1 Yoˇhaˬ 3:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.

Akha

² Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.

1 Yoˇhaˬ 3:2 Referans Kwoze

Piˇliˇpiˆ 3:21

Aqyawf, yawqjeq navluf-anr aqyawf-euq uqmov bijawr bijav-eu baoq-anr ghoe-awr, yawshaef khanqsaer jav-eu aqyawf-euq mawrdo lof-aer pyeuflarni, aqdui-euq teq-eu mawrdo heu-anr janrpar naeqlaf taef-a.

Gawˇlawˇsehˇ 3:4

Aqdui-euq daef-eu jeq pyeuf-eu Kali dovle ngae, nawmaf khawf aqyawf naeq-aer tiqkawv lof-aer yawshaef khanqsaer-euq lafkhoer dovle taef-a.

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

1 Gawˇliˬtu 13:12

Nymq-mr aqdui-aq, maq mawrshawr lar-eu pyawqhaw-anr hawluf-eu gar dur-eu mae. Aerkhawf tiqnan-aq, myavpyawq dzoer-awr ya mawrduq taef-a. Nymq-mr ngar siqnya-eu maqbyan-a. Aerkhawf, khoerngae nan keuvlar nar-aq, Miqyaer, ngaq-anr siqnya-eu lof-aer, ngar khawf tiqbyanni siqnyalar taef-a.

Lormav 8:29

Aqjeq mirnae aernar-aq, aqyawfmaf, aqyawf-euq Zaqyo-euq shaevdzeuf anrlarni, yawbae ngae nae Miqyaer siqnya-awr tserdov taq-euq mae. Maernmr ghawqmya ghaq-anr nae, aqyawf-euq Zaqyo-anr huqbaw zaqyo ghaq bigeuf-eu laer Miqyaer khoerlof-aer janr-euq mae.

Jaceuq 17:15

Aerkhawf, ngar lawnmr-aq, tsaq-awr dawr-eu lafkhoer nawq-euq myavpyawq-anr ya’mawr ma. Ngar noeqlar ngae, nawq-anr dur-eu shaevdzeuf za-euq mirnae, ngaq-euq nuima tmqjawvni ghae taef-a.

1 Gawˇliˬtu 15:49

Aqdui, mirtsaq nae taevtaq-euq ghaq-euq shaevdzeuf piluf-eu lof-aer, aqkar, mq-anr nae oe-eu ghaq-euq shaevdzeuf khawf yapi taef-a.

Panmaeq 22:4

Aqyawfmaf, aqyawf-euq myavpyawq-anr ya’mawr-awr, aqyawf-euq tsawrmyanr aqyawf maf-euq narkhawr-anr boftaq taef-a.

2 Beˬtuˆluˆ 1:4

Nawmaf, mirtsaq-euq khoertav jav-eu nuikhanr baqda’nae, cawv-ir-eu jeq-anr caevdzeur-awr, Miqyaer-euq shaevdzeuf tiqkawv lof-aer za-eu gharduq, aqyawf, aqdui-anr huiqdui poeq duidui-eu sarjax dzaqtaq-euq mae.

1 Gawˇliˬtu 2:9

Aerkhawf, Yaerbof aer-eu, “Myavnuiv maq mawrhaw-aer, naqbawr maq gaqhaw-euq uqtaf, tsawrhaq-euq nuima maq noeqkeuv coer-eu jeq, Miqyaer nae aqyawf-anr gaq-eu tsawrhaq-euq gharduq laeqhmq taq-euq mae.” (Isy 64:5)

1 Yoˇhaˬ 3:1

Aqda Miqyaer, aqdui-anr arnavni gaq-eu nga laer sharnoeqhaw sher-eq. Aqdui-anr Miqyaer-euq zaq laer kurnaeq laf-euq mae. Mirtsaqzaq, aqyawf-anr maq siqnya-eu mirnae, aqdui-anr khawf maq siqnya-a.

Gaˬlaˬtiˆ 4:6

Nawmaf-aq, Miqyaer-euq zaq mirnae, Miqyaer, aqyawf-euq Zaqyo-euq Saflar, nawmaf-euq lafkhoer bi jawrle-awr, “Aqba, Aqda-or!” laer kur-eu mae.

Lormav 8:18

Ngar heulof-aer sharnoeq-eu ma. Heuzir-anr yadaq-eu shaqzanq-aq, aqkar aqdui-anr panmaeq naeqlaf-eu yawshaef khanqsaer-anr tiqpawf-iq sheucaevnyaf maqnyeuv-a.

Gaˬlaˬtiˆ 3:26

Jan-eu mirnae, nawmaf yawqghaq navluf, Yeqsur Kali-euq lafkhoer Miqyaer-euq zaq pyeuflar-euq mae.

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Maꞈtehˬ 5:8

“Nuima shawrjaevni ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf, Miqyaer-anr ya’mawr taef-a.

1 Yoˇhaˬ 2:28

Ngar gaq-eu zaqdeuq-or! Nawmaf, Kali-euq lafkhoer jawr-awq. Aqyawf-euq lafkhoer jawr nar-aq, aqyawf dovle ngae, aqdui nuima zifdanni ghae-awr, aqyawf oe ngae, aqyawf-euq maeqshi maqya shafdawr-ar.

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.

2 Gawˇliˬtu 4:17

Nymq-mr nga’maf tiqkhaeq-euq lafkhoer ya daqluf-eu pyarsawvni ghae-eu shaqzanq heudeuq-aq, maq ciqcaev nya-eu myaq duidui-awr, mqmaq maqbyav yarzir, huiq-eu yawshaef khanqsaer-anr nga’maf-anr biza-eu gharduq mrluf-eu jeq pyeuf-eu mae.

1 Yoˇhaˬ 5:1

Yeqsur-aq, Kali mae laer kharjan-eu tsawrhaq, Miqyaer-anr nae daefle-euq mae. Miqyaer-anr khargaq-eu tsawrhaq-aq, Aqda Miqyaer-anr nae daefle-euq ghaq-anr khawf gaq taef-a.

Jaceuq 31:19

Or-oq, nawq-anr guv-eu deuq-euq khoertav bi keuvle-awr, Nawq nae tsawrhaq-euq zaqdeuq-euq maeqshi, Nawq-anr ghoe-eu deuq-euq gharduq laeqhmq taq-euq yawmuiq jeq arnavni huiq-eu nga.

Jaceuq 16:11

Nawr, ngaq-anr daef-eu jeq bif-eu garma toeqmaeq naeqlaf-euq mae; Nawq-euq maeqshi laqkhaq caer-eu jeq byan-awr; Nawq-euq armar laf-anr, mqmaq maqbyav yarzir lurgha caergha-eu jeq jav-eu mae.

Luˇkaꞈ 17:30

Tsawrhaq-euq Zaqyo-anr bi dovle ngae nan khawf, khoerlof-aer dur taef-a.

Luˇkaꞈ 20:36

Aqjeq mirnae aernar-aq, aqyawfmaf maq shirnya-aer mqtav ghaqkhaer lof-aer pyeuf taef-a. Aqyawf maf-aq, ghofdaef lar-eu tsawrhaq mirnae, Miqyaer-euq zaq pyeuf taef-a.

Yoˇhaˬ 1:12

Aerkhawf, aqyawf-anr hageuf-awr, aqyawf-euq tsawrmyanr-anr kharjan-eu tsawrhaq-anr aqyawf, aqyawf maf-anr aryaq bif-awr, Miqyaer-euq zaq bi pyeuflar-eu mae.

Yoˇhaˬ 11:52

Tsawrjeuq khoerjeuq-euq gharduq taef-aer maqngeur-a. Aerkhawf, jawrbyav taq-euq Miqyaer-euq zaqdeuq, tiq mur taef-aer pyeuflarni aqyawf lavuiq-eu mae.

Lormav 8:16

Aqdui-aq, Miqyaer-euq zaq mae laer muiq-eu Saflar, aqdui-euq saflar naeq-aer sarkir kamq-eu mae.

Lormav 8:19

Khar baetaq-euq jeq, Miqyaer-euq zaqdeuq dovle-eu gar mawrmawf-awr, noeqtmq duidui-eu lafkhoer lofluf-eu mae.

1 Yoˇhaˬ 2:7

Ngar zawr gaq-eu aqyuif aqnyir deuq-or! Dawq yawshuif tiq dawq ngar, nawmaf-anr bofanr lef-eu maqngeur. Yawbae ngae nae nawmaf-anr biftaq yaf-awr, nawmaf siqluf-eu dawq yawoer khoerdawq bofanr lef-eu ma. Biftaq yaf-euq dawq yawoer khoerdawq-aq, nawmaf gaqhaw-euq dawq khoerdawq mae.

1 Yoˇhaˬ 3:10

Khoermirnae, Miqyaer-euq zaq hawr-eu naef sanqpaq-euq zaq beugar-eu byacaevni siqlar-eu mae. Tsaq-awr dawr-eu jeq maqmr-eu tsawrhaq hawr-eu yawqha-euq maernmr-anr maqgaq-eu aqsur ghaq maqkaq, Miqyaer-euq zaq maqngeur-a.

1 Yoˇhaˬ 3:21

Ngar zawr gaq-eu cawqdeuq-or! Aqdui-euq nuima yawqhar yawqha yarkhaq maqdar nar-aq, Miqyaer-euq maeqshi aqdui-euq nuima zifdanni jav-eu ma.

Panmaeq 2:28

ngar khawf aqyawf-anr shawqga shawqmuir bifnaeq ma.