Biblia Todo Logo
Bib sou entènèt

- Piblisite -




1 Yoˇhaˬ 4:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

7 Ngar zawr gaq-eu cawqdeuq-or! Aqdui tiqghaq tirghaq gaq kar-eur. Aqjeq mirnae aernar-aq, gaq-eu jeq-aq, Miqyaer-anr nae dovle-euq mae. Gaqnya-eu yawqghaq navluf, Miqyaer-anr nae daefle-awr, Miqyaer-anr siqnya-eu mae.

Gade chapit la Kopi

Akha

7 Ngaˇ gaˬ dui dui-eu cawˬ deuˬ-oˇ, aˬ dui tiˬ gʼaˬ tiˇ gʼaˬ gaˬ kaˇ-euˇ. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, Miˬyehˇ jawˇ gaˇ neh doˆ le-euˬ meh. Gʼoeˇ-eu gaˬ-eu jeˬ kʼaˇ ahˇ-eu tsawˇ haˬ-aˬ, Miˬyehˇ-euˬ zaˬ pyeuꞈ-awˇ, Miˬyehˇ-ahˇ siˬ nya-eu meh.

Gade chapit la Kopi




1 Yoˇhaˬ 4:7
25 Referans Kwoze  

Aqsur ghaq maqkaq, “Ngar, Miqyaer-anr gaq ma” laer aer-eu khawf, yawqha-euq maernmr hawr-eu dmrma-anr byae nar-aq, aqyawf-aq, jaqmyawf myawf-eu tsawrhaq mae. Aqjeq mirnae aernar-aq, aqsur ghaq maqkaq mawrlar-eu maernmr-anr maqgaq nar-aq, maq mawrlar-eu Miqyaer-anr aqjox-aer gaqnya-eu?


Maq gaqnya-eu tsawrhaq-aq, Miqyaer-anr maq siqnya-a. Aqjeq mirnae aernar-aq, Miqyaer-aq, gaq-eu jeq pyeuf-eu mae.


Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.


Yawqha-euq maernmr-anr gaq-eu tsawrhaq-aq, yawshaef-euq lafkhoer jawrluf-eu mirnae, aqyawf-euq baqda’nae aqcawq sanqtif tifkhar maqza-a.


Aerkhawf, muiq-eu Saflar-euq arsiq-aq: gaq-eu, laqkhaq caer-eu, nuisar of-eu, nuinoeq ghawqmanrni noeq-eu, ghawqshaq gaq-eu, yawmuiq jeq mr-eu, sarjax zif-eu,


Aqjeq mirnae aernar-aq, Miqyaer, aqdui-anr guv-eu nuima saflar bifnaeq laf-euq maqngeur-a. Aerkhawf, baoq anr-eu, gaq-eu hawr-eu yawqha-euq nuima-anr ghaqler-eu nuima saflar bifnaeq laf-euq mae.


Tsawrhaq tiqghaq-iq Miqyaer-anr maq mawrhaw-aq. Aqdui tiqghaq tirghaq gaq nar-aq, Miqyaer, aqdui-euq lafkhoer jawr-awr, aqyawf-euq gaq-eu jeq aqdui-euq lafkhoer byanlar taef-a.


Kali-aq, tsaq-awr dawr-eu ghaq mae laer nawmaf siqnya nar-aq, tsaq-awr dawr-eu jeq kharmr-eu tsawrhaq yawqghaq navluf, aqyawf-anr nae daefle-euq mae laer nawmaf yasiq taef-a.


Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.


Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.


Nymq-mr nawmaf, Miqyaer-anr siqnya lar-euq mae. Aqdir aernar-aq, Miqyaer, nawmaf-anr siqnya luf-eu mae. Ghaq baq-awr gardanr maqtsoeq-eu deuq jawr-eu paw aqjeq mirnae par ghof-ir-awr, khoerdeuq-euq zaqkhav par geufmawf-eu nya?


Nawmaf tiqghaq tirghaq gaq-awq laer ngar, nawmaf-anr dawq yawshuif tiq dawq bif-eu ma. Ngar, nawmaf-anr gaq-euq lof-aer, nawmaf khawf tiqghaq tirghaq gaq-awq.


Aerkhawf, tsawrhaq tiq ghaq, Miqyaer-anr gaq nar-aq, Miqyaer, aqyawf-anr siqnya mae.


Aqdui, Miqyaer nae biftaq-euq dawq-anr narhaqgeuf nar-aq, aqdui, aqyawf-anr siqnya ngar-a laer siqlar-eu mae.


“Ngar, aqyawf-anr siqnya ma” laer tiqghaqnav aer-eu khawf, aqyawf nae biftaq-euq dawq-anr maq narhaqgeuf nar-aq, aqyawf-aq, jaqmyawf myawf-eu tsawrhaq pyeuf-awr, aqyawf-euq lafkhoer yawtsaq yawdawr jeq maqanr-a.


Ngar zawr gaq-eu aqyuif aqnyir deuq-or! Dawq yawshuif tiq dawq ngar, nawmaf-anr bofanr lef-eu maqngeur. Yawbae ngae nae nawmaf-anr biftaq yaf-awr, nawmaf siqluf-eu dawq yawoer khoerdawq bofanr lef-eu ma. Biftaq yaf-euq dawq yawoer khoerdawq-aq, nawmaf gaqhaw-euq dawq khoerdawq mae.


Miqyaer-anr nae daefle-euq aqsur ghaq maqkaq, iqbax maqmr-a. Aqjeq mirnae aernar-aq, Miqyaer-euq aryoeq aqyawf-euq lafkhoer anr-eu mae. Aqyawf, Miqyaer-anr nae daefle-euq mirnae, iqbax maqpar mr-ar.


Ngar zawr gaq-eu cawqdeuq-or! Miqyaer, aqdui-anr heunav nav-aer gaq-euq mirnae, aqdui khawf tiqghaq tirghaq gaq-eu tsaq mae.


Miqyaer, aqdui-anr gaq mae laer aqdui siqnya-awr jan-eu ma. Miqyaer-aq, gaq-eu jeq pyeuf-eu mae. Gaq-eu lafkhoer jawr-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawrluf-eu mae.


Yeqsur-aq, Kali mae laer kharjan-eu tsawrhaq, Miqyaer-anr nae daefle-euq mae. Miqyaer-anr khargaq-eu tsawrhaq-aq, Aqda Miqyaer-anr nae daefle-euq ghaq-anr khawf gaq taef-a.


Zaqmiq-or! Aqdui tiqghaq tirghaq gaq kar-eur laer nymq-mr ngar, nawq-anr shar-eu ma. Biftaq yaf-euq dawq yawshuif ngar, nawq-anr bofanr lef-eu maqngeur. Yawbae ngae nae aqdui zataq-euq dawq khoerdawq, ngar, nawq-anr bofanr lef-eu ma.


Swiv nou:

Piblisite


Piblisite