2 Gawˇliˬtu 1:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Kali-euq lafkhoer nga’maf hawr-eu nawmaf-anr bizif naeqlaf-awr, tsaqtsov naeqlaf-euq ghaq-aq Miqyaer mae.

Akha

²¹ Nga maꞈ hawˇ-eu naw maꞈ-ahˇ Ka li laꞈ kʼoeˇ ziꞈ dah ni dehꞈ nya ni jahˇ nehˬ laꞈ-euˬ gʼaˬ-aˬ, Miˬyehˇ meh. Aˬ dui-ahˇ tseˇ doˆ-awˇ kʼehˇ gʼeh-euˬ gʼaˬ kʼawꞈ, Miˬyehˇ aˬ yawꞈ meh.

2 Gawˇliˬtu 1:21 Referans Kwoze

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.

1 Yoˇhaˬ 2:20

Yawshawr ghaq, nawmaf-anr tsaqtsov-euq mirnae, nawmaf yawqjeq navluf-anr siqnya mae.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

Lormav 8:9

Miqyaer-euq Saflar, nawmaf-euq lafkhoer aqdir jawr nar-aq, nawmaf shiqshaq-euq lafkhoer maqpar jawr-aer, muiq-eu Saflar-euq lafkhoer jawr-eu mae. Tsawrhaq tiq ghaq-euq lafkhoer Kali-euq Saflar maqjawr nar-aq, khoerghaq Kali-anr maqtaf-a.

2 Teˇsaˬloˇni 3:3

Aerkhawf, Sanqpaq Miqyaer-aq, sarjax zif-eu mae. Aqyawf, nawmaf-anr bi ziflar-awr, yawdoer ghaq-anr nae yabuq-ir ni, aqyawf, nawmaf-anr hawpir naeqlaf taef-a.

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

2 Teˇsaˬloˇni 2:8

Lavtsoeq-eu ghaq dov-ir ghaq-euq nar-aq, Zanrdawq-anr leur-eu ghaq dovlar taef-a. Aerkhawf, Sanqpaq Yeqsur zafkale ngae, aqyawf-anr lavcawv-awr, Yeqsur-euq khaqmae-anr nae dovle-euq saf nae aqyawf-anr puivbyovjir taef-a.

2 Gawˇliˬtu 5:5

Khoerlof-aer pyeuflarni laeqhmq naeqlaf-euq ghaq-aq Miqyaer mae. Khoeruqtaf, kamq-eu tiqjeq lof-aer, aqyawf, aqdui-anr muiq-eu Saflar bifnaeq laf-euq mae.

Yoˇhaˬ 3:34

Miqyaer nae khaerghae lef-euq ghaq-aq, Miqyaer-euq dawq ngaeq-eu mae. Aqjeq mirnae aernar-aq, Miqyaer, aqyawf-anr Yawshawr Saflar maqpaeq maq savjir coer-eu gar keuvni bif-eu mae.

Jaceuq 89:4

‘Ngar, nawq-euq aryoeq, li-eu maqbawni lavzif-awr; Nawq-euq nuirmanq, yawqzir navluf-euq gharduq janrtaq ma.’ ” Sela.

Jaceuq 45:7

Nawr tsaq-awr dawr-eu jeq-anr gaq-awr yawcawv jeq-anr byae-eu mirnae; Nawq-euq Miqyaer pyeuf-eu Miqyaer, nawq-euq cawqdeuq-anr navmaqtser, Nawq-anr laqkhaq caer-eu tsir shaevdav naeq-euq mae.

Panmaeq 3:18

Ngar, nawq-anr maeqbawq bifnaeq nyar. Nawr smrmuiq muiqlarni, ngar jawr-eu gar miqdzaq nae kharshawr taq-euq shuir zeurlar-awq. Nawr nermyawvni shafdawrlar paq-aer jawr-eu gar aqcawq maqya hawmawrni, maeqtsoeq yawpyur zeurdm lar-awq. Khoeruqtaf, nawq-euq myavnuiv mawrnya larni, myavnuiv-anr laef-eu javghaq zeurlar-awq.

Panmaeq 1:6

Khoeruqtaf, aqyawf, aqdui-anr aqyawf-euq Aqda Miqyaer-euq pirma hawr-eu sanqpaq bi pyeuflarni janrnaeq laf-euq mae. Yawshaef khanqsaer hawr-eu uvlanr-eu baoq, li-eu maqbawni aqyawf-anr of luf-ur. Aqmeq.

2 Teˇsaˬloˇni 2:17

nawmaf-anr nuima sar-eu jeq biza-eu uqtaf, yawmuiq jeq dawqtawvluf ngaeqnya tmrnya, mrnya sharnya’ni, nawmaf-anr bi ziflar luf-ur.

1 Teˇsaˬloˇni 3:13

Khoernar-aq, aqdui-euq Sanqpaq Yeqsur Kali, aqyawf-euq tsawrshawr dawqtawvluf naeq-aer zafkale ngae, aqdui-euq Aqda Miqyaer-euq maeqshi nuima shawrjaevni, aerkhar maqza-aer, aqyawf, nawmaf-euq nuima-anr bi ziflaf taef-a.

Gawˇlawˇsehˇ 2:7

Nawmaf, aqyawf-euq lafkhoer duqcir ka’naf ghae-awr, tsovgordav lef-awq. Guiqlanq-anr jaceuq-eu jeq byankhar luf-eu lafkhoer, nawmaf nae yadzaw-euq lof-aer, jan-eu jeq-euq lafkhoer zifdanni jawr-awq.

Lormav 16:25

Mirtsaq bae ngae nae maqbi siq-aer zaftaq-euq jeq-euq garkawv panmaeq naeqlaf-euq mirnae, ngar maeq-eu guiqlanqdawq hawr-eu Yeqsur Kali-euq garkawv dawqmaeq maeq-eu baqda’nae, nawmaf-anr bi ziflar nya-eu ghaq-anr jaceuq ma.

Jaceuq 87:5

Ziroq meuq-anr tafler-awr heulof-aer aer taef-a. “Heughaq khawf, khoerghaq khawf, Ziroq-euq lafkhoer daefle-euq mae.” Gor duidui-eu ghaq, aqyawfghaq meuq heumeuq-anr lavzif taef-a.

1 Gawˇliˬtu 1:8

Aqdui-euq Sanqpaq Yeqsur Kali-euq arnan ngae nan, nawmaf-anr aerkhar maqbi za’ni, arsaqsaq ngae keuvni aqyawf, nawmaf-anr bizif naeqlaf taef-a.

HeˬByehˇ 13:9

Nawmaf, beugar-eu dawqmaeq dawqtsov kharngeur-eu jeq-anr taq cantae-ir. Aqjeq mirnae aernar-aq, dzaqdzaq dawrdawr-euq baqda’nae maqngeur-eu, guiqlanq yawdzanr-euq lafkhoer nuima bi zifdzaeq lar-eu-aq, muiqdzaeq-eu mae. Dzaqdzaq dawrdawr-aq, dzaqdzaq dawrdawr nae bi uvlanr taq-eu tsawrhaq khoerghaq-anr tiqjeq-iq gardanr maqtsoeq-a.