1 Yoˇhaˬ 4:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfmaf mirtsaq-anr taf-eu mirnae, mirtsaq-anr taf-eu garkawv ngaeq-eu mae. Mirtsaqzaq khawf aqyawf maf-euq dawq narhaq-eu mae.

Akha

⁵ Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ miˇ tsaˬ heu-ahˇ taꞈ-eu gaˇ kawˆ ja gaˇ, miˇ tsaˬ zaˬ deuˬ naˇ haˬ geuꞈ-eu meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, miˇtsaˬ heu-ahˇ taꞈ-eu tsawˇ haˬ deuˬ pyeuꞈ-eu meh.

1 Yoˇhaˬ 4:5 Referans Kwoze

Yoˇhaˬ 8:23

Khoerngae, Yeqsur, aqyawf maf-anr heulof-aer aernaeq-eu mae, “Nawmaf-aq, lafov paw nae lar-euq mae. Ngar-aq, laftav paw nae oe-euq ma. Nawmaf-aq, mirtsaq heu-anr taf-eu mae. Ngar-aq, mirtsaq heu-anr maqtaf.

Yoˇhaˬ 17:14

Ngar, aqyawf maf-anr nawq-euq dawq bif-euq ma. Ngar, mirtsaq-anr maqtaf-eu lof-aer, aqyawfmaf khawf mirtsaq-anr maqtaf-eu mirnae, mirtsaqzaq, aqyawf maf-anr byae-eu mae.

Yoˇhaˬ 17:16

Ngar-aq, mirtsaq-euq maqngeur-eu lof-aer durni, aqyawfmaf khawf mirtsaq-euq maqngeur-a.

Yoˇhaˬ 3:31

“Mq-anr nae oe-euq ghaq-aq, dawqtawv luf-euq khoertav huiqdzaeq-eu ghaq mae. Mirtsaq-anr nae dovlar-euq ghaq-aq, mirtsaq-anr taf-awr, mirtsaq-euq garkawv taef-aer ngaeq-awr tmr-eu mae. Mq-anr nae oe-euq ghaq-aq, dawqtawv luf-euq khoertav huiqdzaeq-eu ghaq mae.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

2 Tiˆmoˇseˬ 4:3

Aqjeq mirnae aernar-aq, tsaq-awr tsanr-eu dawqmaeq dawqtsov-anr maq narhaq nanr-eu aryamq keuvle taef-a. Aqyawfmaf narhaq mawf-eu jeq taef-aer narhaq-awr, yawqha-euq nuima-anr tsaqni maeq-awr tsov-eu saqlaq ghawqmya ghaq povuiq taef-a.

Jaceuq 17:4

Tsawrhaqzaq mr-awr shar-eu jeq-anr tafler-awr nae, Nawq-euq maeqluq-anr nae dovle-euq dawq-anr ghoe-awr nae, Ngar coeqler civler-eu garma-anr jawdzeur nya-euq ma.

Luˇkaꞈ 16:8

Maqdawr-aer maqtsaq-eu myawqganq hawpir-eu heughaq zaqsiq tsawrganr zmqnya-eu mirnae, yawsanr ghaq, aqyawf-anr jaceuq-euq mae. Mirtsaq-euq zaqdeuq-aq, aqyawf maf-euq heuzir lafkhoer, yawshaef-euq zaqdeuq navmaqtser zaqsiq tsawrganr zmqnya dzaeq-eu mae.