Gʼaˬkʼehˇ 1:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ “Aqyuif aqnyir deuq-or! Yawshawr Saflar, Daqbir-euq khaqmae-anr ghoe-awr aerkeuv taq-euq, Yaerbof-euq lafkhoer boftaq-euq dawq heudawq ya byanlar-eu mae. Khoer-aq, Yeqsur-anr nyaef-euq tsawrhaq deuq-anr sheuqmaeq naeq-eu tsawrhaq pyeuflar-euq Yurdav-euq garkawv mae.

Akha

¹⁶ “Aˬ yuiꞈ aˬ nyiˇ deuˬ-oˇ, Yeˬsuˇ-ahˇ nyehꞈ-euˬ tsawˇ haˬ deuˬ-ahˇ gaˇ ma sheuˬ mehˬ nehˬ-euˬ gʼa pyeuꞈ-eu Yuˇdaˆ-euˬ gaˇ kawˆ, Muiˬ-eu shawˇ-eu Yaw sahˇ Miˬyehˇ neh Daˬbiˇ-ahˇ gʼoe-awˇ ehˇ taˬ-euˬ Jaˇliꞈ dawˬ kawˬ kʼoeˇ byah laˇ-euˬ meh.

Gʼaˬkʼehˇ 1:16 Referans Kwoze

Jaceuq 41:9

Ngaq-euq kaqmur bidzaq-awr ngaq nae ghoe-euq ngaq-euq ghoercawq khawf, Aqyawf-euq kuirnuif bafdir-awr, ngaq-anr muirlar-eu mae.

Yoˇhaˬ 13:18

“Ngar heulof-aer aer-eu-aq, nawmaf yawqghaq navluf-anr aer-eu maqngeur. Ngaq nae tserdov taq-euq tsawrhaq-anr ngar siqnya ma. Aerkhawf, ‘Ngaq naeq-aer kaqmur dzaqtaf-eu tsawrhaq, Aqyawf-euq kuirnuif bafdir-awr, ngaq-anr muirlar-eu mae,’ (Jc 41:9) laer Yaerbof-euq lafkhoer boftaq-euq lof-aer ya byanlar taef-a.

Gʼaˬkʼehˇ 1:20

“Aqjeq mirnae aernar-aq, Jaceuq-eu sanqbof-euq lafkhoer heulof-aer boftaq-euq mae, ‘Aqyawf-euq jawrduq-anr tsawrhaq tiqghaq-iq maqjawrni, mirtsoeq tsoeq-ir luf-ur. (Jc 69:25) Aqyawf-euq ardeuv artiv-anr, aqcawq nae bi yurluf-ur.’ (Jc 109:8)

Maꞈtehˬ 26:56

Aerkhawf, Miqyaer gharduq ngaeqdan-eu deuq-euq sanqbof-euq lafkhoer boftaq-euq lof-aer byanlarni, heudeuq dawqtawvluf pyeuflar-euq mae.” Khoerngae, zaqlanr dawqtawvluf, aqyawf-anr byaerdzae yaf-awr caevbyov jir-euq mae.

Maꞈtehˬ 26:54

Ngar khoerlof-aer shar nar-aq, heulof-aer pyeuflar taef-a laer boftaq-euq Yaerbof khoerdeuq aqjox-aer byanlarnya nmr-mq?”

Maꞈtehˬ 26:47

Yeqsur khoerlof-aer aernaeqluf ngae, ghaqkhaer 12 ghaq-euq lafkhoer keuq-eu Yurdav laer kur-eu ghaq oekeuv-euq mae. Micaer baf-awr darkawq gheuluf-eu tsawrhaq bafmaf khawf, aqyawf naeq-aer oeluf-eu mae. Pirma aqyuif deuq hawr-eu mirkhanq-euq aqyuif aqtsu deuq nae aqyawf maf-anr khaerghae lef-euq mae.

1 Beˬtuˆluˆ 1:11

Aqyawfmaf kakhof-eu jeq heu aqmyan, aqsur ghaq la laer povtser-awr, aqyawf maf-euq lafkhoer jawr-eu Kali-euq Saflar, aqyawf maf-anr toeqmaeq naeq-euq lof-aer, Kali shaqzanq-anr yadaq-awr, arnan yawshaef khanqsaer za taef-a laer khawf arhuba nae, aqyawfmaf ngaeqdan taq-euq mae.

Maˬkuˆ 14:43

Yeqsur khoerlof-aer aernaeq luf-eu nyiqpav-aer, ghaqkhaer 12 ghaq-euq lafkhoer keuq-eu Yurdav laer kur-eu ghaq oekeuv-euq mae. Micaer hawr-eu darkawq sheuluf-eu tsawrhaq baqmaf khawf aqyawf naeq-aer oeluf-eu mae. Pirma aqyuif deuq, zanr maeq-eu deuq hawr-eu aqyuif aqtsu deuq nae aqyawf maf-anr khaerghae lef-euq mae.

2 Beˬtuˆluˆ 2:21

Aqyawfmaf tsaq-awr dawr-eu garma-anr siqnya ghaq-awr, aqyawf maf-anr bifnaeq-euq shawr-eu zanrdawq khofdawq-anr khawf byaerdzae-eu khoer-aq, aqyawfmaf garma khoer-anr maq siqnya-euq lawnmr-aq muiqdzaeq-eu mae.

Gʼaˬkʼehˇ 23:6

Khoerngae, uiqlar taq-euq tsawrhaq deuq-euq lafkhoer, Paqliqsaer tiqpavnav deuq keuq-awr, tiqpavnav deuq-aq, Saqduqgaer nga laer Pawrluv yasiq ngae, tersar yawkhav-aer khavma armur-anr aernaeq-eu, “Aqyuif aqnyir deuq-or! Ngar-aq, Paqliqsaer ma. Ngaqda khawf Paqliqsaer mae. Shir-euq tsawrhaq ghofdaef lar-eu hawr-eu noeqtmq-eu jeq-euq garkawv-euq baqda’nae, ngar yarkhaq dar-eu gar ya daqluf-eu ma.”

Gʼaˬkʼehˇ 23:1

Khoerngae, Pawrluv khavma armur-anr hawtsov taq-awr aer-eu, “Aqyuif aqnyir deuq-or! Iqnan keuvni, ngar, Miqyaer-euq maeqshi kharmr-euq jeq, zaqsiq nuisiq shawrjaevni anr-awr daefluf-eu ma.”

Gʼaˬkʼehˇ 22:1

“Aqyuif aqnyir, aqpoeq aqbawr deuq-or! Ngar, ngaq-euq garkawv nawmaf-anr jashaw-eu gar narhaq naeqlaf sher-eq.”

Gʼaˬkʼehˇ 15:7

Garkawv khoer-anr ghawqmyanrni pyaerkeuvlaf ngae, Beqtuvluv turlar-awr aqyawf maf-anr heulof-aer aernaeq-euq mae: “Aqyuif aqnyir deuq-or! Aqcawq tsawrjeuq tsawrca khawf, guiqlanqdawq yagaq-awr janlar nya’ni, yawbae ngae nae aqdui maf-euq ghanrcae, Miqyaer, ngaq-euq khaqmae-anr zmq-eu laer tserdov-euq mae laer nawmaf siqnya-eu mae.

Gʼaˬkʼehˇ 13:38

Khoermirnae, aqyuif aqnyir deuq-or! Nawmaf heu-anr siqnya-awq. Tsawrhaq heughaq-euq baqda’nae iqbax pyaeq-eu garkawv, nawmaf-anr dawqmaeq maeqnaeq-euq ma.

Gʼaˬkʼehˇ 13:15

Zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-anr guighaq ngae, zanrdawq khawqnymr-anr uvlanr-eu deuq aqyawfnyaf jawr-eu gar tsawrhaq khaerghae-awr heulof-aer bi tsafgaq-ir-euq mae, “Aqyuif aqnyir deuq-or! Tsawrhaq heudeuq-anr ghaq bifmawf-eu jeq jav nar-aq bif-awq.”

Gʼaˬkʼehˇ 7:2

Khoerngae, Saqteqpaq heulof-aer aerkhof naeq-euq mae: “Aqyuif aqnyir hawr-eu aqda deuq-or! Narhaq sher-eq. Aqdui-euq aqpoeq Aqbyaqhaq, Harlaq meuq-anr maqjawr-ir-euq minav-aer, Meqsoqpoqtaqmir mirkhanq-anr jawr ngae, yawshaef khanqsaer huiq-eu Miqyaer, aqyawf jawr-eu gar dovle-awr,

Gʼaˬkʼehˇ 2:37

Aqyawfmaf, dawq khoerdeuq-anr yagaq ngae, nuima-anr zawler-awr, Beqtuvluv hawr-eu ghaqkhaer nuideuq-anr aernaeq-eu, “Aqyuif aqnyir deuq-or! Nga’maf aqjox-aer yajanr-eu la?”

Gʼaˬkʼehˇ 2:23

Yawbae ngae nae, Miqyaer siqnya-awr noeqtsaev taq-euq lof-aer, Yeqsur, aqcawq-euq aqlaf-euq lafkhoer ya’anr-ir-euq mae. Nawmaf, zanrdawq-anr leur-eu deuq-euq aqlaf-anr ghoe-awr, aqyawf-anr lafyaq-euq khoertav taftaeq-awr saef-euq mae.

Yoˇhaˬ 19:36

Heulof-aer pyeuflar-euq-aq, Yaerbof-euq lafkhoer boftaq-euq heudawq byanlar-euq mae, “Aqyawf-euq shaqyoeq tiqkanq-iq maqbi khaef-ir-ar.” (Di 12:46; Bts 9:12)

Yoˇhaˬ 10:35

Miqyaer, khoerdeuq-anr miqyaer deuq laer kur-eu ngeur nar-aq, Miqyaer-euq dawq aqsur ghaq jawr-eu gar keuvle-euq la? (Yaerbof-euq lafkhoer boftaq-euq dawq-aq, maqcawv-ir nya-a.)

Luˇkaꞈ 22:47

Yeqsur khoerlof-aer aernaeqluf ngae, ghaqkhaer 12 ghaq-euq lafkhoer keuq-eu Yurdav laer kur-eu khoerghaq jeqhuq huq-awr, tsawrhaq armaf mafma sheuq-awr oe-euq mae. Yurdav, Yeqsur-anr maeqsaw saw-eu laer, Yeqsur-euq dawqpae lepae-euq mae.

Maˬkuˆ 12:36

Yawshawr Saflar, Daqbir-anr sheuqghae ngae, aqyawf-euq mawrdo nae heulof-aer aertaq-euq mae, ‘Sanqpaq Miqyaer, ngaq-euq Sanqpaq-anr aernaeq-euq, “Ngar, nawq-anr muir-eu deuq, nawq-euq aqkuir cawqtaqduq maqbi pyeuflar-euq khoerkeuvni, ngaq-euq armar paw nuir-awq.” ’ (Jc 110:1)

Gʼaˬkʼehˇ 28:25

Aqyawfmaf tiqghaq tirghaq maqtsaq maq dzoerler-aer, Pawrluv, aqyawf maf-anr dawq heudawq aernaeq ghaq ngae ghawq-ir-euq mae: “Yawshawr Saflar nae Miqyaer gharduq ngaeqdan-eu Irsaqyar-anr ghoe-awr, aqdui-euq aqpoeq deuq-anr aernaeq-euq dawq heudawq-aq, tsaq duidui-eu mae.

Gʼaˬkʼehˇ 28:17

Khoerngae, heulof-aer pyeuflar-euq mae. Smq nan dzeur-euq nar-aq, Pawrluv khoergar jawr-eu Yurdav tsawrhaq-anr sheuqghae-eu deuq-anr kuruiq-euq mae. Aqyawfmaf uiqlar ngae, Pawrluv, aqyawf maf-anr heulof-aer aernaeq-euq mae: “Aqyuif aqnyir deuq-or! Ngar, aqdui-euq tsawrjeuq tsawrca hawr-eu aqdui-euq aqpoeq deuq-euq zanrsanrkhof-anr tiqjeq-iq maq mrbanq-euq khawf, Yeqlursaqlaeq-euq lafkhoer ngaq-anr nyaef-awr, Lormav tsawrhaq-euq aqlaf-euq lafkhoer bi’anr-ir-euq mir-a.

Gʼaˬkʼehˇ 15:13

Aqyawfnyaf dzawrnaeqghaq ngae, Yaqkov heulof-aer aernaeq-euq mae, “Aqyuif aqnyir deuq-or! Ngar aer-eu gar narhaq sher-eq.

Maꞈtehˬ 26:14

Khoerngae, ghaqkhaer 12 ghaq-euq lafkhoer keuq-eu Yurdav Irsaqgaqliqoq laer kur-eu ghaq, pirma aqyuif deuq jawr-eu gar le-awr narhaq-eu,

Yoˇhaˬ 17:12

Ngar, aqyawfmaf naeq-aer mirtsaq-euq khoertav jawrluf ngae, nawq-euq tsawrmyanr-euq uqmov, ngar, aqyawf maf-anr bosav-euq ma. Nawq nae ngaq-anr bifnaeq laf-euq tsawrhaq deuq-anr ngar bosav-awr, lavcawv-eu ghaq-euq zaq maqngeur nar-aq, aqyawfmaf tiqghaq-iq maqbyov-ir-aq. Heu-aq, Yaerbof-euq lafkhoer boftaq-euq lof-aer bi byanlar-eu gharduq mae.

2 Beˬtuˆluˆ 1:21

Aqjeq mirnae aernar-aq, Miqyaer gharduq ngaeqdan-eu dawq-aq, tiqpawf-iq tsawrhaq-euq nuinoeq nuikhanr-anr nae dovle-euq maqngeur-a. Aerkhawf, Miqyaer-euq shawr-eu tsawrhaq deuq-aq, Yawshawr Saflar nae bi noeqdov-euq lof-aer ngaeq-eu mae.