1 Yoˇhaˬ 4:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ngar gaq-eu zaqdeuq-or! Nawmaf, Miqyaer-anr taf-eu tsawrhaq pyeuf-awr, nawmaf, aqyawf maf-anr ghaqler-euq mae. Aqjeq mirnae aernar-aq, nawmaf-euq lafkhoer jawr-eu ghaq-aq, mirtsaq-euq khoertav jawr-eu ghaq navmaqtser huiqdzaeq-eu mae.

Akha

⁴ Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.

1 Yoˇhaˬ 4:4 Referans Kwoze

Lormav 8:31

Heu-euq garkawv aqdui aqjox-aer aer nmr-mq? Miqyaer, aqdui jawr-eu paw pyawq nar-aq, aqdui-anr aqsur ghaq lavtsoeqlar nya-eu?

1 Yoˇhaˬ 5:4

Aqjeq mirnae aernar-aq, Miqyaer-anr nae daefle-euq yawqghaq navluf, mirtsaq-anr ghaqler-eu mae. Aqdui-euq jan-eu jeq-euq baqda’nae mirtsaq-anr ghaqler-eu ma.

Lormav 8:37

Aerkhawf, aqdui-anr gaq-eu ghaq-anr ghoe-awr, heudeuq dawqtawv luf-anr yawmuiq-aer ghaqler jir-euq ma.

1 Yoˇhaˬ 4:16

Miqyaer, aqdui-anr gaq mae laer aqdui siqnya-awr jan-eu ma. Miqyaer-aq, gaq-eu jeq pyeuf-eu mae. Gaq-eu lafkhoer jawr-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawrluf-eu mae.

1 Gawˇliˬtu 2:12

Aqdui-aq, mirtsaq heu-euq saflar zataq-euq maqngeur, Miqyaer nae aqdui-anr yawqngaef-aer bifnaeq laf-euq guiqlanq deuq-anr siqnya’ni, Miqyaer-anr nae oe-euq muiq-eu Saflar zataq-euq ma.

1 Yoˇhaˬ 5:19

Aqdui-aq, Miqyaer-euq zaqdeuq pyeuf-awr, mirtsaqzaq dawqtawvluf yawcawv khoerghaq uvlanr-eu uqmov jawrluf-eu mae laer siqnya ma.

1 Yoˇhaˬ 4:13

Miqyaer, aqdui-anr aqyawf-euq Saflar-anr taf-eu jeq bifnaeq laf-euq mirnae, aqdui, Miqyaer-euq lafkhoer jawr-awr, Miqyaer khawf aqdui-euq lafkhoer jawr mae laer aqdui siqnya-eu ma.

Eˇpeˇsu 6:10

Ngaq-euq aqyuif aqnyir deuq-or! Arsaq saq-eu dawq-aq heulof-aer ma. Nawmaf, Sanqpaq Miqyaer-euq lafkhoer, ghaq khav-eu aqyawf-euq baoq-anr ghoe-awr, ghaq khavlar-awq.

Eˇpeˇsu 3:17

Nawmaf jan-eu mirnae, Kali, nawmaf-euq nuima-euq lafkhoer jawrle-eu uqtaf, nawmaf gaq-eu jeq-euq lafkhoer, duqcir ka’naf ghae-awr, dawqpaeq bi ziflar law.

Panmaeq 12:11

Aqyawfmaf, Yawrzaq-euq shiq hawr-eu yawqha-euq sarkir kamq-eu dawq nae, yawlaeq daqler-eu ghaq-anr ghaqler-euq mae. Aqyawf maf-aq, khoer-euq gharduq, yawqha-euq daefzir-anr ghawqcawx cawv-aer maqghaeni, shir khawf shirpeuq-eu mae.

1 Yoˇhaˬ 3:24

Miqyaer nae aqdui-anr bif-euq dawq-anr narhaq geuf-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawr-eu mae. Miqyaer nae biflef-euq Muiq-eu Saflar baqda’nae, Miqyaer, aqdui-euq lafkhoer jawr mae laer aqdui siqnya-eu ma.

Yoˇhaˬ 12:31

Nymq-mr mirtsaq heu-anr yarkhaq dar-eu aryamq tsaqlar-euq mae. Nymq-mr mirtsaq heu-anr uvlanr luf-eu ghaq yabi taedov taef-a.

Yoˇhaˬ 17:23

Ngar, aqyawf maf-euq lafkhoer jawr-awr, nawr, ngaq-euq lafkhoer jawr-eu mirnae, aqyawfmaf nuima taf-awr gm-eu byanlar taef-a. Khoerngae, nawq nae ngaq-anr khaerghae lef-awr, nawr, ngaq-anr gaq-eu lof-aer, aqyawf maf-anr khawf gaq-eu ngar-a laer, mirtsaqzaq siqnyalar taef-a.

1 Yoˇhaˬ 4:6

Aqdui-aq, Miqyaer-anr taf-eu tsawrhaq ma. Miqyaer-anr siqnya-eu tsawrhaq-aq, nga’maf-euq dawq narhaq-eu mae. Miqyaer-anr maqtaf-eu tsawrhaq-aq, nga’maf-euq dawq maq narhaq-a. Khoermirnae, yawtsaq yawdawr jeq-anr taf-eu Muiq-eu Saflar hawr-eu yawbanq yawlaeq jeq-anr taf-eu saflar-anr aqdui siqnya-eu ma.

2 Gawˇliˬtu 6:16

Miqyaer-euq uqduq tanqnymr nymrma hawr-eu tanqpanq aqma mawrkawr aqjox-aer tsaqler dzoerler nya-eu? Aqjeq mirnae aernar-aq, nawmaf-aq, daefluf-eu Miqyaer-euq uqduq tanqnymr nymrma mae. Miqyaer nae aertaq-euq lof-aer, “Ngar, aqyawf maf-euq lafkhoer jawr-awr, aqyawf maf-euq ghanrcae can ma. Ngar, aqyawf maf-euq Miqyaer pyeuf-awr, aqyawfmaf, ngaq-euq tsawrhaq pyeuf taef-a.” (Lb 26:12; Ezk 37:27)

1 Yoˇhaˬ 2:13

Aqda deuq-or! Nawmaf ardanqbae ngae nae daefluf-eu ghaq-anr siqnya-euq mirnae, ngar, nawmaf-anr sanqbof bofanr lef-euq ma. Zaqguq deuq-or! Nawmaf, yawcawv ghaq-anr ghaqler-euq mirnae, ngar, nawmaf-anr sanqbof bofanr lef-euq ma. Ngar gaq-eu zaqdeuq-or! Nawmaf, Aqda Miqyaer-anr siqluf-eu mirnae, ngar, nawmaf-anr sanqbof bofanr lef-euq ma.

1 Gawˇliˬtu 6:13

Dzaqdzaq dawrdawr-aq, uqmav-euq gharduq pyeuf-awr, uqmav-aq, dzaqdzaq dawrdawr-euq gharduq mae. Aerkhawf, Miqyaer heu nyiq jeq luf-anr lavcawv taef-a. Mawrdo-aq, banq-awr khaqmiq sheu-eu gharduq maqngeur-a, Sanqpaq Yeqsur-euq gharduq mae. Sanqpaq Yeqsur khawf mawrdo-euq gharduq mae.

Eˇpeˇsu 2:2

Khoerngae, nawmaf-aq, mirtsaq heu-anr taf-eu canjeq cankawv-euq lafkhoer daef-awr, mq-anr aryaq jav-eu mqsanr-euq maeqnan can-euq mae. Nymq-mr uvlanr-eu saflar heu, maq narhaq geuf-eu tsawrhaq-euq lafkhoer gar mrluf-eu mae.

Yoˇhaˬ 16:11

Yarkhaq dar-eu-aq, mirtsaq heu-anr uvlanr-eu ghaq-aq, yarkhaq bi dartsaev ghaq-euq mirnae mae.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

Yoˇhaˬ 14:30

Aqkar nar-aq, ngar, nawmaf naeq-aer dawq ghawqmya’ni maqpar ngaeq ma. Aqjeq mirnae aernar-aq, mirtsaq heu-anr uvlanr luf-eu ghaq larluf-eu mae. Aqyawf, ngaq-euq khoertav baoq tiqpawf-iq maqjav-a.

1 Yoˇhaˬ 2:1

Ngar gaq-eu zaqdeuq-or! Nawmaf iqbax maqya mrni, garkawv heudeuq ngar, nawmaf-anr bofnaeq-eu ma. Aerkhawf, tiqghaqnav iqbax mr-euq law nar-aq, aqdui-euq danzar tanqshar-eu tsaq-awr dawr-eu tiq ghaq Aqda Miqyaer jawr-eu gar jawrluf-eu ma. Aqyawf-aq, Yeqsur Kali mae.

1 Yoˇhaˬ 3:20

Aqdui-euq nuima yawqhar yawqha yarkhaqdar nar-aq, Miqyaer-aq, aqdui-euq nuima navmaqtser huiq-awr, dawqtawv luf-anr siqnya-eu mae.