1 Yoˇhaˬ 4:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Zaqyo-euq baqda’nae aqdui daefnya’ni, Miqyaer, aqyawf-euq Zaqyo tiq ghaq taef khawf mirtsaq-euq khoertav bi’oe-euq mae. Miqyaer, aqdui-anr gaq nga laer khoergar nae siqlar-eu mae.

Akha

⁹ Miˬyehˇ-aˬ, aˬ yawꞈ-euˬ Zaˬmaˇ tiˬ gʼaˬ tehꞈ-ehˇ jawˇ-eu kʼawꞈ, Zaˬmaˇ baˬ da neh aˬ dui dehꞈ-eu jeˬ za nya ni miˇ tsaˬ kʼoeˇ taˆ kʼehˇ gʼeh le-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui-ahˇ bi mawˇ laꞈ-euˬ meh.

1 Yoˇhaˬ 4:9 Referans Kwoze

Yoˇhaˬ 3:16

“Miqyaer, mirtsaqzaq-anr gaq duidui-eu mirnae, aqyawf-euq Zaqyo tiq ghaq taef khawf bifnaeq lef-euq mae. Zaqyo-anr kharjan-eu tsawrhaq maqya cawv-ir-eu uqtaf, mqmaq maqbyav yarzir yadaef-eu mae.

1 Yoˇhaˬ 5:11

Sarkir kamq-eu khoer-aq heulof-aer mae: Miqyaer, aqdui-anr mqmaq maqbyav yarzir daef-eu jeq bif-euq mae. Daef-eu jeq khoer-aq, aqyawf-euq Zaqyo-euq lafkhoer anr-eu mae.

Lormav 8:32

Miqyaer cirkhof maqkhof-aer aqyawf-euq Zaqyo khawfni, aqdui dawqtawv luf-euq gharduq bifnaeq lef-euq ngeur nar-aq, aqyawf-euq Zaqyo naeq-aer tiqkawv lof-aer aqyawf kharjav-eu yawqjeq navluf, aqdui-anr yawqngaef-aer bifnaeq lef-eu maqngeur-ar lor?

Yoˇhaˬ 6:57

Daefluf-eu Aqda Miqyaer, ngaq-anr khaerghae lef-awr, ngar khawf aqyawf-euq baqda’nae daefluf-eu ma. Khoerlof-aer durni, ngaq-euq shaqjir dzaq-eu tsawrhaq khawf, ngaq-euq baqda’nae yadaef taef-a.

1 Yoˇhaˬ 4:10

Gaq-eu jeq-aq heulof-aer mae: aqdui, Miqyaer-anr gaq-euq maqngeur-eu, Miqyaer, aqdui-anr gaq-awr, aqdui-euq iqbax tsiqshawr-eu gharduq bi lawrbyan-eu laer aqyawf-euq Zaqyo bi’oe-euq mae.

1 Yoˇhaˬ 3:16

Kali, aqdui-euq gharduq shirdan-euq mirnae, gaq-eu laer aqjox-aer ghae-eu gar aer-eu la laer aqdui siqnya ma. Aqdui khawf aqyuif aqnyir-euq gharduq shirdan-eu tsaq mae.

Yoˇhaˬ 10:10

Smrkhoeq-aq, khoeq-eu, saef-eu, lavcawv-eu laer taef-aer lar-eu mae. Ngar-aq, aqyawfmaf daef-eu jeq biza-eu uqtaf, aqyawfmaf daef-eu khoer tiqbyan tiqlof biza-eu gharduq oe-euq ma.

Yoˇhaˬ 6:51

Ngar-aq, mq-anr nae oe-euq daef-eu jeq bif-eu kaqmur ma. Kaqmur heu-anr khardzaq-eu tsawrhaq-aq, mqmaq maqbyav yarzir yadaef-eu mae. Mirtsaqzaq yadaefni ngar yabif-eu kaqmur-aq, ngaq-euq shiqshaq yabif-eu mae.”

Yoˇhaˬ 3:18

“Aqyawf-anr kharjan-eu tsawrhaq-aq, yarkhaq dar-eu gar maqya daq-a. Aerkhawf, maqjan-eu tsawrhaq-aq, yarkhaq dar-eu gar daqluf-eu mae. Aqjeq mirnae aernar-aq, aqyawf, Miqyaer-euq Zaqyo tiq ghaq taef-euq tsawrmyanr-anr maqjan-a.

HeˬByehˇ 1:5

Miqyaer, mqtav ghaqkhaer aqgeu ghaq-anr heulof-aer aernaeq haw-euq la? “Nawr-aq, ngaq-euq Zaqyo ma. Iqnan, ngar, nawq-euq Aqda pyeuflar-euq ma.” (Jc 2:7) Maqngeur nar-aq, “Ngar-aq, aqyawf-euq Aqda pyeuf-awr, aqyawf-aq, ngaq-euq zaq pyeuf taef-a.”

Yoˇhaˬ 8:42

Khoerngae, Yeqsur, aqyawf maf-anr heulof-aer aernaeq-eu mae: “Miqyaer, nawmaf-euq Aqda ngeur nar-aq, nawmaf, ngaq-anr gaq taef-a. Aqjeq mirnae aernar-aq, ngar, Miqyaer-anr nae dovle-awr, Miqyaer jawr-eu gar nae oe-euq ma. Ngar, yawqha yawqha oe-euq maqngeur, aqyawf nae ngaq-anr khaerghae lef-euq mae.

Luˇkaꞈ 4:18

“Sanqpaq Miqyaer-euq muiq-eu Saflar, ngaq-euq khoertav jawrluf-eu mae. Aqjeq mirnae aernar-aq, ngar, irshaqzaq-anr guiqlanqdawq bimaeq-eu gharduq, Aqyawf, ngaq-anr tsaqtsov naeqlaf-euq mae. Nuima nar-eu deuq-anr lavsavtaq naeq-awr, Bi paftawf taq-euq deuq-anr pyaeqnaeq-euq uqtaf, Myavbaef deuq-anr bi mawrnya lar-awr, Khaeq-awr khav-eu gar ya daqluf-eu deuq-anr pyaeqnaeq-eu hawr-eu,

Maˬkuˆ 12:6

Khoermirnae, yarsanr ghaq-aq, aqyawf zawr gaq-eu aqyawf-euq zaqyo tiq ghaq taef-aer dzerlar-euq mae, ‘Aqyawfmaf, ngaqli-anr yawzeubaw taef-a’ laer aer-awr, arsaq saqlar ngae, aqyawf-euq zaqyo-anr bile-euq mae.

1 Yoˇhaˬ 4:16

Miqyaer, aqdui-anr gaq mae laer aqdui siqnya-awr jan-eu ma. Miqyaer-aq, gaq-eu jeq pyeuf-eu mae. Gaq-eu lafkhoer jawr-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawrluf-eu mae.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 6:29

Yeqsur, aqyawf maf-anr aerkhof naeq-eu, “Nawmaf, Miqyaer nae khaerghae lef-euq ghaq-anr jan-eu-aq, Miqyaer-euq gar mr-eu jeq pyeuf-eu mae.”

Yoˇhaˬ 8:29

“Ngaq-anr khaerghae lef-euq ghaq, ngaq naeq-aer jawrluf-eu mae. Aqda Miqyaer, ngaq-anr byaerdzae-awr, ngar tiq ghaq taef-aer maqbi jawrnaeq laf-a. Aqjeq mirnae aernar-aq, ngar aqmyanluf aqyawf nuima tsaq-eu heudeuq mrluf-eu ma.”

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Jaceuq 2:7

Ngar, Ya’we Miqyaer-euq zanrtaq khoftaq bisiq bigaq ma. Ya’we Miqyaer, ngaq-anr heulof-aer aernaeq laf-euq mae, “Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.

Yoˇhaˬ 9:3

Yeqsur heulof-aer aerkhof naeq-euq mae, “Aqyawf maqngeur nar-aq, aqyawf-euq aqma aqda iqbax mr-euq mirnae maqngeur-a. Aerkhawf, Miqyaer gar mr-eu jeq, aqyawf-euq daefzir-anr nae bi mawrlar-eu laer khoerlof-aer bi daefle-euq nga.

1 Yoˇhaˬ 5:13

Ngar garkawv heudeuq, Miqyaer-euq Zaqyo tsawrmyanr-anr jan-eu nawmaf-anr sanqbof bofanr lef-eu-aq, nawmaf mqmaq maqbyav yarzir daef-eu jeq za-euq mae laer yasiq-awr, Miqyaer-euq Zaqyo-euq tsawrmyanr-anr bi jantsaf lef-eu gharduq ma.