1 Yoˇhaˬ 5:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yeqsur-aq, Kali mae laer kharjan-eu tsawrhaq, Miqyaer-anr nae daefle-euq mae. Miqyaer-anr khargaq-eu tsawrhaq-aq, Aqda Miqyaer-anr nae daefle-euq ghaq-anr khawf gaq taef-a.

Akha

¹ Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

1 Yoˇhaˬ 5:1 Referans Kwoze

1 Yoˇhaˬ 2:29

Kali-aq, tsaq-awr dawr-eu ghaq mae laer nawmaf siqnya nar-aq, tsaq-awr dawr-eu jeq kharmr-eu tsawrhaq yawqghaq navluf, aqyawf-anr nae daefle-euq mae laer nawmaf yasiq taef-a.

Yoˇhaˬ 8:42

Khoerngae, Yeqsur, aqyawf maf-anr heulof-aer aernaeq-eu mae: “Miqyaer, nawmaf-euq Aqda ngeur nar-aq, nawmaf, ngaq-anr gaq taef-a. Aqjeq mirnae aernar-aq, ngar, Miqyaer-anr nae dovle-awr, Miqyaer jawr-eu gar nae oe-euq ma. Ngar, yawqha yawqha oe-euq maqngeur, aqyawf nae ngaq-anr khaerghae lef-euq mae.

1 Yoˇhaˬ 4:7

Ngar zawr gaq-eu cawqdeuq-or! Aqdui tiqghaq tirghaq gaq kar-eur. Aqjeq mirnae aernar-aq, gaq-eu jeq-aq, Miqyaer-anr nae dovle-euq mae. Gaqnya-eu yawqghaq navluf, Miqyaer-anr nae daefle-awr, Miqyaer-anr siqnya-eu mae.

1 Yoˇhaˬ 3:14

Aqdui-aq, aqyuif aqnyir-anr gaq-eu mirnae, shir-eu jeq-anr nae dovlar-awr, daef-eu jeq-euq lafkhoer urler-euq ma laer siqnya ma. Yawqha-euq maernmr-anr maqgaq-eu tsawrhaq-aq, shir-eu jeq-euq lafkhoer jawrluf-a siq.

1 Yoˇhaˬ 5:4

Aqjeq mirnae aernar-aq, Miqyaer-anr nae daefle-euq yawqghaq navluf, mirtsaq-anr ghaqler-eu mae. Aqdui-euq jan-eu jeq-euq baqda’nae mirtsaq-anr ghaqler-eu ma.

1 Yoˇhaˬ 4:20

Aqsur ghaq maqkaq, “Ngar, Miqyaer-anr gaq ma” laer aer-eu khawf, yawqha-euq maernmr hawr-eu dmrma-anr byae nar-aq, aqyawf-aq, jaqmyawf myawf-eu tsawrhaq mae. Aqjeq mirnae aernar-aq, aqsur ghaq maqkaq mawrlar-eu maernmr-anr maqgaq nar-aq, maq mawrlar-eu Miqyaer-anr aqjox-aer gaqnya-eu?

1 Yoˇhaˬ 3:9

Miqyaer-anr nae daefle-euq aqsur ghaq maqkaq, iqbax maqmr-a. Aqjeq mirnae aernar-aq, Miqyaer-euq aryoeq aqyawf-euq lafkhoer anr-eu mae. Aqyawf, Miqyaer-anr nae daefle-euq mirnae, iqbax maqpar mr-ar.

Yoˇhaˬ 3:3

Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Maꞈtehˬ 16:16

Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”

1 Yoˇhaˬ 2:10

Yawqha-euq maernmr-anr gaq-eu tsawrhaq-aq, yawshaef-euq lafkhoer jawrluf-eu mirnae, aqyawf-euq baqda’nae aqcawq sanqtif tifkhar maqza-a.

Yoˇhaˬ 15:23

Ngaq-anr byae-eu tsawrhaq-aq, ngaqDa-anr khawf byae-eu mae.

1 Yoˇhaˬ 4:2

Miqyaer-euq Saflar ngeur nar-aq, nawmaf-anr heulof-aer siqlar taef-a: Yeqsur Kali-aq, shiqshaq pi-awr zafka le-euq mae laer kharaer-eu saflar-aq, Miqyaer-anr taf-eu mae.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.

Yaˬkoˆ 1:18

Khar baetaq-euq yawqjeq navluf-euq lafkhoer, aqdui-aq, awfbae baelar-euq arsiq lof-aer pyeufni, aqyawf nuima khartsaq-eu lof-aer yawtsaq yawdawr-euq dawq-anr ghoe-awr, aqdui-anr bi daefle-euq mae.

Yoˇhaˬ 6:69

Khoeruqtaf, nawr-aq, daefluf-eu Miqyaer-euq Zaqyo Kali ngar-a laer, nga’maf siqnya lar-awr janlar-euq ma.”

1 Yoˇhaˬ 3:17

Aqsur ghaq maqkaq, mirtsaq-euq myawqganq jav-awr, yawqha-euq maernmr mawf-eu jeq-anr maq hawdov nya-aer, ghawqshaq gaq-eu nuima piqtaeq nar-aq, Miqyaer-euq gaq-eu jeq aqyawf-euq lafkhoer aqjox-aer anrnya nmr-mq?

Gʼaˬkʼehˇ 8:36

Aqyawfnyaf garma kanrli-aer irghae-awr, ircuf danq-eu tiq tsanr-anr irkeuv ngae, aqyuif khoerghaq aer-eu, “Hawsher-eq. Heugar ircuf danq ngar-a. Ngar bartirsaq hageuf-eu gar lavtsoeq paq-aer tiqjeqnav jav-a laq?”

Yoˇhaˬ 1:3

Yawqjeq navluf, aqyawf-anr ghoe-awr baetaq-euq mae. Khar baetaq-euq yawqjeq navluf-euq lafkhoer, aqyawf-anr maqghoeni baetaq-euq tiqjeq-iq maqjav-a.

1 Yoˇhaˬ 5:5

Mirtsaq-anr ghaqler-eu aqsur ghaq la? Yeqsur-aq, Miqyaer-euq Zaqyo mae laer jan-eu tsawrhaq taef-aer ghaqler-eu mae.

1 Yoˇhaˬ 5:18

Miqyaer-euq zaq tiqghaq-iq iqbax mrmr-aer maqdaef-a laer aqdui siqnya ma. Miqyaer-anr nae daefle-euq tsawrhaq-aq, yawqhar yawqha yawmuiq-aer bosav-eu mirnae, yawcawv ghaq, aqyawf-anr maq toeqciv nya-a.

Luˇkaꞈ 7:5

“Aqjeq mirnae aernar-aq, aqyawf, aqdui-euq tsawrjeuq tsawrca-anr gaq-awr, aqdui-euq gharduq zanrdawq khawqnymr tsovnaeq laf-euq mae.”

Gʼaˬkʼehˇ 8:37

Khoerngae, Pirlirpuv aer-eu, “Nawq-euq nuima dawqtawvluf jan nar-aq, bartirsaq hageufnya taef-a.” Khoerngae, aqyuif khoerghaq aer-eu, “Yeqsur Kali-aq, Miqyaer-euq Zaqyo ngar-a laer ngar jan ma.”