Gʼaˬkʼehˇ 1:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawfnyaf aer-eu, “Gaqliqlaer tsawrhaq deuq-or! Nawmaf aqjeq mirnae yawf-awr mq-anr hawluf-eu le? Nawmaf-anr nae mq-anr bi sheuqdav lef-euq Yeqsur heughaq-aq, aqyawf mq-anr bi sheuqdav lef-eu gar nawmaf nae ya’mawr-euq lof-aer, aqyawf tiq pov par zafka le-eu mae.”

Akha

¹¹ Aˬ yawꞈ nyaꞈ-ehˇ-eu, “Gaˬliˬlehˇ tsawˇ haˬ deuˬ-oˇ, aˬ jeˬ miˇ neh naw maꞈ heu gaˇ yawꞈ-awˇ mˬ-ahˇ haw haw-ehˇ jawˇ te. Naw maꞈ jawˇ gaˇ neh mˬ-ahˇ bi ciˬ kʼoꞈ daˆ leꞈ-euˬ Yeˬsuˇ heu gʼaˬ-aˬ, naw maꞈ-euˬ mehˬ shi kʼaˇ gʼoꞈ daˆ leˇ-euˬ loꞈ-ehˇ tiˬ poˆ paˇ gʼoꞈ ka le meh.”

Gʼaˬkʼehˇ 1:11 Referans Kwoze

Panmaeq 1:7

Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.

1 Teˇsaˬloˇni 4:16

Aqjeq mirnae aernar-aq, Sanqpaq Yeqsur, mq-euq khoertav nae zafkale ngae, dawq bif-eu tersar gurdov lef-awr, mqtav ghaqkhaer yawhuiq ghaq-euq tersar hawr-eu Miqyaer-euq darhae tersar manrdovlef taef-a. Khoerngae, Kali-euq lafkhoer shir-euq deuq jeqhu ghofdaeflar taef-a.

Maˬkuˆ 13:26

Khoerngae, aqyawfmaf, Tsawrhaq-euq Zaqyo zawr huiq-eu baoq hawr-eu yawshaef khanqsaer-euq lafkhoer, mqdmr-anr dziq-awr zafka le-eu gar ya’mawr taef-a. (Dyl 7:13)

Yoˇhaˬ 14:3

Ngar ghofler-awr, nawmaf-euq gharduq jawrzar lavsav ghaq-euq nar-aq, ngar tiq pov paroe-awr, nawmaf-anr sheuqlaqle ma. Aqjeq mirnae aernar-aq, ngar aqgar jawr nar-aq, nawmaf khawf khoergar yajawr taef-a.

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.

Maꞈtehˬ 24:30

Khoerngae, Tsawrhaq-euq Zaqyo-euq bisiq bimawr-eu jeq mq-anr ya’mawr taef-a. Mirtsaq-euq khoertav-euq tsawrjeuq tsawrca dawqtawvluf tsawrngoerngoer taef-a. Tsawrhaq-euq Zaqyo, baoq hawr-eu huiq duidui-eu yawshaef khanqsaer-euq lafkhoer, mq-euq khoertav-euq mqdmr-anr dziq-awr nae zafka le-eu gar aqyawfmaf ya’mawr taef-a.

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

1 Teˇsaˬloˇni 1:10

Khoermirnae, shir-euq khawf Miqyaer nae bi ghofdaef lar-euq aqyawf-euq Zaqyo, mq-anr nae zafka le-eu gar nawmaf dawqluf-eu mae. Zaqyo khoerghaq-aq, aqkar keuvle-eu Miqyaer-euq nuima paer-eu jeq-anr nae aqdui-anr bibuq-ir naeqlaf-euq Yeqsur mae.

Luˇkaꞈ 21:27

Khoerngae, aqyawfmaf, Tsawrhaq-euq Zaqyo baoq hawr-eu zawr huiq-eu yawshaef khanqsaer-euq lafkhoer, mqdmr-anr dziq-awr zafka le-eu gar ya’mawr taef-a. (Dyl 7:13)

Gʼaˬkʼehˇ 13:31

Gaqliqlaer mirkhanq-anr nae Yeqlursaqlaeq-anr keuvni, aqyawf naeq-aer le-euq deuq-anr, aqyawf-euq mawrdo ghawqmya nan bimawr-euq mae. Tsawrhaq khoerdeuq-aq, nymq-mr aqcawq-euq maeqshi aqyawf-euq sarkir kamq-eu tsawrhaq pyeuf-eu mae.

Luˇkaꞈ 24:5

Zaqmiq aqbur khoerdeuq guv-ir-awr, mirtsa awbyav taq-euq mae. Tsawrhaq khoer nyiq ghaq, aqyawf maf-anr heulof-aer aernaeq-euq mae, “Aqjeq mirnae daefluf-eu tsawrhaq-anr shir-euq tsawrhaq taqduq-anr povle-euq le?

Gʼaˬkʼehˇ 3:12

Beqtuvluv khoer-anr ya’mawr ngae, tsawrhaq khoerdeuq-anr heulof-aer aernaeq-euq mae: “Irsaqleqlav tsawrhaq deuq-or! Nawmaf aqjeq mirnae garkawv heu-anr zanqler-eu nya? Nga’maf-anr aqjeq mirnae hawtsov taq-euq le? Nga’nyaf-euq baoq hawr-eu nga’nyaf, Miqyaer-anr yawzeu baw-eu baqda’nae heughaq-anr garma bi cannya lar-euq nga laer nawmaf noeq-eu le lor?

Gʼaˬkʼehˇ 2:7

Aqyawfmaf noeq maqdov-aer zanq duidui ler-eu lafkhoer tiqghaq tirghaq heulof-aer aer-eu mae: “Hawsher-eq, dawq ngaeqluf-eu teudeuq dawqtawvluf Gaqliqlaer-euq tsawrhaq maqngeur-a lor?

Maˬkuˆ 14:70

Aerkhawf, Beqtuvluv maqngeur laer tiq pov parpyaer-euq mae. Tiqkhaeq parkar-ir-euq nar-aq, khoergar yawfluf-eu deuq, Beqtuvluv-anr aernaeq-eu, “Nawr-aq, aqdir aqmar aqyawf maf-euq armur-euq lafkhoer keuq-eu tiq ghaq ngar-a! Aqjeq mirnae aernar-aq, nawr khawf Gaqliqlaer tsawrhaq nga laer dawq ngaeq-eu gar nae siqlar-eu beu.”

Maꞈtehˬ 16:28

“Ngar, nawmaf-anr aqdirma-aer aernaeq nyar, heugar yawfluf-eu tiqpavnav deuq-aq, maqshir-euq minav-aer, Tsawrhaq-euq Zaqyo, aqyawf-euq tsawrhaq-anr uvlanr le-eu gar ya’mawr taef-a.”

Maˬkuˆ 16:19

Sanqpaq Yeqsur, aqyawf maf-anr dawq khoerlof-aer ngaeqnaeq ghaq-euq nar-aq, mq-euq khoertav bi sheuqkhofdav lef-awr, Miqyaer-euq armar paw nuir-euq mae.

Gʼaˬkʼehˇ 1:2

Yeqsur, Yawshawr Saflar-anr ghoe-awr, aqyawf nae tserdov taq-euq ghaqkhaer deuq-anr dawq bifyaf-awr, mqtav bi sheuqdav lef-euq gar keuvni boftaq-euq ma.

Gʼaˬkʼehˇ 1:9

Dawq khoerdeuq aerghaq-awr, aqyawfmaf hawluf ngae, aqyawf-anr bi sheuqdav lef-euq mae. Mqdmr tiq tsanq nae aqyawf-anr uvkaq le-awr, aqyawf-anr maqpar mawrnya-aq.

Gʼaˬkʼehˇ 1:22

Yorhaq bartirsaq mrnaeq-eu aryamq-anr nae bae-awr, Yeqsur, aqdui jawr-eu gar nae bi sheuqdav lef-euq arnan aryamq-anr keuvni, aqdui naeq-aer keuq-eu tiq ghaq, Yeqsur ghofdaef lar-euq garkawv, aqduimaf naeq-aer sarkir kamq-eu tsawrhaq ya pyeuflar-eu mae.”

Gʼaˬkʼehˇ 3:21

Miqyaer-aq, mqmir bae ngae nae, shawr-eu aqyawf-euq gharduq ngaeqdan-eu deuq-euq khaqmae-anr ghoe-awr aertaq-euq lof-aer, yawqjeq navluf lavmuiqkhof jir ngae keuvni, mqtav mirkhanq, aqyawf-anr yabi jawrtawq taef-a.

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.