1 Yoˇhaˬ 3:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Yeqsur-anr heulof-aer noeqtmq-eu yawqghaq navluf, Yeqsur shawr-eu lof-aer, yawqhar yawqha lavshawr-eu mae.

Akha

³ Ka li laꞈ kʼoeˇ, kʼoeˇ loꞈ-ehˇ kʼaˇ noeˬ tmˬ taˬ-euˬ tsawˇ haˬ deuˬ-aˬ, Ka li muiˬ-eu shawˇ-eu loꞈ-ehˇ, yawˬ ha kʼawꞈ ya bi muiˬ ya bi shawˇ meh.

1 Yoˇhaˬ 3:3 Referans Kwoze

2 Gawˇliˬtu 7:1

Ngar zawr gaq-eu cawqdeuq-or! Aqdui sarjax heudeuq-anr zataq-euq mirnae, aqdui-euq mawrdo hawr-eu saflar-anr bi jawflar-eu yawqjeq navluf-anr tsiqshawr-awr, Miqyaer-anr guv-eu lafkhoer, yawshawr jeq bi byanlar kar-eur.

1 Yoˇhaˬ 2:6

Ngar, aqyawf-euq lafkhoer jawrluf ma laer kharaer-eu tsawrhaq-aq, Yeqsur nae daef-euq lof-aer daef-eu tsaq mae.

2 Beˬtuˆluˆ 3:14

Khoermirnae, ngar zawr gaq-eu cawqdeuq-or! Nawmaf khoerdeuq-anr noeqtmq-awr dawq-awq. Aqyawf-euq maeqshi, nawmaf nuisar of-eu lafkhoer, marbyawf maqbaw-aer aerkhar maqza nga laer aqyawf mawrni laejae-awq.

Maꞈtehˬ 5:48

Khoermirnae, mq-euq khoertav jawr-eu nawmaf-euq Aqda byan-eu lof-aer nawmaf khawf byanlar-awq.

HeˬByehˇ 12:14

Tsawrhaq yawqghaq navluf naeq-aer tsaqler dzoerlerni laejae-awr, shawrlarni khawf laejae-awq. Aqjeq mirnae aernar-aq, maqshawr nar-aq, tsawrhaq tiqghaq-iq Sanqpaq Miqyaer-anr maq mawrnya-a.

HeˬByehˇ 7:26

Heulof-aer ghae-eu Pirma yawhuiq ghaq-aq, aqdui-anr tsaq duidui-eu mae. Aqyawf-aq, yawjawf hawr-eu yawlaeq maqanr-eu uqtaf, yawshawr mae. Iqbaxzaq-anr nae bi tserpav dov-awr, mq-euq navmaqtser bi ciqgor taq-euq mae.

Gawˇlawˇsehˇ 1:5

Khoeruqtaf, nawmaf-euq gharduq mq-euq khoertav jeqhmq taq-euq noeqtmq-eu jeq-euq baqda’nae khawf, Miqyaer-anr jaceuq luf-eu ma. Noeqtmq-eu jeq khoer-aq, dzeurlaf ngae, nawmaf nae yagaq-euq dawq yawtsaq yawdawr-euq guiqlanqdawq khoer mae.

Gʼaˬkʼehˇ 15:9

Miqyaer-aq, aqdui hawr-eu aqyawfmaf laer maq tserpav-a. Jan-eu jeq-anr ghoe-awr nae, Miqyaer, aqyawf maf-euq nuima-anr bimuiq bi shawrlar-euq mae.

Tiˇtuˆ 3:7

Aqyawf-euq guiqlanq yawdzanr baqda’nae, aqdui tsaq-awr dawr-eu tsawrhaq pyeuflar-awr, mqmaq maqbyav yarzir daef-eu jeq-anr noeqtmqkhar za-eu aqyawf-euq jeqbir of-eu tsawrhaq ma.

2 Beˬtuˆluˆ 1:4

Nawmaf, mirtsaq-euq khoertav jav-eu nuikhanr baqda’nae, cawv-ir-eu jeq-anr caevdzeur-awr, Miqyaer-euq shaevdzeuf tiqkawv lof-aer za-eu gharduq, aqyawf, aqdui-anr huiqdui poeq duidui-eu sarjax dzaqtaq-euq mae.

Luˇkaꞈ 6:36

Nawmaf-euq Aqda ghawqshaq gaqnya-eu lof-aer nawmaf khawf ghawqshaq gaq-eu nuima anr-awq.

1 Yoˇhaˬ 4:17

Yarkhaqdar ngae nan, aqdui nuima zifdanni ghaenya’ni, aqdui-euq lafkhoer gaq-eu jeq byanlar-euq mae. Aqjeq mirnae aernar-aq, mirtsaq-euq khoertav, aqdui khawf, Yeqsur lof-aer pyeufluf-eu ma.

HeˬByehˇ 6:18

Khoer-aq, maq parlar nya-eu nyiq jeq-euq garkawv mae. Miqyaer-aq, jaqmyawf maq myawfnya-a laer aqdui nuima bi sarni kamq-eu jeq khoer-anr ghoe-awr nae, aqdui-euq maeqhu paw jav-eu noeqtmq-eu jeq-anr zifdanni nyaeftaeq taq-awq laer, caevzafduq-anr caevur taq-euq aqdui-anr ghaq yawkhav-aer bifnaeqlaf luf-eu mae.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

Lormav 15:12

Irsaqyar khawf aer-eu, “Aqyawf, Yeqshaer-euq duqcir-anr nae dovlar-awr, tsawrjeuq tsawrca-anr uvlanr taef-a. Aqcawq tsawrjeuq tsawrca, aqyawf-euq lafkhoer noeqtmqkhar za taef-a.” (Isy 11:10)

Yoˇhaˬ 17:19

Aqyawfmaf yawtsaq yawdawr nae bi lavshawrni, aqyawf maf-euq gharduq, ngar, yawqhar yawqha lavshawr-euq ma.

Yaˬkoˆ 4:8

Miqyaer-euq dawqpae taeqni jivler-awq. Jivler nar-aq, Miqyaer khawf nawmaf-euq dawqpae jivle taef-a. Iqbaxzaq-or! Nawmaf-euq aqlaf dzuifshawr-awq. Nuinoeq nyiq noeq anr-eu tsawrhaq-or! Nawmaf-euq nuima lavmuiq lavshawr-awq.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.

1 Beˬtuˆluˆ 1:15

Nawmaf-anr kur-euq ghaq yawshawr mirnae, nawmaf khawf yawqjeq navluf-euq lafkhoer yawshawr shawr-aer daef-awq.