1 Yoˇhaˬ 2:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ngar, aqyawf-euq lafkhoer jawrluf ma laer kharaer-eu tsawrhaq-aq, Yeqsur nae daef-euq lof-aer daef-eu tsaq mae.

Akha

⁶ Miˬyehˇ laꞈ kʼoeˇ jawˇ luꞈ ma lehˇ ehˇ-eu tsawˇ haˬ aˬ geu gʼaˬ maˬ kaˬ, Yeˬsuˇ Ka li dehꞈ-eu loꞈ-ehˇ dehꞈ-eu tsaˬ meh.

1 Yoˇhaˬ 2:6 Referans Kwoze

1 Beˬtuˆluˆ 2:21

Khoer-euq gharduq nawmaf-anr kurdov taq-euq mae. Aqjeq mirnae aernar-aq, Kali khawf aqdui-euq gharduq shaqzanq daq-awr, aqdui hawgeuf dzawgeufduq pyeuflar-euq uqtaf, nawmaf, aqyawf-euq kuirtof-euq maeqnan bi cantae-eu gharduq mae,

Yoˇhaˬ 13:15

Ngaq nae mr-euq lof-aer nawmaf khawf mrni, nawmaf bi hawgeuf-eu laer ngar mrmaeq naeq-eu ma.

1 Gawˇliˬtu 11:1

Ngar, Kali-anr mrcaw-eu lof-aer, nawmaf khawf ngaq-anr mrcaw-awq.

1 Yoˇhaˬ 3:6

Aqyawf-euq lafkhoer jawr-eu tsawrhaq aqsur ghaq maqkaq, iqbax maqpar mr-a. Iqbax kharmr-eu tsawrhaq aqsur ghaq maqkaq, aqyawf-anr maq mawrhaw-aer maq siqnya-euq tsawrhaq mae.

Eˇpeˇsu 5:2

Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

Maꞈtehˬ 11:29

Ngar-aq, nuima nanqyuni ghae-awr nuinanq nuiyu anr-eu ma. Nawmaf, ngaq-euq khavbaf baf-awr, ngaq-anr dzawgeuf-awq. Khoerlof-aer dzawgeuf nar-aq, nawmaf-euq nuima saflar ghaqnaq za taef-a.

1 Yoˇhaˬ 2:4

“Ngar, aqyawf-anr siqnya ma” laer tiqghaqnav aer-eu khawf, aqyawf nae biftaq-euq dawq-anr maq narhaqgeuf nar-aq, aqyawf-aq, jaqmyawf myawf-eu tsawrhaq pyeuf-awr, aqyawf-euq lafkhoer yawtsaq yawdawr jeq maqanr-a.

1 Yoˇhaˬ 2:28

Ngar gaq-eu zaqdeuq-or! Nawmaf, Kali-euq lafkhoer jawr-awq. Aqyawf-euq lafkhoer jawr nar-aq, aqyawf dovle ngae, aqdui nuima zifdanni ghae-awr, aqyawf oe ngae, aqyawf-euq maeqshi maqya shafdawr-ar.

Jaceuq 85:13

Aqyawf-euq maeqhu tsaq-awr dawr-eu jeq candov ghae-awr; Aqyawf nae ciq-euq kuirtof, aqdui-euq cankawv bi pyeuflar taef-a.

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

1 Yoˇhaˬ 3:24

Miqyaer nae aqdui-anr bif-euq dawq-anr narhaq geuf-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawr-eu mae. Miqyaer nae biflef-euq Muiq-eu Saflar baqda’nae, Miqyaer, aqdui-euq lafkhoer jawr mae laer aqdui siqnya-eu ma.

1 Yoˇhaˬ 4:17

Yarkhaqdar ngae nan, aqdui nuima zifdanni ghaenya’ni, aqdui-euq lafkhoer gaq-eu jeq byanlar-euq mae. Aqjeq mirnae aernar-aq, mirtsaq-euq khoertav, aqdui khawf, Yeqsur lof-aer pyeufluf-eu ma.