1 Yoˇhaˬ 3:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Iqbax-anr yurdzae-eu laer Kali oe-awr, aqyawf-euq lafkhoer iqbax maqanr-a laer nawmaf siqnya-eu mae.

Akha

⁵ Ka li oe-euˬ-aˬ, iˬ baˇ-ahˇ yuˇ dzeh-eu gʼaˇ duˬ pyeuꞈ-awˇ, aˬ yawꞈ-euˬ laꞈ kʼoeˇ iˬ baˇ tiˬ pawꞈ-iˬ maˬ ahˇ-eu gaˇ kawˆ naw maꞈ siˬ duˬ luꞈ meh.

1 Yoˇhaˬ 3:5 Referans Kwoze

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

1 Beˬtuˆluˆ 2:24

Aqdui iqbax-anr shirtsaev tsaev-awr, tsaq-awr dawr-eu jeq-euq gharduq daefni, Kali-euq mawrdo-euq lafkhoer aqdui-euq iqbax pi-awr, darkawq lafyaq-euq khoertav shirdan-euq mae. Aqyawf nae ya’nar-euq markhaeq-euq baqda’nae, nawmaf taqler-euq mae.

HeˬByehˇ 9:26

Khoerlof-aer ya lawrnaeq lawnmr-aq, mqmir bae-euq taf nar-aq, aqyawf ghawqmya pov shaqzanq yadaq-euq law taef-a. Aerkhawf, aqyawf iqbax yurdzae-eu laer arsaq saq-eu aryamq heu-euq lafkhoer, aqyawf-euq mawrdo lawrnaeq-euq baqda’nae, aqyawf tiq pov dovle-euq taef mae.

Yoˇhaˬ 1:29

Nishawq ngae nan, aqyawf jawr-eu paw Yeqsur oeluf-eu gar Yorhaq ya’mawr ngae, heulof-aer aer-eu mae, “Mirtsaqzaq-euq iqbax-anr pidzae-eu Miqyaer-euq Yawrzaq-anr hawsher-eq!

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

1 Yoˇhaˬ 1:2

Daef-eu jeq khoer byacaevni dovlar-euq gar nga’maf ya’mawr-awr sarkir kamq-eu ma. Khoeruqtaf, yawbae, Aqda Miqyaer naeq-aer jawr-euq li-eu maqbawni daef-eu jeq khoer, nga’maf-anr bimawr naeqlaf-euq garkawv khawf, nawmaf-anr dzawrnaeq-eu ma.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

1 Beˬtuˆluˆ 2:22

“Aqyawf iqbax maq mrhaw-aer, aqyawf-euq khaqmae-euq lafkhoer khawf jaqmyawf maershuir maq povmawr nya-a.” (Isy 53:9)

HeˬByehˇ 1:3

Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

1 Tiˆmoˇseˬ 1:15

“Iqbaxzaq-anr kakhof-eu laer Yeqsur Kali mirtsaq-euq khoertav oe-euq mae” laer aertaq-euq dawq heudawq-aq, jancoer paq-aer ghae-awr, tiqbyan tiqlof hageufcoer paq-aer ghae-eu mae. Ngar-aq, iqbaxzaq-euq lafkhoer aqcawq navmaqtser iqbax huiqdzaeq-eu ghaq ma.

Maꞈtehˬ 1:21

Aqyawf, zaqyo tiq ghaq ciq taef-a. Nawr, aqyawf-anr Yeqsur laer ya myanrnaeq-eu mae. Aqjeq mirnae aernar-aq, aqyawf, aqyawf-euq tsawrjeuq tsawrca-anr iqbax-euq lafkhoer nae kakhofdov naeq taef-a.”

1 Yoˇhaˬ 2:1

Ngar gaq-eu zaqdeuq-or! Nawmaf iqbax maqya mrni, garkawv heudeuq ngar, nawmaf-anr bofnaeq-eu ma. Aerkhawf, tiqghaqnav iqbax mr-euq law nar-aq, aqdui-euq danzar tanqshar-eu tsaq-awr dawr-eu tiq ghaq Aqda Miqyaer jawr-eu gar jawrluf-eu ma. Aqyawf-aq, Yeqsur Kali mae.

1 Beˬtuˆluˆ 1:20

Mirtsaq maqbae-euq minav-aer, Miqyaer, aqyawf-anr tserdov taq-euq mae. Aerkhawf, arsaq saq-eu aryamq heu-euq lafkhoer, nawmaf-euq gharduq byacaevni bi dovle-euq mae.

HeˬByehˇ 4:15

Aqjeq mirnae aernar-aq, aqdui-euq Pirma yawhuiq ghaq-aq, aqdui ghaq baq-eu jeq-anr ghawqshaq maq gaqnya-eu maqngeur-a. Aqyawf khawf, aqdui lof-aer yawqdzer dzaq-anr navluf murjur jur-eu gar yadaq haw-euq mae. Aerkhawf, aqyawf iqbax maqmr-aq.

HeˬByehˇ 7:26

Heulof-aer ghae-eu Pirma yawhuiq ghaq-aq, aqdui-anr tsaq duidui-eu mae. Aqyawf-aq, yawjawf hawr-eu yawlaeq maqanr-eu uqtaf, yawshawr mae. Iqbaxzaq-anr nae bi tserpav dov-awr, mq-euq navmaqtser bi ciqgor taq-euq mae.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

Yoˇhaˬ 14:30

Aqkar nar-aq, ngar, nawmaf naeq-aer dawq ghawqmya’ni maqpar ngaeq ma. Aqjeq mirnae aernar-aq, mirtsaq heu-anr uvlanr luf-eu ghaq larluf-eu mae. Aqyawf, ngaq-euq khoertav baoq tiqpawf-iq maqjav-a.

Yoˇhaˬ 8:46

Nawmaf, aqsur ghaq, ngar-aq, iqbax anr-eu nga laer toeqmaeq nya-eu le? Ngar yawtsaq yawdawr jeq ngaeq-eu ngeur nar-aq, aqjeq mirnae nawmaf, ngaq-anr maqjan-eu le?

Yoˇhaˬ 1:31

Yawbae ngar, aqyawf-anr maq siqnya-aq. Aerkhawf, Irsaqleqlav-anr panmaeq naeq-eu gharduq, nymq-mr ngar oe-awr bartirsaq mrnaeq luf-eu ma.”

Luˇkaꞈ 23:47

Yardzoeq guirhuq tiq ghaq khoerlof-aer pyeuflar-euq gar ya’mawr ngae, Miqyaer-anr ciqhuiq ciqmanr-eu lafkhoer aer-eu, “Tsawrhaq heughaq-aq, aqdir aqmar tsaq-awr dawr-eu tsawrhaq ngar-a!”

Luˇkaꞈ 23:41

Arnyaf heulof-aer yadaq-eu-aq tsaq mae. Arnyaf mrbanq-euq mirnae, daq paq-aer ghae-eu lof-aer daqluf-eu ma. Aerkhawf, teughaq-aq, tiqjeq-iq maq mrbanq-aq.”

1 Beˬtuˆluˆ 1:18

Nawmaf-euq aqpoeq deuq nae tawqka lef-euq, gardanr maqtsoeq-eu mrjeq sharkawv-anr nae, nawmaf-anr kakhofdov naeqlaf-euq khoer-aq, cawv-ir nya-eu pyur hawr-eu shuir lof-aer ghae-eu jeq-anr ghoe-awr nae, kakhof naeqlaf-euq maqngeur-a laer nawmaf siqnya-awq.

1 Yoˇhaˬ 2:2

Aqyawf-aq, aqdui-euq gharduq lawrbyan-euq ghaq mae. Aqdui-euq gharduq taef-aer maqngeur-eu, mirtsaqzaq dawqtawv luf-euq gharduq khawf lawrbyan-euq mae.

1 Yoˇhaˬ 2:29

Kali-aq, tsaq-awr dawr-eu ghaq mae laer nawmaf siqnya nar-aq, tsaq-awr dawr-eu jeq kharmr-eu tsawrhaq yawqghaq navluf, aqyawf-anr nae daefle-euq mae laer nawmaf yasiq taef-a.

1 Yoˇhaˬ 3:8

Iqbax mr-eu tsawrhaq-aq, naef sanqpaq-anr taf-eu tsawrhaq mae. Aqjeq mirnae aernar-aq, naef sanqpaq-aq, yawbae ngae nae iqbax mrluf-eu mae. Khoermirnae, Miqyaer-euq Zaqyo, naef sanqpaq mrluf-eu gardeuq-anr lavcawv-eu laer oe-euq mae.