1 Yoˇhaˬ 4:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Tsawrhaq tiqghaq-iq Miqyaer-anr maq mawrhaw-aq. Aqdui tiqghaq tirghaq gaq nar-aq, Miqyaer, aqdui-euq lafkhoer jawr-awr, aqyawf-euq gaq-eu jeq aqdui-euq lafkhoer byanlar taef-a.

Akha

¹² Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Ehˇ kʼawꞈ, aˬ dui tiˬ gʼaˬ tiˇ gʼaˬ gaˬ naˇ, aˬ dui laꞈ kʼoeˇ Miˬyehˇ jawˇ-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui laꞈ kʼoeˇ byah laˇ tehꞈ-a.

1 Yoˇhaˬ 4:12 Referans Kwoze

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

1 Yoˇhaˬ 2:5

Aerkhawf, Sanqpaq Miqyaer-euq dawq khar narhaq geuf-eu tsawrhaq-aq, Miqyaer-anr gaq-eu jeq aqyawf-euq lafkhoer aqdir byanlar-euq mae. Heu-euq baqda’nae, aqdui, aqyawf-euq lafkhoer jawrluf ma laer siqlar-eu ma.

1 Tiˆmoˇseˬ 6:16

Aqyawf tiq ghaq taef-aer shir-eu maqbaw-aer tiqghaq-iq maq lepae nya-eu yawshaef-euq lafkhoer jawr-eu mae. Tsawrhaq tiqghaq-iq aqyawf-anr maq mawrhaw-aer, mawr khawf maq mawrnya-a. Taqhuiq taqmanr-eu jeq hawr-eu li-eu maqbawni baoq huiq-eu jeq aqyawf-anr of luf-ur. Aqmeq.

1 Yoˇhaˬ 4:20

Aqsur ghaq maqkaq, “Ngar, Miqyaer-anr gaq ma” laer aer-eu khawf, yawqha-euq maernmr hawr-eu dmrma-anr byae nar-aq, aqyawf-aq, jaqmyawf myawf-eu tsawrhaq mae. Aqjeq mirnae aernar-aq, aqsur ghaq maqkaq mawrlar-eu maernmr-anr maqgaq nar-aq, maq mawrlar-eu Miqyaer-anr aqjox-aer gaqnya-eu?

1 Yoˇhaˬ 3:24

Miqyaer nae aqdui-anr bif-euq dawq-anr narhaq geuf-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawr-eu mae. Miqyaer nae biflef-euq Muiq-eu Saflar baqda’nae, Miqyaer, aqdui-euq lafkhoer jawr mae laer aqdui siqnya-eu ma.

1 Yoˇhaˬ 4:6

Aqdui-aq, Miqyaer-anr taf-eu tsawrhaq ma. Miqyaer-anr siqnya-eu tsawrhaq-aq, nga’maf-euq dawq narhaq-eu mae. Miqyaer-anr maqtaf-eu tsawrhaq-aq, nga’maf-euq dawq maq narhaq-a. Khoermirnae, yawtsaq yawdawr jeq-anr taf-eu Muiq-eu Saflar hawr-eu yawbanq yawlaeq jeq-anr taf-eu saflar-anr aqdui siqnya-eu ma.

1 Tiˆmoˇseˬ 1:17

Tsawrhaqzaq-anr maq mawrlar-aer, maq shirnya-eu, mqmaq maqbyav yarzir-euq Sanqpaq pyeuf-awr, aqyawf tiq ghaq taef-aer zaqsiq tsawrganr byan-eu Miqyaer-anr, li-eu maqbawni yawzeu baw-awr, aqyawf-euq yawshaef khanqsaer-anr jaceuq kar-eur. Aqmeq.

HeˬByehˇ 11:27

Aqyawf jan-eu mirnae, sanqpaq nuima paer duidui-eu gar maqguvni, Irjirtuv-anr nae dov-ir-euq mae. Aqjeq mirnae aernar-aq, maq mawrlar-eu Miqyaer-anr mawrhaw-euq lof-aer, aqyawf nuima zif-eu mae.

1 Gawˇliˬtu 13:13

Nymq-mr-aq, jan-eu jeq, noeqtmq-eu jeq, gaq-eu jeq heu smr jeq jav-eu mae. Aerkhawf, heu smr jeq-euq lafkhoer nae huiqdzaeq dzaeq-eu jeq-aq gaq-eu jeq mae.

1 Yoˇhaˬ 4:16

Miqyaer, aqdui-anr gaq mae laer aqdui siqnya-awr jan-eu ma. Miqyaer-aq, gaq-eu jeq pyeuf-eu mae. Gaq-eu lafkhoer jawr-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawrluf-eu mae.