2 Yoˇhaˬ 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar-aq, aqyuif aqtsu ma. Miqyaer nae tserdov taq-euq zaqmiq tiq ghaq-anr hawr-eu aqyawf-euq zaqdeuq-anr sanqbof bofanr lef-euq ma. Yawtsaq yawdawr-euq lafkhoer, ngar, nawmaf-anr gaq-eu ma. Ngar taef-aer gaq-eu maqngeur-eu, yawtsaq yawdawr jeq-anr siqnya-eu tsawrhaq dawqtawvluf khawf gaq-eu mae.

Akha

¹ Tsawˇ mawˬ tsawˇ kʼaˆ pyeuꞈ-eu ngaˇ, Ngaˇ maˇ maˇ ni gaˬ dui dui-eu Miˬyehˇ neh tseˇ doˆ-euˬ zaˬ miˬ zaˬ hawˇ-eu aˬ yawꞈ-euˬ zaˬ deuˬ jawˇ gaˇ sahˬ boꞈ heu taꞈ boꞈ ahˇ laꞈ-eu ma. Ngaˇ tehꞈ-ehˇ maˬ ngeuˇ ni, yaw tsaˬ yaw dawˇ jeˬ-ahˇ kʼaˇ siˬ nya-eu tsawˇ haˬ dawˬ tawˆ luꞈ naw maꞈ-ahˇ gaˬ-eu meh.

2 Yoˇhaˬ 1:1 Referans Kwoze

1 Yoˇhaˬ 3:18

Ngar gaq-eu zaqdeuq-or! Aqdui tiqghaq tirghaq gaq-eu jeq, dawq hawr-eu maeqlar nae taef-aer taqgaq. Aerkhawf, yawtsaq yawdawr-euq lafkhoer gaq-awr mrdov shardov laf-awq.

1 Tiˆmoˇseˬ 2:4

Tsawrhaq yawqghaq navluf kakhof-eu jeq za-awr, yawtsaq yawdawr jeq-anr siqnya lar-eu gar Miqyaer geufmawf-eu mae.

Yoˇhaˬ 8:32

Nawmaf, yawtsaq yawdawr-anr siqnya ngae, yawtsaq yawdawr, nawmaf-anr puirpyaeq naeqlaf taef-a.”

2 Yoˇhaˬ 1:5

Zaqmiq-or! Aqdui tiqghaq tirghaq gaq kar-eur laer nymq-mr ngar, nawq-anr shar-eu ma. Biftaq yaf-euq dawq yawshuif ngar, nawq-anr bofanr lef-eu maqngeur. Yawbae ngae nae aqdui zataq-euq dawq khoerdawq, ngar, nawq-anr bofanr lef-eu ma.

1 Beˬtuˆluˆ 5:1

Ngar-aq, aqyuif aqtsu pyeuf-awr, Kali nae yadaq-euq shaqzanq-anr sarkir kamq-eu ghaq hawr-eu, aqkar panmaeq naeqlaf-eu yawshaef khanqsaer-anr aqyawf naeq-aer tiqkawv lof-aer za-eu ghaq khawf ngeur ma. Ngar, nawmaf-euq ghanrcae jawr-eu aqyuif aqtsu deuq-anr heulof-aer ghaq bif-eu ma.

2 Yoˇhaˬ 1:13

Nawq-euq dmrma, Miqyaer nae tserdov taq-euq khoerghaq-euq zaqdeuq, nawq-anr dawqcawq puqanr lef-euq mae.

1 Yoˇhaˬ 2:21

Nawmaf yawtsaq yawdawr-anr maq siqnya-eu mirnae, ngar, nawmaf-anr sanqbof bofanr lef-euq maqngeur. Aerkhawf, nawmaf yawtsaq yawdawr-anr siqnya-eu uqtaf, jaqmyawf kharmyawf-eu yawqjeq navluf tsaq-awr dawr-eu jeq-anr nae dovle-euq maqngeur-a laer nawmaf siqnya-eu mirnae bofanr lef-euq ma.

1 Beˬtuˆluˆ 1:2

Nawmaf-aq, Yeqsur Kali-euq dawq narhaq geuf-awr, aqyawf-euq shiq nae bi byavshaeq-eu gharduq, arhuba nae, Aqda Miqyaer siqnya-eu lafkhoer tserdov taq-awr, muiq-eu Saflar nae lavshawr naeq-euq tsawrhaq deuq mae. Nawmaf-euq khoertav guiqlanq yawdzanr hawr-eu nuisar of-eu jeq myaqlar luf-ur.

HeˬByehˇ 10:26

Aqdui yawtsaq yawdawr-anr siqnya-eu tsawrganr za-euq khawf, dirdaq-aer iqbax parmr nar-aq, iqbax-euq gharduq lawr-eu jeq maqpar jav mae.

Gaˬlaˬtiˆ 5:7

Dzeurlaf ngae, nawmaf yawmuiq-aer caev-euq mae. Yawtsaq yawdawr jeq-anr maqbi narhaq geufni, nawmaf-anr aqsur ghaq lavtsoeq lar-euq la?

Gaˬlaˬtiˆ 3:1

Gaqlaqtiv-anr jawr-eu aqdzawq argan deuq-or! Yeqsur Kali, lafyaq-euq khoertav bi tafsaef-euq khoer nawmaf-euq myavkhae byacaevni jav-eu khawf, nawmaf yawtsaq yawdawr-anr maq narhaqgeuf paq-aer, aqsur ghaq nae bi shuirtawv-euq le?

Gaˬlaˬtiˆ 2:14

Ngar, aqyawfmaf, guiqlanq dawq-euq yawtsaq yawdawr-euq maeqnan dawrcoeni maq cantae-eu gar ya’mawr ngae, aqyawfmaf dawqtawv luf-euq maeqshi Beqtuvluv-anr heulof-aer aernaeq-euq ma, “Nawr, Yurdav tsawrhaq pyeuf-eu khawf, Yurdav tsawrhaq lof-aer maqdaef-aer, aqcawq tsawrjeuq tsawrca lof-aer daef-eu gar nae, aqjeq mirnae, aqcawq tsawrjeuq tsawrca, Yurdav tsawrhaq lof-aer yadaef-eu mae laer katir-eu le?”

Gaˬlaˬtiˆ 2:5

Guiqlanq dawq-euq yawtsaq yawdawr jeq nawmaf-euq lafkhoer zifnya’ni, nga’maf, aqyawf maf-euq dawq-anr tiqpawf-iq maq narhaq-aq.

Gawˇlawˇsehˇ 1:5

Khoeruqtaf, nawmaf-euq gharduq mq-euq khoertav jeqhmq taq-euq noeqtmq-eu jeq-euq baqda’nae khawf, Miqyaer-anr jaceuq luf-eu ma. Noeqtmq-eu jeq khoer-aq, dzeurlaf ngae, nawmaf nae yagaq-euq dawq yawtsaq yawdawr-euq guiqlanqdawq khoer mae.

Luˇkaꞈ 1:3

Ngar khawf garkawv heudeuq dawqtawv luf-anr ardanq bae-eu gar nae yawmuiq paq-aer povtser duq-awr, maeqhu maeqnan tsaqni nawq-anr bofanr lef-eu tsaq taef-a laer, noeq-awr bofghae lef-euq ma.

Gʼaˬkʼehˇ 11:30

Aqyawfmaf nae noeqtsaev taq-euq lof-aer mr-awr, Baqnaqbar hawr-eu Sawrluv-euq aqlaf-anr ghoe-awr nae Kalizaq armur-euq aqyuif aqtsu deuq jawr-eu gar bi shaha ler-euq mae.

Lormav 16:13

Sanqpaq Miqyaer-euq lafkhoer tserdov taq-euq Lurpur hawr-eu ngaq-euq aqma lof-aer sawxtaq-euq aqyawf-euq aqma-anr khawf dawqcawq puq-eu ma.

1 Beˬtuˆluˆ 5:13

Nawmaf naeq-aer tiqkawv lof-aer tserdov taq-euq, Baqburloq-anr jawr-eu Kalizaq armur hawr-eu ngaqli Maqkuv khawf, nawmaf-anr dawqcawq puqanr lef-euq mae.

3 Yoˇhaˬ 1:1

Ngar-aq, aqyuif aqtsu ma. Aqdui zawr gaq-awr yawtsaq yawdawr-euq lafkhoer ngar zawr gaq-eu Gaqyur-anr sanqbof bofanr lef-eu ma.