1 Yoˇhaˬ 4:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar zawr gaq-eu cawqdeuq-or! Kharngeur-eu saflar-anr taqjan. Saflar khoer Miqyaer-anr nae oe-euq saflar nga laq laer yawmuiq-aer tsermr haw-awq. Aqjeq mirnae aernar-aq, Miqyaer gharduq ngaeqdan-eu jaqmyawf deuq ghawqmya ghaq mirtsaq doeni dov-ir taq-euq mae.

Akha

¹ Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.

1 Yoˇhaˬ 4:1 Referans Kwoze

1 Teˇsaˬloˇni 5:21

Aerkhawf, yawqjeq navluf-anr pyaevtser haw-awq. Yawmuiq jeq-anr nyaeftaeq taq-awr,

2 Beˬtuˆluˆ 2:1

Aerkhawf, tsawrhaq-euq ghanrcae, Miqyaer gharduq ngaeqdan-eu jaqmyawf deuq jawr-awr, nawmaf-euq ghanrcae khawf, maeqzaq jaqmyawf deuq dovlar taef-a. Aqyawfmaf lavcawv-eu janbanq janlaeq-eu jeq yuranrkhoeq laf-awr, aqyawf maf-anr zeurkhof-euq Sanqpaq-anr khawf “Maqsiq” laer pyaer taef-a. Khoermirnae, aqyawf maf-euq khoertav cawv-ir-eu jeq yawkawr-aer keuvleni yawqhar yawqha janr-eu mae.

1 Tiˆmoˇseˬ 4:1

Muiq-eu Saflar byacaevni heulof-aer aertaq-euq mae. Arsaq saq-eu arnan aryamq-euq lafkhoer, tsawrhaq tiqpavnav deuq jan-eu jeq-anr byaerdzae taef-a. Aqyawf maf-aq, jaqmyawf myawf-eu saflar deuq-euq dawq-anr hawr-eu naef-euq dawqmaeq dawqtsov-anr narhaqgeuf taef-a.

2 Yoˇhaˬ 1:7

Jaqmyawf myawf-eu tsawrhaq ghawqmya ghaq mirtsaq doeni ir-awr, Yeqsur Kali-aq, mawrdo baw-awr zafka le-euq mae laer sarkir maqkamq-a. Khoerdeuq-aq, jaqmyawf myawf-eu tsawrhaq hawr-eu Kali-anr muir-eu tsawrhaq mae.

Dawqdaq 14:15

Maqdzaw-euq zaq-aq, yawqdawq navluf-anr jan-eu mae. Aerkhawf, noeqsiq noeqmawr nya-eu tsawrhaq-aq, Yawqha-euq kuirtof ciq-eu garkawv sharnoeq sharsawx-eu mae.

1 Gawˇliˬtu 14:29

Miqyaer gharduq ngaeqdan-eu tsawrhaq nyiq ghaq smr ghaq bingaeq-awr, nuideuq-aq, dawq khoerdeuq-anr bi tsermr-eu tsaq mae.

1 Yoˇhaˬ 2:18

Ngar gaq-eu zaqdeuq-or! Nymq-mr-aq, arsaq saq-eu aryamq mae. Kali-anr muir-eu ghaq dovle taef-a laer nawmaf nae yagaq-euq lof-aer, nymq-mr nae Kali-anr muir-eu ghawqmya ghaq dovlar-euq mae. Khoermirnae, nymq-mr-aq, arsaq saq-eu aryamq nga laer aqdui siqnya ma.

Luˇkaꞈ 12:57

“Aqjeq mirnae nawmaf, yawqha yawqha tsaq-eu jeq-anr maq tserpav nya-eu nya?

Luˇkaꞈ 21:8

Yeqsur heulof-aer aernaeq-euq mae, “Aqcawq nae nawmaf-anr maershuir maqya bi shuirtawvni yanr-awq. Aqjeq mirnae aernar-aq, tsawrhaq ghawqmya’ni ngaq-euq tsawrmyanr-anr ghoeghoe-aer, ‘Ngar-aq, Kali ma’ laer aer-awr, ‘Aryamq dawqpae paele-euq mae’ laer aer taef-a. Khoermirnae, aqyawf maf-euq maeqnan taqcan taeghae.

2 Tiˆmoˇseˬ 3:13

Aerkhawf, yawdoer jeq mr-eu tsawrhaq hawr-eu jaqmyawf maershuir shuir-eu tsawrhaq deuq-aq, ngaeq-aer nar-aq ngaeq-aer doerdzaeqlar taef-a. Aqyawfmaf, aqcawq-anr maershuir shuir-eu lof-aer, aqcawq khawf aqyawf maf-anr maershuirshuir taef-a.

Panmaeq 2:2

“Ngar, nawq nae mr-euq jeq, laejae-euq jeq hawr-eu orcoer-euq deuq-anr siqnya-awr, nawr, tsawrdoer deuq-anr maq hageuf coer-a laer khawf siqnya ma. Ghaqkhaer maqngeur-eu gar nae ghaqkhaer ma laer aer-eu deuq-anr nawr tsermr haw-awr, jaqmyawf myawf-eu nga laer yasiq-euq mae.

1 Gawˇliˬtu 12:10

Tiq ghaq-anr khavjeq-aer ghae-eu jeq bi mrnya-awr, tiq ghaq-anr-aq, Miqyaer gharduq bi ngaeqdan nya-eu uqtaf, tiq ghaq-anr-aq, saflar deuq-anr bi tserpav nya-eu mae. Tiq ghaq-anr, dawqbav ghawqmya jeq bi bavnya-awr, tiq ghaq-anr-aq, dawqbav khoer-euq dawqtsuif bi yurdov nya-eu mae.

Gʼaˬkʼehˇ 20:29

Ngar dov-ir dzeur-euq nar-aq, zawr ghae-eu khaqyaer deuq, nawmaf-euq ghanrcae urlar-awr, yawr yawrmaf-anr lavcawv duidui taef-a laer ngar siqnya ma.

Maˬkuˆ 13:21

“Khoerngae, ‘Hawlar-awq, Kali heugar jawr ngar-a, Kali khoergar jawr-eu mae’ laer tsawrhaq tiqghaqnav nawmaf-anr aerlar-eu khawf, nawmaf taqjan.

Gʼaˬkʼehˇ 17:11

Khoergar jawr-eu tsawrhaq deuq-aq, Tersaqlorni meuq-anr jawr-eu tsawrhaq deuq navmaqtser sharnoeq nya-awr, aqyawfmaf laeqhmqdan taq-euq lafkhoer, Miqyaer-euq dawq-anr hageuf-eu mae. Garkawv khoerdeuq tsaq nga laq maqtsaq nga laq laer yasiqni, yawqnan navluf Yaerbof-anr povtserhaw luf-eu mae.

1 Teˇsaˬloˇni 5:20

Miqyaer gharduq ngaeqdan-eu tsawrhaq-euq dawq-anr yaeqbawq saerlu-aer taqghae.

2 Teˇsaˬloˇni 2:2

Aqcawq, Kali-euq arnan keuvle-euq mae laer ja’naeq lar-eu khawf, saflar-euq lafkhoer yasiq-euq le laer ja’naeq lar-eu khawf, nga’maf sanqbof khoerlof-aer bofnaeq laf-euq mae laer aernaeq laf-eu law-awr khawf, nuima-euq lafkhoer taq noeqshaq, taq tsawqguv-ir.

1 Yoˇhaˬ 2:7

Ngar zawr gaq-eu aqyuif aqnyir deuq-or! Dawq yawshuif tiq dawq ngar, nawmaf-anr bofanr lef-eu maqngeur. Yawbae ngae nae nawmaf-anr biftaq yaf-awr, nawmaf siqluf-eu dawq yawoer khoerdawq bofanr lef-eu ma. Biftaq yaf-euq dawq yawoer khoerdawq-aq, nawmaf gaqhaw-euq dawq khoerdawq mae.

3 Yoˇhaˬ 1:11

Ngar zawr gaq-eu cawq-or! Yawdoer jeq-anr taq hawgeuf, taq dzawgeuf, yawmuiq jeq-anr taef-aer hawgeuf dzawgeuf-awq. Yawmuiq jeq mr-eu tsawrhaq-aq, Miqyaer-anr taf-eu tsawrhaq mae. Yawdoer jeq mr-eu tsawrhaq-aq, Miqyaer-anr maq mawrhaw-euq tsawrhaq mae.