1 Yoˇhaˬ 3:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqdui tiqghaq tirghaq yagaq mae laer aertaq-euq dawq khoerdawq-anr, yawbae ngae nae nawmaf yagaq taq-euq mae.

Akha

¹¹ Aˇ dahˬ beh ngeh neh naw maꞈ ya gaˬ taˬ-euˬ guiˬ lahˬ dawˬ-aˬ, aˬ dui tiˬ gʼaˬ tiˇ gʼaˬ ya gaˬ meh lehˇ ehˇ-eu kʼoeˇ dawˬ meh.

1 Yoˇhaˬ 3:11 Referans Kwoze

Yoˇhaˬ 15:12

Ngar, nawmaf-anr dawq heulof-aer bif-eu ma. Ngar, nawmaf-anr gaq-eu lof-aer, nawmaf khawf tiqghaq tirghaq gaq-awq.

2 Yoˇhaˬ 1:5

Zaqmiq-or! Aqdui tiqghaq tirghaq gaq kar-eur laer nymq-mr ngar, nawq-anr shar-eu ma. Biftaq yaf-euq dawq yawshuif ngar, nawq-anr bofanr lef-eu maqngeur. Yawbae ngae nae aqdui zataq-euq dawq khoerdawq, ngar, nawq-anr bofanr lef-eu ma.

1 Yoˇhaˬ 4:7

Ngar zawr gaq-eu cawqdeuq-or! Aqdui tiqghaq tirghaq gaq kar-eur. Aqjeq mirnae aernar-aq, gaq-eu jeq-aq, Miqyaer-anr nae dovle-euq mae. Gaqnya-eu yawqghaq navluf, Miqyaer-anr nae daefle-awr, Miqyaer-anr siqnya-eu mae.

1 Yoˇhaˬ 4:21

Miqyaer-anr gaq-eu tsawrhaq-aq, yawqha-euq maernmr-anr khawf yagaq-eu mae laer aer-eu dawq khoerdawq-aq, Miqyaer nae aqdui-anr biftaq-euq dawq mae.

1 Beˬtuˆluˆ 4:8

Dawqtawv luf-euq khoertav huiqdzaeq-eu jeq-aq, aqdir gaq-eu jeq nae tiqghaq tirghaq gaq-awq. Aqjeq mirnae aernar-aq, “Gaq-eu jeq-aq, zawr myaq-eu iqbax-anr daeqkaq-eu mae.” (Dd 10:12)

1 Beˬtuˆluˆ 3:8

Arsaq heulof-aer saq-eu ma: nawmaf dawqtawvluf nuima tiqsiq taef-aer taq-awr, tiqghaq tirghaq ghawqshaq gaq-eu uqtaf, aqyuif aqnyir yawkaq gaq-eu lof-aer gaq-awr, nuima nanqyuni ghae-eu lafkhoer, aqcawq-euq gharduq sharnoeq nya-awq.

Eˇpeˇsu 5:2

Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

1 Yoˇhaˬ 1:5

Miqyaer-aq, yawshaef mae. Aqyawf-euq lafkhoer yawzanr tiqpawf-iq maqanr-a. Heu-aq, nga’maf, Sanqpaq Yeqsur maeq-eu gar yagaq-awr, nawmaf-anr ja’maeq-eu ma.

1 Teˇsaˬloˇni 4:9

Aqyuif aqnyir yawkaq gaq-eu garkawv, nga’maf, nawmaf-anr sanqbof bofanr lef-eu laer maqya ghae-ar. Aqjeq mirnae aernar-aq, tiqghaq tirghaq gaq-awq laer Miqyaer, nawmaf-anr maeqnaeq tsovnaeq-euq mae.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

1 Tiˆmoˇseˬ 1:5

Dawq bif-eu heu-aq, gaq-eu jeq bi dovlar-eu gharduq ma. Gaq-eu jeq heu, shawrjaevni ghae-eu nuima, muiq-eu zaqsiq nuisiq hawr-eu shawrjaevni jan-eu nuima-euq lafkhoer nae ya dovlar-eu mae.

Gaˬlaˬtiˆ 6:2

Nawmaf, Kali-euq zanr-anr mrbyanni, tiqghaq tirghaq-euq khavbaev cawpi-awq.

Yoˇhaˬ 13:4

Khoerngae, Yeqsur hawqjawq jawqluf-eu gar nae tur-awr, aqyawf-euq paerkhanq paermanr laevtaq ghaq-euq nar-aq, parjae yur-awr nae jof-anr paf-euq mae.

1 Yoˇhaˬ 4:11

Ngar zawr gaq-eu cawqdeuq-or! Miqyaer, aqdui-anr heunav nav-aer gaq-euq mirnae, aqdui khawf tiqghaq tirghaq gaq-eu tsaq mae.