Eˇpeˇsu 4:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Tsaqler dzoerler-eu jeq-euq lafkhoer tiqghaq tirghaq bi ganrdzanq-awr, muiq-eu Saflar-euq lafkhoer nuima tiqsiq taef-aer taq-eu jeq maqbi byov-ir ni laejae-awq.

Akha

³ Naw maꞈ-ahˇ tsaˬ leˇ dzoeˇ leˇ-eu jeˬ neh gahˇ dzahˬ-eu laꞈ kʼoeˇ, Yaw sahˇ Miˬyehˇ neh biꞈ-euˬ nui ma tiˬ siˬ tehꞈ-ehˇ taˬ-eu jeˬ-ahˇ kʼaˇ gʼeh nya-eu loꞈ-ehˇ jeˬ hmˬ geuꞈ-awˬ.

Eˇpeˇsu 4:3 Referans Kwoze

1 Gawˇliˬtu 1:10

Aqyuif aqnyir deuq-or! Ngar, aqdui-euq Sanqpaq Yeqsur Kali-euq tsawrmyanr-euq uqmov nawmaf-anr heulof-aer shar-eu ma. Nawmaf dawqtawvluf tsaqler dzoerler-eu dawq ngaeq-awr, nawmaf-euq yawkaq armaf taq birpav. Nawmaf yawmuiq-aer gawfler gmler nya’ni, nuima tiqsiq taef-aer taq-awr nuinoeq tiqgar taef-aer tsaq-awq.

HeˬByehˇ 12:14

Tsawrhaq yawqghaq navluf naeq-aer tsaqler dzoerlerni laejae-awr, shawrlarni khawf laejae-awq. Aqjeq mirnae aernar-aq, maqshawr nar-aq, tsawrhaq tiqghaq-iq Sanqpaq Miqyaer-anr maq mawrnya-a.

Yoˇhaˬ 13:34

Nawmaf tiqghaq tirghaq gaq-awq laer ngar, nawmaf-anr dawq yawshuif tiq dawq bif-eu ma. Ngar, nawmaf-anr gaq-euq lof-aer, nawmaf khawf tiqghaq tirghaq gaq-awq.

2 Gawˇliˬtu 13:11

Aqyuif aqnyir deuq-or! Ghawqdawq ngaeq-awr arsaqsaq ma. Nawmaf byanlar-awr, nuima sarlar-awr, nuinoeq tiqjeq taef-aer taq-eu uqtaf, tiqghaq tirghaq tsaqler dzoerler-awq. Khoerlof-aer janr nar-aq, gaq-eu jeq bif-awr nuisar bif-eu Miqyaer, nawmaf naeq-aer jawr taef-a.

1 Teˇsaˬloˇni 5:13

Aqyawfmaf khoerlof-aer mr-eu mirnae, gaq-eu lafkhoer, aqyawf maf-anr taqhuiq taqmanr naeq-awq. Nawmaf-euq yawkaq khawf tsaqler dzoerler-awq.

Eˇpeˇsu 4:4

Miqyaer, nawmaf-anr kur ngae, noeqtmq-eu jeq tiqjeq taef-aer jav-eu lof-aer, mawrdo tiq do taef-aer baw-eu uqtaf, muiq-eu Saflar tiq ghaq jawr-eu taef mae.

Eˇpeˇsu 4:13

Aqdui dawqtawvluf, Miqyaer-euq Zaqyo-anr siqnya-eu tsawrganr hawr-eu jan-eu jeq-euq lafkhoer nuima tiqsiq taef-aer taqnya lar-awr, aerkhar maqza-eu tsawrhaq pyeuflar-eu uqtaf, Kali byan-eu lof-aer byanlar ngae keuvni mr-eu gharduq mae.

Maˬkuˆ 3:24

Mirkhanq tiq khanq-euq lafkhoer, birpav-awr muir-eu jeq jav nar-aq, mirkhanq khoerkhanq maqzif nya-ar.