshaq-aq, tiqjeq-iq gardanr maqtsoeq-a. Ngaq nae nawmaf-anr aernaeq-euq dawq-aq, saflar hawr-eu daef-eu jeq pyeuf-eu mae.

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

Luˇkaꞈ 23:50

Khoerngae, Yorsaev laer kur-eu dawr-awr tsaq-eu tsawrmuiq tsawrjaq tiq ghaq jawr-eu mae. Aqyawf-aq, khavma armur-euq lafkhoer keuq-eu tiq ghaq mae.

Luˇkaꞈ 2:25

Khoerngae, Yeqlursaqlaeq-anr Surmoq laer kur-eu tiq ghaq jawr-eu mae. Aqyawf-aq, dawrcoeni ghae-awr, Miqyaer-anr yawzeu baw-eu tiq ghaq mae. Aqmyanluf Irsaqleqlav tsawrhaq-anr nuima bi sarlar-eu ghaq oekeuv-eu gar noeqtmq luf-eu mae. Khoeruqtaf, Yawshawr Saflar, aqyawf-euq lafkhoer jawrluf-eu mae.

Maˬkuˆ 8:38

Aqsur ghaq maqkaq, banq-awr joe-eu hawr-eu iqbax mrluf-eu heuzir-euq tsawrhaq-euq maeqshi, ngar hawr-eu ngaq-euq dawq-euq baqda’nae shafdawr nar-aq, aqyawf Tsawrhaq-euq Zaqyo khawf, aqyawf-euq Aqda-euq yawshaef khanqsaer-euq lafkhoer, shawr-eu mqtav ghaqkhaer deuq naeq-aer zafkale ngae, tsawrhaq khoerghaq-euq baqda’nae shafdawr taef-a.”

Maˬkuˆ 6:20

Aqjeq mirnae aernar-aq, Yorhaq-aq, dawr-awr tsaq-eu uqtaf shawr-eu tsawrhaq tiq ghaq mae laer Heqlor siqnya-eu mirnae, aqyawf-anr guv-eu lafkhoer hawpir luf-eu mae. Heqlor-aq, Yorhaq maeq-eu dawq yagaq ngae, nuima tiqpawf-iq maqsar-eu khawf, aqyawf maeq-eu gar narhaqmawf duidui-eu mae.

Maꞈtehˬ 1:19

Aqyawf-euq yoshuif Yorsaev-aq, tsaq-awr dawr-eu tsawrhaq mae. Aqyawf, Maqliv-anr aqcawq-euq maeqshi myavpyawq narmaer maqbi cawv-ir mawf-eu mirnae, aqcawq-anr maqbi siqni ghawq ma laer noeqtaq-euq mae.

Maꞈtehˬ 2:12

Yufmav mav-eu lafkhoer, Sanqpaq Miqyaer, aqyawf maf-anr Heqlor jawr-eu gar taq ghofmawrler laer maeqnaeq-euq mirnae, aqyawfmaf yawqpawyawq nae aqyawf maf-euq mirkhanq-anr ghof-ir-euq mae.

Luˇkaꞈ 9:26

Aqsur ghaq maqkaq, ngaq-anr hawr-eu ngaq-euq dawq-anr shafdawr nar-aq, Tsawrhaq-euq Zaqyo khawf, aqyawf-euq yawshaef khanqsaer-euq lafkhoer maqaer, Aqda Miqyaer hawr-eu shawr-eu mqtav ghaqkhaer-euq yawshaef khanqsaer-euq lafkhoer maqaer zafkale ngae, tsawrhaq khoerghaq-anr shafdawr taef-a.

Gʼaˬkʼehˇ 10:21

Khoerngae, Beqtuvluv irka-awr, Gorneqlir nae khaerghae lef-euq tsawrhaq khoerdeuq-anr aernaeq-eu, “Haeq, nawmaf povluf-eu ghaq-aq ngar ma. Nawmaf aqjeq mirnae oe-euq le?”

Gʼaˬkʼehˇ 10:30

Khoerngae, Gorneqlir heulof-aer aer-eu mae, “Dzeurlaf-euq oeq nan ngae nan-anr nae heuyamq-anr keuvni, ngar dzardzaq sheuq-euq ma. Uqciftaw naqliq smr laf-anr ngar, irkanr-euq lafkhoer guiqlanq sharluf ngae, tsawrhaq tiq ghaq yawshaef bya-eu maeqtsoeq dm-awr, ngaq-euq maeqshi yawfle-awr,

Panmaeq 14:10

tiqjeq-iq maqkeuq-aer tav duidui-eu, Miqyaer nuima paer-eu khmqmaq-euq lafkhoer khar shaevdanq taq-euq Miqyaer nuima paer duidui-eu aqgaf dzaruir yadawr taef-a. Khoeruqtaf, aqyawf, shawr-eu mqtav ghaqkhaer hawr-eu Yawrzaq-euq maeqshi, miqdzaq hawr-eu miqdzar dzarshuir nae khaeqnaeq khavnaeq-eu gar yadaq taef-a.