2 Gawˇliˬtu 1:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqjeq mirnae aernar-aq, ngar, Siqlav hawr-eu Tivmorseq, nga’maf nae nawmaf-anr dawqmaeq maeqnaeq-euq, Miqyaer-euq Zaqyo Yeqsur Kali-euq garkawv-aq, ngeur-eu jeq khawf, maqngeur-eu jeq khawf, keuqkeuq soso-aer ghae-eu maqngeur-aer, aqyawf-euq lafkhoer-aq ngeur-eu jeq taef mae.

Akha

¹⁹ Siˬlaˆ hawˇ-eu Tiˆmoˇseˬ ngaˬ ha smˇ gʼaˬ naw maꞈ-ahˇ mehˬ luꞈ-eu Miˬyehˇ-euˬ Zaˬmaˇ Yeˬsuˇ Ka liˬ-aˬ, “Ngeuˇ-eu” hawˇ-eu “Maˬ ngeuˇ-eu” nui ma nyiˬ jeˬ pi luꞈ-eu maˬ ngeuˇ-a. Aˬ yawꞈ laꞈ kʼoeˇ aˬ myah luꞈ “Ngeuˇ-eu” jeˬ tehꞈ-ehˇ ahˇ-eu meh.

2 Gawˇliˬtu 1:19 Referans Kwoze

HeˬByehˇ 13:8

Yeqsur Kali-aq, mirnan, iqnan hawr-eu mqmaq maqbyav yarzir tiqkawv mae.

Panmaeq 1:17

Ngar, aqyawf-anr ya’mawr ngae, shir-euq tsawrhaq lof-aer aqyawf-euq aqkuir-euq dawqpae coqdzae ghae-euq mir-a. Khoerngae, aqyawf-euq armar laf ngaq-euq khoertav bafdav-awr heulof-aer aer-eu mae, “Taqguv. Ngar-aq, Ardanq bae-eu hawr-eu Arsaq saq-eu ghaq ma.

2 Yoˇhaˬ 1:9

Kali-euq dawqmaeq dawqtsov-euq lafkhoer maqdaefni, daefbanq daeflaeq-eu aqsur ghaq maqkaq, aqyawf-euq lafkhoer Miqyaer maqjawr-a. Kali-euq dawqmaeq dawqtsov-euq lafkhoer daef-eu aqsur ghaq maqkaq, Aqda Miqyaer hawr-eu Zaqyo-anr taf-eu mae.

Panmaeq 2:18

“Tiqyaqdiqlar Kalizaq armur-euq mqtav ghaqkhaer-anr heulof-aer bofnaeq-awq: ‘Miqyaer-euq Zaqyo-euq myavnuiv-aq, miqdzaq miqlmr lof-aer dur-awr, aqkuir-aq, guirnyiqni guiqshuir lof-aer dur-eu mae. Aqyawf heulof-aer aer-eu mae:

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

Panmaeq 1:8

Sanqpaq Miqyaer aer-eu, “Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar-aq, arhu nae daef-eu, nymq-mr keuvni daefluf-awr aqkar zafka le-eu laer ghae-eu baoq huiq duidui-eu ghaq ma.”

Gʼaˬkʼehˇ 18:5

Siqlav hawr-eu Tivmorseq, Maqgeqdawrniv mirkhanq-anr nae oekeuv ngae, Pawrluv, muiq-eu Saflar katir-eu mirnae, Yeqsur-aq, Kali mae laer Yurdav tsawrhaq deuq-anr sarkir kamqnaeq luf-eu mae.

Panmaeq 1:11

Tersar khoer aer-eu, “Ngar-aq, Ardanq bae-eu hawr-eu Arsaq saq-eu ghaq, Aqlaqpar hawr-eu Ormeqgar ma. Nawr kharya mawr-eu jeq sanqbof-euq lafkhoer boftaq-awr, Aqsir mircoer-anr jawr-eu Erpersu, Saqmeuqnav, Beqgaqmor, Tiqyaqdiqlar, Saqdir, Pirlaqdeqpir hawr-eu Lawqdiqciv Kalizaq armur heu shif mur-anr sha’naeq-awq.”

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

2 Beˬtuˆluˆ 1:17

Byan duidui-eu yawshaef khanqsaer-euq lafkhoer nae, ngaeqdov lef-euq tersar aer-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.” Khoerngae, aqyawf, Aqda Miqyaer-euq taqhuiq taqmanr-eu jeq hawr-eu yawshaef khanqsaer-anr za-euq mae.

HeˬByehˇ 1:11

Khoerdeuq dawqtawvluf cawv-ir jir khawf, Nawr-aq, zif taef-a. Khoerdeuq dawqtawvluf maeqtsoeq lof-aer caer-ir taef-a.

Gʼaˬkʼehˇ 15:22

Khoermirnae, aqyawf maf-euq lafkhoer nae tsawrhaq tserdov-awr, Pawrluv hawr-eu Baqnaqbar naeq-aer Aqdirawq-anr bi’ir ma laer ghaqkhaer deuq, aqyuif aqtsu deuq hawr-eu Kalizaq armur murlan-aer nuikhanr shir-eu mae. Aqyuif aqnyir deuq-euq ghanrcae sheuqghae luf-eu Baqsaqbav laer kur-eu Yurdav hawr-eu Siqlav-anr tserdov-awr bi’ir-euq mae.

Gʼaˬkʼehˇ 9:20

Sawrluv tiqpov taef-aer zanrdawq khawqnymr-euq lafkhoer, Kali-aq, Miqyaer-euq Zaqyo mae laer maeqnaeq-euq mae.

Gʼaˬkʼehˇ 8:36

Aqyawfnyaf garma kanrli-aer irghae-awr, ircuf danq-eu tiq tsanr-anr irkeuv ngae, aqyuif khoerghaq aer-eu, “Hawsher-eq. Heugar ircuf danq ngar-a. Ngar bartirsaq hageuf-eu gar lavtsoeq paq-aer tiqjeqnav jav-a laq?”

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Yoˇhaˬ 19:7

Yurdav tsawrhaq aerkhof naeq-eu, “Nga’maf zanrdawq jav-eu ma. Nga’maf-euq zanrdawq jav-eu lof-aer nar-aq, aqyawf shir-eu tsaq mae. Aqjeq mirnae aernar-aq, aqyawf-aq, Miqyaer-euq Zaqyo ma laer aer-eu mae.”

Yoˇhaˬ 8:58

Yeqsur, aqyawf maf-anr aernaeq-eu, “Ngar, nawmaf-anr aqdir aqmar aernaeq nyar, Aqbyaqhaq maq daefle-euq minav-aer ngar-aq, jawrluf-eu ma.”

Yoˇhaˬ 6:69

Khoeruqtaf, nawr-aq, daefluf-eu Miqyaer-euq Zaqyo Kali ngar-a laer, nga’maf siqnya lar-awr janlar-euq ma.”

Yoˇhaˬ 3:16

“Miqyaer, mirtsaqzaq-anr gaq duidui-eu mirnae, aqyawf-euq Zaqyo tiq ghaq taef khawf bifnaeq lef-euq mae. Zaqyo-anr kharjan-eu tsawrhaq maqya cawv-ir-eu uqtaf, mqmaq maqbyav yarzir yadaef-eu mae.

Yoˇhaˬ 1:49

Naqdaqneqlar aer-eu, “Laqbir-or! Nawr-aq, Miqyaer-euq Zaqyo ngar-a! Irsaqleqlav tsawrhaq-euq Sanqpaq khawf ngeur ngar-a!”

Yoˇhaˬ 1:34

Ngar khoer-anr ya’mawr-awr, tsawrhaq khoerghaq-aq, Miqyaer-euq Zaqyo mae laer ngar sarkir kamq-eu ma.”

Luˇkaꞈ 1:35

Mqtav ghaqkhaer heulof-aer aerkhof naeq-euq mae, “Yawshawr Saflar, nawq-euq khoertav zafka le-awr, Gor duidui-eu ghaq-euq baoq nawq-anr joeshmrle taef-a. Khoermirnae, daefle-eu Yawshawr ghaq-anr Miqyaer-euq Zaqyo laer kur taef-a.

Maˬkuˆ 1:1

Miqyaer-euq Zaqyo, Yeqsur Kali-euq guiqlanqdawq ardanq heulof-aer bae-euq mae.

Maꞈtehˬ 27:54

Khoerngae, yardzoeq guirhuq hawr-eu aqyawf naeq-aer Yeqsur-anr lofluf-eu guirzaq deuq, mirluv luv-eu gar hawr-eu khar pyeuflar-euq deuq-anr ya’mawr ngae, guv duidui-ir-awr aer-eu, “Tsawrhaq heughaq-aq, aqdirma-aer Miqyaer-euq Zaqyo ngar-a!”

Maꞈtehˬ 27:40

Aqyawfmaf aer-eu, “Uqduq tanqnymr nymrma pyavdzae-awr, smq nan-euq lafkhoer tsovparkhof ma laer aer-eu ghaq-or! Yawqhar yawqha bibuq-ir-awq lawr. Nawr, Miqyaer-euq Zaqyo ngeur nar-aq, lafyaq-anr nae zafkale sher-eq.”

Maꞈtehˬ 24:35

Mqmir byov-ir taef-a. Aerkhawf, ngaq-euq dawq tiqjawr-iq maqbyov-ir-ar.

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Maꞈtehˬ 3:17

Khoerngae, mq-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.”

Jaceuq 2:7

Ngar, Ya’we Miqyaer-euq zanrtaq khoftaq bisiq bigaq ma. Ya’we Miqyaer, ngaq-anr heulof-aer aernaeq laf-euq mae, “Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.

Yoˇhaˬ 20:28

Khoerngae, Tormav, aqyawf-anr aerkhof naeq-eu, “Ngaq-euq Sanqpaq, ngaq-euq Miqyaer-or!”

Maꞈtehˬ 4:3

Khoerngae, murjur jur-eu ghaq oe-awr aqyawf-anr aernaeq-eu, “Nawr, Miqyaer-euq Zaqyo ngeur nar-aq, khaqlo heudeuq-anr kaqmur pyeuflar-awq laer dawq bif-awq lawr.”

Gʼaˬkʼehˇ 16:1

Khoerngae, Pawrluv, Deqbeq hawr-eu Lurdaqlar-anr oekeuv-euq mae. Khoergar Tivmorseq laer kur-eu zaqlanr tiq ghaq jawr-eu mae. Aqyawf-aq, janlar-euq Yurdavma tiq ghaq-euq zaqyo mae. Aerkhawf, aqyawf-euq aqda-aq, Heqlaqsar tsawrhaq mae.

2 Gawˇliˬtu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.

1 Teˇsaˬloˇni 1:1

Pawrluv, Siqlav hawr-eu Tivmorseq nga’maf smr ghaq, Aqda Miqyaer hawr-eu Sanqpaq Yeqsur Kali-euq lafkhoer jawr-eu, Tersaqlorni Kalizaq armur-anr sanqbof bofanr laf-eu ma. Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu nuisar of-eu jeq nawmaf-euq khoertav jav luf-ur.

2 Teˇsaˬloˇni 1:1

Pawrluv, Siqlav hawr-eu Tivmorseq ngaqha smr ghaq, aqdui-euq Aqda Miqyaer hawr-eu Sanqpaq Yeqsur Kali-euq lafkhoer jawr-eu, Tersaqlorni Kalizaq armur-anr sanqbof bofanr laf-eu ma.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

1 Beˬtuˆluˆ 5:12

Ngar, maernmr laer sawxtaq-euq, sarjax zif-eu aqdui-euq maernmr Siqlaqnmr-anr ghoe-awr, nawmaf-aq, aqdir aqmar Miqyaer-euq guiqlanq yawdzanr-euq lafkhoer yawfluf-eu mae laer sarkir kamq-awr, ghaq bif-eu gharduq, sanqbof yawnymr nymr-aer bofanr lef-euq ma.