1 Yoˇhaˬ 4:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Maq gaqnya-eu tsawrhaq-aq, Miqyaer-anr maq siqnya-a. Aqjeq mirnae aernar-aq, Miqyaer-aq, gaq-eu jeq pyeuf-eu mae.

Akha

⁸ Gʼoeˇ-eu gaˬ-eu jeˬ maˬ kʼaˇ ahˇ-eu tsawˇ haˬ-aˬ, Miˬyehˇ-ahˇ maˬ siˬ nya-a. Aˬ jeˬ miˇ neh ehˇ naˇ, Miˬyehˇ-aˬ gʼoeˇ-eu gaˬ-eu jeˬ pyeuꞈ-eu meh.

1 Yoˇhaˬ 4:8 Referans Kwoze

1 Yoˇhaˬ 4:16

Miqyaer, aqdui-anr gaq mae laer aqdui siqnya-awr jan-eu ma. Miqyaer-aq, gaq-eu jeq pyeuf-eu mae. Gaq-eu lafkhoer jawr-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawrluf-eu mae.

Jaceuq 86:15

Aerkhawf, Sanqpaq Miqyaer-or, Nawr-aq, ghoer-awr gaq-eu jeq hawr-eu guiqlanq yawdzanr byan-awr, Nuinoeq ghawqmanrni noeqnya-eu uqtaf; Yawtsaq yawdawr hawr-eu, Ghawqshaq gaq-eu jeq byan-eu Miqyaer mae.

1 Yoˇhaˬ 4:7

Ngar zawr gaq-eu cawqdeuq-or! Aqdui tiqghaq tirghaq gaq kar-eur. Aqjeq mirnae aernar-aq, gaq-eu jeq-aq, Miqyaer-anr nae dovle-euq mae. Gaqnya-eu yawqghaq navluf, Miqyaer-anr nae daefle-awr, Miqyaer-anr siqnya-eu mae.

2 Gawˇliˬtu 13:11

Aqyuif aqnyir deuq-or! Ghawqdawq ngaeq-awr arsaqsaq ma. Nawmaf byanlar-awr, nuima sarlar-awr, nuinoeq tiqjeq taef-aer taq-eu uqtaf, tiqghaq tirghaq tsaqler dzoerler-awq. Khoerlof-aer janr nar-aq, gaq-eu jeq bif-awr nuisar bif-eu Miqyaer, nawmaf naeq-aer jawr taef-a.

Jaceuq 86:5

Aqjeq mirnae aernar-aq, Sanqpaq Miqyaer-or, Nawr-aq, yawmuiq mae. Nawq-anr kur-eu tsawrhaq dawqtawv luf-anr, Ghawqshaq gaq-eu jeq byan-awr, aqmyanluf iqbax pyaeq-eu mae.

Eˇpeˇsu 2:4

Aerkhawf, ghawqshaq gaq-eu jeq sanr-eu Miqyaer-aq, aqyawf-euq huiq duidui-eu gaq-eu jeq nae aqdui-anr gaqnaeq laf-awr,

1 Yoˇhaˬ 1:5

Miqyaer-aq, yawshaef mae. Aqyawf-euq lafkhoer yawzanr tiqpawf-iq maqanr-a. Heu-aq, nga’maf, Sanqpaq Yeqsur maeq-eu gar yagaq-awr, nawmaf-anr ja’maeq-eu ma.

1 Yoˇhaˬ 3:6

Aqyawf-euq lafkhoer jawr-eu tsawrhaq aqsur ghaq maqkaq, iqbax maqpar mr-a. Iqbax kharmr-eu tsawrhaq aqsur ghaq maqkaq, aqyawf-anr maq mawrhaw-aer maq siqnya-euq tsawrhaq mae.

1 Yoˇhaˬ 2:9

Tsawrhaq tiqghaqnav, ngar yawshaef-euq lafkhoer jawrluf ma laer aer-eu khawf, aqyawf-euq maernmr-anr byae nar-aq, aqyawf-aq, nymq-mr keuvni yawzanr-euq lafkhoer jawrluf-a siq.

1 Yoˇhaˬ 2:4

“Ngar, aqyawf-anr siqnya ma” laer tiqghaqnav aer-eu khawf, aqyawf nae biftaq-euq dawq-anr maq narhaqgeuf nar-aq, aqyawf-aq, jaqmyawf myawf-eu tsawrhaq pyeuf-awr, aqyawf-euq lafkhoer yawtsaq yawdawr jeq maqanr-a.

HeˬByehˇ 12:29

Aqjeq mirnae aernar-aq, aqdui-euq Miqyaer-aq, puivdzaqjir nya-eu miqdzaq pyeuf-eu mae.

1 Yoˇhaˬ 3:10

Khoermirnae, Miqyaer-euq zaq hawr-eu naef sanqpaq-euq zaq beugar-eu byacaevni siqlar-eu mae. Tsaq-awr dawr-eu jeq maqmr-eu tsawrhaq hawr-eu yawqha-euq maernmr-anr maqgaq-eu aqsur ghaq maqkaq, Miqyaer-euq zaq maqngeur-a.