1 Yoˇhaˬ 2:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aerkhawf, khaerdawq yawshuif laer aernya-eu tiq dawq ngar, nawmaf-anr bofanr lef-eu ma. Dawq khoerdawq tsaq-awr dawr-eu-aq, Kali-euq lafkhoer hawr-eu nawmaf-euq lafkhoer mawrlar-eu mae. Aqjeq mirnae aernar-aq, yawzanr byov-ir luf-awr, nymq-mr marjawvni ghae-eu yawshaef byadovlar luf-eu mae.

Akha

⁸ Ehˇ kʼawꞈ, nymˬ-mˇ ngaˇ naw maꞈ jawˇ gaˇ boꞈ ahˇ laꞈ-euˬ dawˬ heu-aˬ, yaw shuiꞈ lehˇ ehˇ nya ma. Aˬ jeˬ miˇ neh ehˇ naˇ, dawˬ heu-euˬ yaw tsaˬ yaw dawˇ jeˬ-ahˇ Ka li-euˬ laꞈ kʼoeˇ ya mawˇ-awˇ, naw maꞈ-euˬ laꞈ kʼoeˇ kʼawꞈ ya mawˇ-eu meh. Aˬ jeˬ miˇ neh ehˇ naˇ, yaw zahˇ byoˆ-iˇ luꞈ-awˇ, maˇ jawˆ ni gʼeh-eu yaw shehꞈ nymˬ-mˇ bya doˆ le-euˬ meh.

1 Yoˇhaˬ 2:8 Referans Kwoze

Eˇpeˇsu 5:8

Dzeurlaf ngae, nawmaf yawzanr pyeuf-eu khawf, nymq-mr-aq, Sanqpaq Miqyaer-euq lafkhoer yawshaef pyeuflar-euq mae. Khoermirnae, yawshaef-euq zaq lof-aer daef-awq.

Lormav 13:12

Uqcif dzeur-awr, uqbya byalar shaw-iq-eu ngar-a. Khoermirnae, yawzanr-euq gardeuq-anr byaerdzae yaf-awr, yawshaef-euq guirdeuv keuka dmdav kar-eur.

Yoˇhaˬ 13:34

Nawmaf tiqghaq tirghaq gaq-awq laer ngar, nawmaf-anr dawq yawshuif tiq dawq bif-eu ma. Ngar, nawmaf-anr gaq-euq lof-aer, nawmaf khawf tiqghaq tirghaq gaq-awq.

Yoˇhaˬ 8:12

Yeqsur, aqyawf maf-anr tiq pov par aernaeq-eu, “Ngar-aq, mirtsaq-euq yawshaef ma. Ngaq-euq maeqnan cantae-eu tsawrhaq-aq, yawzanr-euq lafkhoer maqpar can-aer, daef-eu jeq bif-eu yawshaef za taef-a.”

Yoˇhaˬ 1:9

Yawshaef khoer-aq, marjawvni ghae-eu yawshaef mae. Yawshaef khoer mirtsaq-euq khoertav khar daefle-euq tsawrhaq dawqtawv luf-anr bya’naeq le-euq mae.

Yoˇhaˬ 12:46

Ngaq-anr kharjan-eu tsawrhaq yawzanr-euq lafkhoer maqya jawrni, ngar yawshaef lof-aer mirtsaq-euq khoertav oe-euq ma.

1 Yoˇhaˬ 4:21

Miqyaer-anr gaq-eu tsawrhaq-aq, yawqha-euq maernmr-anr khawf yagaq-eu mae laer aer-eu dawq khoerdawq-aq, Miqyaer nae aqdui-anr biftaq-euq dawq mae.

1 Yoˇhaˬ 4:11

Ngar zawr gaq-eu cawqdeuq-or! Miqyaer, aqdui-anr heunav nav-aer gaq-euq mirnae, aqdui khawf tiqghaq tirghaq gaq-eu tsaq mae.

2 Tiˆmoˇseˬ 1:10

Aerkhawf, nymq-mr-aq, aqdui-euq Kakhof-eu ghaq Yeqsur Kali dovle-euq mirnae, aqdui guiqlanq yawdzanr khoer-anr byacaevni ya’mawr-euq ma. Aqyawf guiqlanq dawq-anr ghoe-awr shir-eu jeq-anr lavbyov-awr, daef-eu jeq hawr-eu maq shirnya-eu jeq yurlef-awr byacaevni bimawr naeqlaf-euq mae.

2 Gawˇliˬtu 8:9

Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

Gʼaˬkʼehˇ 17:30

Dzeurlaf ngae, tsawrhaq nae maq siqnya-aer mr-euq deuq-anr Miqyaer hawdzeur-euq mae. Aerkhawf, nymq-mr yawqgar navluf jawr-eu tsawrhaq dawqtawvluf noeqpov noeqpar-awq laer dawq bif-euq mae.

Luˇkaꞈ 1:79

Yawzanr-euq lafkhoer shir-eu narshmr-euq uqmov jawr-eu tsawrhaq-anr yawshaef bya’naeq-awr, Aqdui-euq aqkuir-anr nuisar of-eu garma-anr sheuqmaeq naeqlaf taef-a.”

Jaceuq 36:9

Aqjeq mirnae aernar-aq, nawr daef-eu jeq bif-eu cuq jav-awr; Nawq-euq yawshaef-euq lafkhoer, nga’maf yawshaef mawrnya-eu ma.

Jaceuq 27:1

Ya’we Miqyaer-aq, ngaq-euq yawshaef hawr-eu ngaq-anr bibuq-ir-eu ghaq mae. Ngar, aqsur ghaq-anr yaguv-eu la? Ya’we Miqyaer-aq, ngaq-euq daefzir-euq ghaq pyeuf-eu mae. Ngar, aqsur ghaq-anr guvkhar parza-eu la?

Yoˇhaˬ 12:35

Yeqsur, aqyawf maf-anr heulof-aer aernaeq-euq mae, “Nawmaf jawr-eu gar yawshaef tiqkhaeq bya-a siq. Yawzanr nawmaf-anr maqbi taemini, yawshaef bya ngae can-awq. Yawzanr-euq lafkhoer can-eu tsawrhaq-aq, aqyawf aqgeugar irluf-eu le laer maq siqnya-a.

Maꞈtehˬ 4:16

Yawzanr-euq lafkhoer jawr-eu tsawrhaq heudeuq, Zawr bya-eu yawshaef-anr ya’mawr-euq mae. Mirkhanq heudeuq-anr hawr-eu shir-eu narshmr-euq uqmov nuirluv-eu tsawrhaq deuq-euq gharduq, yawshaef byadov le-euq mae.” (Isy 9:1-2)

Jaceuq 84:11

Aqjeq mirnae aernar-aq, Miqyaer pyeuf-eu Ya’we Miqyaer-aq, Nanrma hawr-eu daeqdaqduq pyeuf-eu mae. Ya’we Miqyaer, guiqlanq yawdzanr hawr-eu, Yawshaef khanqsaer bif-awr; Aqyawf dawrcoeni can-eu deuq-anr, Yawmuiq jeq maqbif-aer maqghae-a.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

1 Yoˇhaˬ 3:23

Miqyaer nae biftaq-euq dawq-aq heulof-aer mae. Aqdui, aqyawf-euq Zaqyo, Yeqsur Kali-euq tsawrmyanr-anr yajan-awr, aqyawf nae dawq biftaq yaf-euq lof-aer tiqghaq tirghaq yagaq-eu mae.