Gʼaˬkʼehˇ 10:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawf hawr-eu aqyawf-euq miqsawrzaq yawqghaq navluf Miqyaer-anr guv-awr uqduq tanq-eu tsawrhaq pyeuf-eu mae. Yawqjawr navluf mirkhanqzaq-anr gamfnaeq-awr, aqmyanluf Miqyaer-anr guiqlanq sharluf-eu mae.

Akha

² Aˬ yawꞈ-aˬ, guiˬ lahˬ saꞈ laˇ paw gʼaˬ kʼaˆ-awˇ, aˬ yawꞈ hawˇ-eu miˬ sawˇ zaˬ dawˬ tawˆ luꞈ, Miˬyehˇ-ahˇ uˬ duˬ tahˬ-eu meh. Shaˬ-eu zahˬ-eu Yuˇdaˆ tsawˇ haˬ deuˬ-ahˇ aˬ yawꞈ caw ba-awˇ, Miˬyehˇ-ahˇ maˬ tsehˆ leˇ ni guiˬ lahˬ shaˇ-eu meh.

Gʼaˬkʼehˇ 10:2 Referans Kwoze

Gʼaˬkʼehˇ 10:4

Khoerngae, Gorneqlir, aqyawf-anr hawtsov taq-awr guv duidui-eu lafkhoer aer-eu, “Sanqpaq-or! Aqjeq aer-eu le?” Khoerngae, mqtav ghaqkhaer khoerghaq, aqyawf-anr heulof-aer aernaeq-euq mae: “Nawq-euq guiqlanq shardawq hawr-eu nawq nae gamfnaeq-euq jeq Miqyaer-euq maeqshi larkeuv-awr, aqyawf noeqmawr luf-eu mae.

Gʼaˬkʼehˇ 10:22

Khoerngae, aqyawfmaf aer-eu, “Yardzoeq guirhuq Gorneqlir-aq, Miqyaer-anr guv-awr, Yurdav tsawrjeuq tsawrca dawqtawv luf-euq lafkhoer tsawrmyanr muiq-eu, tsaq-awr dawr-eu tiq ghaq mae. Nawq-anr aqyawf-euq irkanr-euq lafkhoer kurur-awr, nawq-euq dawq narhaq-awq laer shawr-eu mqtav ghaqkhaer tiq ghaq, aqyawf-anr aernaeq le-euq mae.”

Gʼaˬkʼehˇ 13:16

Khoerngae, Pawrluv turlar-awr, aqlaf bafdir-awr heulof-aer aer-eu mae: “Irsaqleqlav tsawrhaq hawr-eu Miqyaer-anr guv-eu tsawrhaq deuq-or! Narhaq sher-eq.

Gʼaˬkʼehˇ 10:35

Aerkhawf, yawqjeuq yawqca navluf-euq lafkhoer, aqyawf-anr guv-awr tsaq-awr dawr-eu jeq mr-eu tsawrhaq yawqghaq navluf-anr aqyawf hageuf-eu mae.

Gʼaˬkʼehˇ 10:7

Aqyawf-anr ngaeqcawq le-euq mqtav ghaqkhaer khoerghaq ghofdov-ir dzeur ngae, Gorneqlir, aqyawf-euq nymrkhanq-euq kuirlaf zaqkhav nyiq ghaq hawr-eu, aqmyanluf aqyawf-euq myawqkhaer ghov-eu laer lofluf-eu tsawrhaq deuq-euq lafkhoer nae, Miqyaer-anr guv-eu guirzaq tiq ghaq-anr kurlaf-euq mae.

Gʼaˬkʼehˇ 8:2

Miqyaer-anr yawzeu baw-eu deuq, Saqteqpaq-anr bafpanq-ir-awr, aqyawf-euq gharduq tsawrngoer yawkhav-aer ngoer-euq mae.

Panmaeq 15:4

Sanqpaq Miqyaer-or! Nawq-anr maqguv-aer, Nawq-euq tsawrmyanr-anr maq ciqhuiq-eu aqsur ghaq jawr-eu la? Aqjeq mirnae aernar-aq, nawr, tiq ghaq taef-aer yawshawr mae. Mirkhanq-euq tsawrjeuq dawqtawvluf, Nawq-euq maeqshi lar-awr uqduq tanqlar taef-a. Aqjeq mirnae aernar-aq, nawq nae dar-euq lof-aer byacaevni dovlar-euq mae.”

Gʼaˬkʼehˇ 18:8

Zanrdawq khawqnymr-euq aqyuif geuf-eu Gaqlirpuv laer kur-eu ghaq hawr-eu aqyawf-euq miqsawrzaq yawqghaq navluf, Sanqpaq Yeqsur-anr janlar-euq mae. Gawrliqtu-anr jawr-eu ghawqmya ghaq khawf yagaq-awr janlar-awr, bartirsaq hageuf-euq mae.

Gʼaˬkʼehˇ 13:26

“Aqbyaqhaq-euq zaq pyeuf-eu aqyuif aqnyir hawr-eu nawmaf-euq lafkhoer Miqyaer-anr guv-eu tsawrhaq deuq-or! Kakhof-eu garkawv-anr taf-eu dawq heu-aq, nawmaf-anr shaha keuvlef taq-euq mae.

Luˇkaꞈ 2:25

Khoerngae, Yeqlursaqlaeq-anr Surmoq laer kur-eu tiq ghaq jawr-eu mae. Aqyawf-aq, dawrcoeni ghae-awr, Miqyaer-anr yawzeu baw-eu tiq ghaq mae. Aqmyanluf Irsaqleqlav tsawrhaq-anr nuima bi sarlar-eu ghaq oekeuv-eu gar noeqtmq luf-eu mae. Khoeruqtaf, Yawshawr Saflar, aqyawf-euq lafkhoer jawrluf-eu mae.

Yaˬkoˆ 1:5

Nawmaf-euq lafkhoer tiqghaqnav zaqsiq tsawrganr teqluf nar-aq, Miqyaer-anr shar-eu tsaq mae. Miqyaer, aqyawf-anr bif taef-a. Aqjeq mirnae aernar-aq, Miqyaer-aq, aqyawf-anr kharshar-eu tsawrhaq-anr maqdaeq-aer ghawqmya’ni bif-eu mae.

1 Teˇsaˬloˇni 5:17

Yawqjawr navluf guiqlanq shar-awq.

Gawˇlawˇsehˇ 4:2

Maq tsaevlerni nuima keuv-awr guiqlanq shar-awq. Yawbeur beur-aer Miqyaer-euq guiqlanq-anr jaceuq-eu lafkhoer shar-awq.

Gʼaˬkʼehˇ 22:12

“Khoergar, Aqnaqnir laer kur-eu tiq ghaq jawr-eu mae. Aqyawf-aq, khoergar jawr-eu Yurdav tsawrhaq dawqtawv luf-euq lafkhoer tsawrmyanr muiq-eu uqtaf, zanrdawq jav-eu lof-aer Miqyaer-anr guv-eu tsawrhaq tiq ghaq mae.

Gʼaˬkʼehˇ 13:50

Aerkhawf, Yurdav tsawrhaq deuq, Miqyaer-anr guv-eu myavpyawq narmaer jav-eu zaqmiq aqbur deuq hawr-eu meuq-euq lafkhoer aqyuif geufluf-eu deuq-anr lavteuv-awr, Pawrluv hawr-eu Baqnaqbar-anr bikhaeq bikhav-awr, aqyawf nyaf-anr mircoer khoercoer-anr nae taedov-euq mae.

Gʼaˬkʼehˇ 10:31

heulof-aer aer-eu mae: ‘Gorneqlir-or! Nawq-euq guiqlanq shardawq-anr Miqyaer gaq-awr, nawq nae gamfnaeq-euq deuq-anr khawf Miqyaer-euq maeqshi aqyawf noeqmawr luf-eu mae.

Gʼaˬkʼehˇ 9:36

Yurbeq meuq-anr Daqbirtav laer kur-eu zaqlanr pyeuf-euq zaqmiq aqbur tiq ghaq jawr-eu mae. Daqbirtav-aq, Dawkar laer aermawf-eu mae. Aqyawf aqmyanluf yawmuiq jeq mr-awr, gamfnaeq-eu tiq ghaq mae.

Gʼaˬkʼehˇ 9:31

Khoerngae, Yurdav mirkhanq, Gaqliqlaer mirkhanq hawr-eu Saqmaqliv mirkhanq doeni jawr-eu Kali-anr jan-eu armur deuq, nuisar of-eu lafkhoer yajawr-awr huiqlar manrlar-euq mae. Sanqpaq Miqyaer-anr yawzeu baw-awr, Yawshawr Saflar ghaq bif-eu lof-aer daefghae-eu lafkhoer, aqyawfmaf myaqlar-euq mae.

Gʼaˬkʼehˇ 9:11

Khoerngae, Sanqpaq Yeqsur, aqyawf-anr heulof-aer aernaeq-euq mae: “Tur-awr, Gardawr laer kur-eu garma khoerkanr-anr ir-awq. Yurdav-euq irkanr jawr-eu, Daqsuv-anr nae lar-euq Sawrluv laer kur-eu tiq ghaq-anr haw-ir-awq. Nymq-mr aqyawf guiqlanq sharluf-eu mae.

Luˇkaꞈ 18:1

Aqyawfmaf nuima maqcawv-aer, yawqjawr navluf guiqlanq sharni, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae:

Jaceuq 119:2

Nuima dawqtawvluf aqyawf-anr pov-awr, Aqyawf-euq dawqdzawr-anr cantae-eu tsawrhaq-aq, guiqlanq huiq-eu mae.

Jaceuq 102:15

Heu-euq baqda’nae, tsawrjeuq tsawrca deuq, Ya’we Miqyaer-euq tsawrmyanr-anr guv-awr, Mirkhanq sanqpaq dawqtawvluf, nawq-euq yawshaef khanqsaer-anr guv taef-a.

Jaceuq 88:1

Ngaq-anr kakhof-eu Miqyaer pyeuf-eu Ya’we Miqyaer-or! Ngar, nawq-euq maeqshi, uqcif nan’ghanr gurluf-eu ma.

Jaceuq 86:3

Sanqpaq Miqyaer-or! Ngar nan’ga-i nawq-anr gurgaq luf-eu mirnae, Ngaq-anr ghawqshaq gaqnaeq laf-awq.

Jaceuq 55:17

Uqcif uqshawq hawr-eu nan’ghanr maqbawni, Ngar yawkhav-aer gurgur-aer guiqlanqshar ma; Aqyawf, ngaq-euq tersar-anr narhaq naeqlaf taef-a.

Jaceuq 41:1

Irshaqzaq-anr sharnoeq naeq-eu tsawrhaq-aq, guiqlanq huiq-eu mae. Gardzaq garkawv keuvle-eu aryamq-anr, Ya’we Miqyaer, aqyawf-anr bibuq-ir taef-a.

Jaceuq 25:5

Ngaq-anr nawq-euq yawtsaq yawdawr-euq lafkhoer sheuqghae naeqlaf-awr, ngaq-anr maeqnaeq laf-awq; Aqjeq mirnae aernar-aq, nawr-aq, ngaq-anr bibuq-ir-eu Miqyaer mae; Nan’ga-i ngar, nawq-anr dawqluf-eu ma.

Gʼaˬkʼehˇ 2:5

Khoerngae, Miqyaer-anr yawzeu baw-eu Yurdav tsawrhaq deuq, mq-euq uqmov jav-eu mirkhanq yawqkhanq navluf-anr nae Yeqlursaqlaeq-anr lartaq-euq mae.

Gʼaˬkʼehˇ 11:14

Nawr hawr-eu nawq-euq miqsawrzaq yawqghaq navluf yabuq-ir ni, aqyawf, nawq-anr dawqja ja’maeq naeqlaf taef-a.’

Maꞈtehˬ 25:17

Khoerlof-aer durni, pyur 2,000 byav za-euq khoerghaq khawf 2,000 byav gafjeuq-euq mae.