1 Yoˇhaˬ 5:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Miqyaer-anr gaq-eu laer aer-eu-aq, aqdui, Miqyaer nae biftaq-euq dawq-anr narhaq geuf-eu gar aer-eu mae. Aqyawf nae biftaq-euq dawq-aq, aqdui-euq gharduq kan-eu khavbaev maqngeur-a.

Akha

³ Aˬ dui Miˬyehˇ-ahˇ gaˬ-eu lehˇ ehˇ-eu kʼoeˇ-aˬ, aˬ yawꞈ-euˬ dawˬ-ahˇ naˇ haˬ geuꞈ gaˇ ehˇ-eu meh. Aˬ yawꞈ-euˬ dawˬ-aˬ, aˬ dui maˬ caw teh nya paˬ-ehˇ shaˬ-eu jeˬ maˬ ngeuˇ-a.

1 Yoˇhaˬ 5:3 Referans Kwoze

Yoˇhaˬ 14:15

“Nawmaf, ngaq-anr gaq nar-aq, ngaq nae bif-euq dawqdeuq-anr mrcaw taef-a.

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

2 Yoˇhaˬ 1:6

Gaq-eu laer aer-eu-aq, Miqyaer nae dawq biftaq-euq lof-aer daef-eu gar aer-eu mae. Tiqghaq tirghaq gaq-awq laer biftaq-euq dawq khoerdawq-anr yawbae ngae nae, nawmaf yagaq-euq mae. Nawmaf khoerlof-aer daef-eu tsaq mae.

1 Yoˇhaˬ 2:3

Aqdui, Miqyaer nae biftaq-euq dawq-anr narhaqgeuf nar-aq, aqdui, aqyawf-anr siqnya ngar-a laer siqlar-eu mae.

Lormav 7:22

Aqjeq mirnae aernar-aq, ngaq-euq lafkhoer paw-euq saflar taef lawnmr-aq, Miqyaer-euq zanr-anr laqkhaqcaer mir-a.

Yoˇhaˬ 15:14

Ngaq nae khar biftaq-euq dawqdeuq-anr nawmaf mrcaw nar-aq, nawmaf, ngaq-euq cawq pyeuf-eu mae.

HeˬByehˇ 8:10

Khoeryamq dzeur-euq nar-aq, Ngar, Irsaqleqlav-euq nymrkhanq-anr dawqma sarjax heulof-aer dzaq ma laer Sanqpaq Miqyaer aer-eu mae: Ngar, ngaq-euq zanrdawq aqyawf maf-euq nuinoeq-euq lafkhoer dawvanr naeq-awr, aqyawf maf-euq nuima-anr bofmyanqnaeq ma. Khoernar-aq, ngar, aqyawf maf-euq Miqyaer pyeuf-awr, Aqyawfmaf khawf ngaq-euq tsawrhaq pyeuflar taef-a.

Lormav 7:12

Khoermirnae, zanrdawq-aq yawshawr mae. Zanrdawq khofdawq-aq, shawr-awr, dawr-awr tsaq-eu uqtaf, yawmuiq mae.

Dawqdaq 3:17

Zaqsiq tsawrganr-euq garma-aq, ghawqshaq gaq-eu garma pyeuf-awr, Aqyawf-euq cankawv dawqtawvluf nuisar of-eu mae.

Jaceuq 119:140

Nawq-euq dawq-aq, shawr duidui-eu mae. Khoermirnae, nawq-euq kuirlaf zaqkhav, nawq-euq dawq-anr gaq-eu ma.

Jaceuq 119:45

Ngar, nawq-euq maeqdawq-anr povtser-eu mirnae, Buq-ir-euq tsawrhaq lof-aer yadaef ma.

Maꞈtehˬ 23:4

Aqyawfmaf maq bafcoer-eu khavbaev yawkan kafdzanq-awr, aqcawq-euq bafpu-anr bafdav naeq-eu mae. Aerkhawf, yawqha-aq, cawba-eu laer lafnoer tiq noer taef-aer khawf maq toeqciv-a.