Gʼaˬkʼehˇ 1:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqyawfmaf dawqtawvluf nuima tiqgar gm-awr, guiqlanq yawkhav-aer shar-awr, maq naqlerni tanqshar luf-eu mae. Zaqmiq aqbur heumyav ghaq, Yeqsur-euq aqma Maqliv hawr-eu Yeqsur-euq maernmr deuq khawf, aqyawfmaf naeq-aer jawrluf-eu mae.

Akha

¹⁴ Aˬ yawꞈ maꞈ-aˬ, zaˬ miˬ zaˬ deuˬ hawˇ-eu, Yeˬsuˇ-euˬ aˬ ma Maˬliˇ hawˇ-eu Yeˬsuˇ-euˬ aˬ nyiˇ deuˬ nehˬ-ehˇ tiˬ kawˆ loꞈ-ehˇ, tiˬ kʼehˬ maˬ taˬ ni uiˬ leˇ-awˇ guiˬ lahˬ shaˇ-eu meh.

Gʼaˬkʼehˇ 1:14 Referans Kwoze

Eˇpeˇsu 6:18

Nawmaf, ghaqpyawq dawqtawvluf zmq-awr aqmyanluf guiqlanq shar-awq. Muiq-eu Saflar-euq lafkhoer tanqshar-awq. Yawbeur beur-aer oror-aer guiqlanq shar-awq. Tsawrshawr dawqtawv luf-euq gharduq guiqlanq sharcaw naeq-awq.

Gʼaˬkʼehˇ 6:4

Aerkhawf, nga’maf-aq, guiqlanq shar-awr, Yaerdawq-anr taf-eu guiqlanq-euq gar-anr taef-aer noeqtsov taq-awr mr ma.”

Gawˇlawˇsehˇ 4:2

Maq tsaevlerni nuima keuv-awr guiqlanq shar-awq. Yawbeur beur-aer Miqyaer-euq guiqlanq-anr jaceuq-eu lafkhoer shar-awq.

Gʼaˬkʼehˇ 2:42

Aqyawfmaf aqmyanluf ghaqkhaer deuq-euq dawqmaeq dawqtsov narhaq-awr, tiqghaq tirghaq cawqcawq taf-eu lafkhoer, kaqmur ngawqpyaeq-awr guiqlanq shartaf-eu mae.

Lormav 12:12

Noeqtmq-eu lafkhoer laqkhaq caer-awr, shaqzanq yadaq ngae or-eu uqtaf, aqmyanluf nuima keuvkeuv-aer guiqlanq shar-awq.

Luˇkaꞈ 18:1

Aqyawfmaf nuima maqcawv-aer, yawqjawr navluf guiqlanq sharni, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae:

Maꞈtehˬ 21:22

Nawmaf guiqlanqshar ngae, jan-eu nuima anr nar-aq, kharshar-eu dawqtawvluf za taef-a.”

Gʼaˬkʼehˇ 2:1

Beqdeqgordeq yawbui bui-eu arnan keuvlar ngae, aqyawfmaf dawqtawvluf nuima tiqgar gm-awr, tiqgar taef-aer uiqler taq-awr jawrluf-eu mae.

Luˇkaꞈ 11:13

Nawmaf, tsawrdoer pyeuf-eu khawf, yawqha-euq zaq-anr lafsawq yawmuiq bifnaeq-eu siqnya-eu mae. Khoernav maqtser, mq-euq khoertav jawr-eu nawmaf-euq Aqda, aqyawf-anr shar-eu deuq-anr Yawshawr Saflar bifnaeq mawf-eu mae!”

Gʼaˬkʼehˇ 2:46

Aqyawfmaf nan-anr nae nuima gm-awr, uqduq tanqnymr nymrma-anr davler-eu uqtaf, kaqmur ngawqpyaeq-awr, laqkhaq tiqcaer nuima jerloni, tiqnymr sair tiqnymr dzaqtaf dawrtaf-eu mae.

Luˇkaꞈ 24:53

Khoernar-aq, aqyawfmaf aqmyanluf uqduq tanqnymr nymrma-euq lafkhoer jawr-awr, Miqyaer-anr ciqhuiq ciqmanr-awr jaceuq luf-eu mae. Aqmeq.

Maꞈtehˬ 12:46

Yeqsur, tsawrhaq armaf mafma-anr maeqnaeqluf ngae, aqyawf-euq aqma hawr-eu aqyawf-euq maernmr deuq, Yeqsur-anr dawq ngaeqcawqmawf nya laer lafnyir paw yawfluf-eu mae.

Luˇkaꞈ 24:10

Ghaqkhaer deuq-anr garkawv khoer dzawrnaeq ler-euq zaqmiq aqbur khoerdeuq-aq, Maqliv Maqgaqdaqlar, Yorhaqna, Yaqkov-euq aqma Maqliv hawr-eu, aqyawfmaf naeq-aer jawr-eu zaqmiq aqbur nuideuq mae.

Luˇkaꞈ 23:55

Gaqliqlaer mirkhanq-anr nae Yeqsur naeq-aer lar-euq zaqmiq aqbur deuq-aq, narkhan pawdzer cantae lef-awr, lmqbymr-anr hawr-eu Yeqsur-euq mawrdo aqjox-aer baftaq yaf-euq gar ya’mawr-euq mae.

Luˇkaꞈ 23:49

Aerkhawf, Yeqsur-anr siqnya-eu tsawrhaq deuq hawr-eu Gaqliqlaer mirkhanq-anr nae aqyawf-euq maeqnan cantae luf-eu zaqmiq aqbur deuq, heudeuq dawqtawvluf uicuiv garmanr kaq-eu gar yawf-awr, pyeuflar luf-eu heudeuq-anr hawluf-eu mae.

Maˬkuˆ 16:1

Landaw jawrnan dzeur-euq nar-aq, Maqliv Maqgaqdaqlar, Yaqkov-euq aqma Maqliv hawr-eu Saqloqmeq, Yeqsur-euq mawrdo-anr shaevdav naeq-ir-eu gharduq yawsaw deuq zeur-euq mae.

Maˬkuˆ 15:40

Khoergar nae uicuiv garmanr kaq-eu gar, zaqmiq aqbur tiqdeuq jawr-awr hawluf-eu mae. Aqyawf maf-euq lafkhoer, Maqliv Maqgaqdaqlar, Yaqkov yawnyir ghaq hawr-eu Yorseq-euq aqma Maqliv hawr-eu, Saqloqmeq heudeuq jawr-eu mae.

Maꞈtehˬ 27:55

Zaqmiq aqbur ghawqmya ghaq khoergar nae uicuiv garmanr kaq-eu gar jawr-awr hawluf-eu mae. Aqyawf maf-aq, Yeqsur, Gaqliqlaer mirkhanq-anr nae dovle ngae nae, aqyawf-euq maeqnan cantae cantae-aer, hawqmr dzarsafghae naeq-euq deuq mae.

Luˇkaꞈ 24:33

Khoerngae, aqyawfnyaf tiqpov taef-aer tsawqtur-awr, Yeqlursaqlaeq-anr par ghofler-euq mae. Khoergar lekeuv ngae, ghaqkhaer 11 ghaq hawr-eu aqyawfmaf naeq-aer jawr-eu deuq, tiqgar uiqler taq-awr jawr-eu gar ya’mawr-euq mae.

Luˇkaꞈ 8:20

Khoerngae, aqcawq, Yeqsur-anr aernaeq ler-euq, “Nawqma hawr-eu nawq-euq aqnyir deuq, nawq-anr mawrmawf nya laer, lafnyir yawfluf-eu mae.”

1 Gawˇliˬtu 14:13

Khoermirnae, dawqbav bav-eu tsawrhaq-aq, dawqtsuif yurdov nya’ni guiqlanq shar-eu tsaq mae.