1 Yoˇhaˬ 3:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Kali, aqdui-euq gharduq shirdan-euq mirnae, gaq-eu laer aqjox-aer ghae-eu gar aer-eu la laer aqdui siqnya ma. Aqdui khawf aqyuif aqnyir-euq gharduq shirdan-eu tsaq mae.

Akha

¹⁶ Aˬ dui gʼaˇ duˬ Ka li shiˇ dah-euˬ miˇ neh, gʼoeˇ-eu gaˬ-eu jeˬ lehˇ ehˇ-eu-aˬ, kʼoeˇ loꞈ-ehˇ gʼeh gaˇ ehˇ-eu meh lehˇ aˬ dui siˬ nya-eu ma. Aˬ dui kʼawꞈ, aˬ dui-euˬ tsawˇ haˬ pyeuꞈ-eu jah-eu tsawˇ haˬ deuˬ gʼaˇ duˬ shiˇ dah-eu tsaˬ meh.

1 Yoˇhaˬ 3:16 Referans Kwoze

Eˇpeˇsu 5:2

Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

Yoˇhaˬ 13:34

Nawmaf tiqghaq tirghaq gaq-awq laer ngar, nawmaf-anr dawq yawshuif tiq dawq bif-eu ma. Ngar, nawmaf-anr gaq-euq lof-aer, nawmaf khawf tiqghaq tirghaq gaq-awq.

Yoˇhaˬ 3:16

“Miqyaer, mirtsaqzaq-anr gaq duidui-eu mirnae, aqyawf-euq Zaqyo tiq ghaq taef khawf bifnaeq lef-euq mae. Zaqyo-anr kharjan-eu tsawrhaq maqya cawv-ir-eu uqtaf, mqmaq maqbyav yarzir yadaef-eu mae.

Lormav 5:8

Aerkhawf, Miqyaer, aqdui-anr gaq-eu byacaevni bi mawrlar-eu laer aqdui, iqbaxzaq pyeufluf ngae, Kali, aqdui-euq gharduq shirdan-euq mae.

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

Maꞈtehˬ 20:28

Aqjeq mirnae aernar-aq, Tsawrhaq-euq Zaqyo-aq, aqcawq-anr yawqha-euq kuirlaf bigeuf-eu laer oe-euq maqngeur-eu. Aqcawq-euq kuirlaf geuf-awr, tsawrhaq ghawqmya ni-euq gharduq yawqha-euq daefzir bif-awr kakhof-eu laer oe-euq mae.”

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Eˇpeˇsu 5:25

Khaqdzerzaq deuq-or! Kali, Kalizaq armur-anr gaq-awr, aqyawf-euq mawrdo bifnaeq-euq lof-aer, yawqha-euq miqzaq-anr gaq-awq.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

Lormav 16:4

Ngaq-euq daefzir-euq gharduq, aqnyaf dzerzaq, yawqha-euq kawqlanr nae kamqpeuq-euq mae. Ngar taef-aer aqnyaf dzerzaq-anr jaceuq-eu maqngeur-a. Aqcawq tsawrjeuq tsawrca pyeuf-eu Kalizaq armur dawqtawvluf khawf jaceuq-eu mae.

1 Yoˇhaˬ 2:6

Ngar, aqyawf-euq lafkhoer jawrluf ma laer kharaer-eu tsawrhaq-aq, Yeqsur nae daef-euq lof-aer daef-eu tsaq mae.

Yoˇhaˬ 10:15

Khoerlof-aer durni, Aqda, ngaq-anr siqnya-awr, ngar khawf Aqda-anr siqnya-eu ma. Ngar, ngaq-euq daefzir yawrdeuq-euq gharduq shirdan peuq-eu ma.

Piˇliˇpiˆ 2:17

Nawmaf-euq jan-eu jeq-anr taf-eu uqduq tanq-eu gar hawr-eu, lawrnaeq-eu jeq-euq khoertav ngaq-euq mawrdo shaevdav-awr, lawr-eu jeq lof-aer yabi shaevdav-eu law khawf, ngar laqkhaq caer-awr, nawmaf dawqtawvluf naeq-aer laqkhaq cawcaer ma.

Panmaeq 5:9

Aqyawfmaf cardawq yawshuif heulof-aer car-eu mae: “Nawr-aq, yovtaq-euq sanqbof teuyov yur-awr, Jmq diqtaq-euq gheudzae-eu geux-eu mae. Aqjeq mirnae aernar-aq, nawr saef-euq gar yadaq-awr, Nawq-euq shiq nae yawqjeq navluf-euq arjeuq arca, dawqngaeq dawqbav, tsawrhaq hawr-eu tsawrjeuq tsawrca-anr, kakhof-awr Miqyaer-anr bi gawflar naeqlaf-euq mae.

1 Beˬtuˆluˆ 2:24

Aqdui iqbax-anr shirtsaev tsaev-awr, tsaq-awr dawr-eu jeq-euq gharduq daefni, Kali-euq mawrdo-euq lafkhoer aqdui-euq iqbax pi-awr, darkawq lafyaq-euq khoertav shirdan-euq mae. Aqyawf nae ya’nar-euq markhaeq-euq baqda’nae, nawmaf taqler-euq mae.

1 Beˬtuˆluˆ 1:18

Nawmaf-euq aqpoeq deuq nae tawqka lef-euq, gardanr maqtsoeq-eu mrjeq sharkawv-anr nae, nawmaf-anr kakhofdov naeqlaf-euq khoer-aq, cawv-ir nya-eu pyur hawr-eu shuir lof-aer ghae-eu jeq-anr ghoe-awr nae, kakhof naeqlaf-euq maqngeur-a laer nawmaf siqnya-awq.

Piˇliˇpiˆ 2:30

Aqjeq mirnae aernar-aq, nawmaf nae ngaq-anr maq cawba jirnya-euq jeq-anr cawba-eu gharduq, aqyawf-euq daefzir lawrnaeq-awr, shirtaw taeqni Kali-euq gar mr-euq mae.

Yoˇhaˬ 10:11

“Ngar-aq, muiq-eu yawr bo-eu ghaq ma. Muiq-eu yawr bo-eu ghaq-aq, aqyawf-euq daefzir yawrdeuq-euq gharduq shirdan peuq-eu mae.

1 Teˇsaˬloˇni 2:8

Nga’maf, nawmaf-anr gaqsaef-eu mirnae, nawmaf-anr Miqyaer-euq guiqlanqdawq taef-aer maqngeur-eu, nga’maf-euq daefzir khawf bifpeuq-eu ma. Aqjeq mirnae aernar-aq, nawmaf-aq, nga’maf gaq duidui-eu tsawrhaq ma.

1 Yoˇhaˬ 2:9

Tsawrhaq tiqghaqnav, ngar yawshaef-euq lafkhoer jawrluf ma laer aer-eu khawf, aqyawf-euq maernmr-anr byae nar-aq, aqyawf-aq, nymq-mr keuvni yawzanr-euq lafkhoer jawrluf-a siq.

2 Gawˇliˬtu 4:12

Khoermirnae, nga’maf-euq lafkhoer shir-eu jeq gar mrluf-eu khawf, nawmaf-euq lafkhoer daef-eu jeq gar mrluf-eu mae.