1 Yoˇhaˬ 2:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqjeq mirnae aernar-aq, mirtsaq-euq khoertav kharjav-eu yawqjeq navluf—shiqshaq-euq nuikhanr, myavnuiv-euq nuikhanr hawr-eu daefzir-euq lafkhoer nuima huiq-eu heudeuq-aq, Aqda Miqyaer-anr nae dovle-euq maqngeur-a, mirtsaq-anr nae dovlar-euq mae.

Akha

¹⁶ Miˇ tsaˬ heu kʼoeˇ taˆ jaˆ-eu jeˬ pyeuꞈ-eu, shiˬ shaˬ jiˇ nui kʼahˇ, myaˆ nuiˆ-euˬ nui kʼahˇ, huiˬ mawꞈ mahˇ mawꞈ-eu nui ma, heu deuˬ dawˬ tawˆ luꞈ Aˬda Miˬyehˇ jawˇ gaˇ neh doˆ le-euˬ jeˬ maˬ ngeuˇ-a. Miˇ tsaˬ heu kʼoeˇ taˆ jaˆ-eu jeˬ pyeuꞈ-eu meh.

1 Yoˇhaˬ 2:16 Referans Kwoze

Lormav 13:14

Maeqtsoeq dm-eu lof-aer Sanqpaq Yeqsur Kali dmdav-awq. Shiqshaq-euq nuikhanr mrbyan-eu laer tiqjeq-iq laeqhmq taq-awr taqbi jav.

Gaˬlaˬtiˆ 5:17

Aqjeq mirnae aernar-aq, shiqshaq-euq nuikhanr-aq, muiq-eu Saflar-anr lavtsoeq-awr, muiq-eu Saflar khawf, shiqshaq-euq nuikhanr-anr lavtsoeq-eu mae. Nawmaf mrmawf-eu jeq maq mrnya’ni, heu nyiq jeqluf tiqjeq tirjeq muir-eu mae.

Dawqdaq 27:20

Shiqbuir lanma hawr-eu lavcawv-eu jeq-aq, Byanlar-eu maqbaw-eu lof-aer, Tsawrhaq-euq myavnuiv khawf, Hawdaev-euq maqbaw-a.

Eˇpeˇsu 2:3

Khoerngae, aqdui khawf aqyawf maf-euq lafkhoer keuq-awr, shiqshaq-euq nuikhanr tiqshir mr-awr, nuinoeq hawr-eu shiqshaq khar lovlar-eu jeq mr-euq ma. Aqdui khawf aqcawq kharpyeuf-eu jeq pyeuf-awr, nuima paer-eu jeq-euq zaq pyeufyaf-euq ma.

Yaˬkoˆ 3:15

Khoerlof-aer ghae-eu zaqsiq tsawrganr-aq, mq-anr nae dovle-euq maqngeur-a. Mirtsaq-anr taf-eu, shiqshaq-anr taf-eu hawr-eu naef-anr taf-eu zaqsiq tsawrganr mae.

1 Beˬtuˆluˆ 2:11

Ngar zawr gaq-eu aqyuif aqnyir deuq-or! Nawmaf-aq, aqcawq mirkhanq-anr jawrnaq mr-awr jawrzar sharpov luf-eu daqyan mae. Ngar, nawmaf-anr heulof-aer shar-eu ma, nawmaf-euq nuima saflar-anr guirdeuv deuvluf-eu shiqshaq-euq nuikhanr deuq-anr byaerdzae-awq.

2 Beˬtuˆluˆ 2:10

Aqcawq-anr navmaqtser, aryaq-euq uqmov maq jawrmawf-aer, jawflafni ghae-eu shiqshaq-euq nuikhanr-euq maeqnan cantae-eu tsawrhaq-anr khaeqnaeq khavnaeq taef-a. Tsawrhaq heudeuq-aq, nuima huiq-awr yawqha-euq nuikhanr taef-aer geuf-eu mae. Aqyawfmaf, khanqsaer jav-eu deuq-anr khawf maqguvni dawqdoer ngaeq-eu mae.

Tiˇtuˆ 2:12

Guiqlanq yawdzanr khoer, aqdui-anr heulof-aer maeqnaeq laf-eu mae. Miqyaer-anr yawzeu maqbaw-eu jeq-anr hawr-eu heuzir-anr maerjuir juir-eu jeq-anr byaerdzae-awq laer maeqnaeq laf-eu mae. Mirtsaq-euq khoertav jawr ngae, nuima taqnya-awr, tsaq-awr dawr-eu lafkhoer daef-eu uqtaf, Miqyaer-anr yawzeu baw-eu tsawrhaq pyeuf-awq laer khawf maeqnaeq laf-eu mae.

Jaceuq 78:18

Aqyawfmaf khar dzaqmawf-eu jeq bidzaq naeqlaf laer shar-awr, Aqyawf maf-euq nuima-euq lafkhoer Miqyaer-anr tsermr haw-euq mae.

2 Beˬtuˆluˆ 2:18

Aqyawfmaf gardanr maqtsoeq-aer jasae-eu dawq ngaeq-awr, yawbanq-euq lafkhoer daef-euq gar nae caevdzeur-euq deuq-anr, jawflafni ghae-eu jeq hawr-eu shiqshaq-euq nuikhanr deuq nae murtawv luf-eu mae.

1 Beˬtuˆluˆ 1:14

Aerdawq narhaq geuf-eu zaq lof-aer daef-awq. Dzeurlaf ngae, nawmaf tiqjeq-iq maq siqnya-eu mirnae, yawqha-euq nuikhanr geuf-awr daef-euq lof-aer taqdaef.

Tiˇtuˆ 3:3

Aqjeq mirnae aernar-aq, dzeurlaf ngae aqdui khawf, aqdzawq argan gan-awr, aerdawq maq narhaq-eu uqtaf, maershuir-anr tawvler-awr, nuikhanr hawr-eu lurgha caergha-eu ghawqmya jeq-euq zaqkhav geuf-euq, muir-eu hawr-eu myavnav nav-eu lafkhoer daef-awr, aqcawq, aqdui-anr byae-eu uqtaf, aqdui khawf tiqghaq tirghaq byae-euq ma.

Maꞈtehˬ 5:28

Aerkhawf, ngar, nawmaf-anr aernaeq nyar, zaqmiq aqbur-anr haw-awr, banqmawf joemawf-eu nuima anr-eu aqsur ghaq maqkaq, yawqha-euq nuima-euq lafkhoer zaqmiq aqbur khoerghaq naeq-aer banq-awr joeghaq-euq mae.

Jaceuq 73:6

Khoermirnae, nuima huiq-eu jeq, aqyawf maf-euq lanrdan lof-aer pyeuf-awr, Coeqler civler-eu jeq, maeqtsoeq dm-eu lof-aer dmkaq taq-euq mae.

Luˇkaꞈ 4:5

Khoernar-aq, naef sanqpaq, aqyawf-anr gawqjawq yawgor-anr sheuqdav lef-awr, aqyawf-anr tiqkhaeq taef-aer mirtsaq-euq khoertav kharjav-eu mirkhanq dawqtawvluf bimawr-euq mae.

Gaˬlaˬtiˆ 5:24

Yeqsur Kali-anr khartaf-eu tsawrhaq deuq-aq, shiqshaq naeq-aer shiqshaq-euq nuinoeq nuilov hawr-eu nuikhanr dawqtawvluf lafyaq-euq khoertav taftaeq-euq mae.

Maꞈtehˬ 4:8

Khoernar-aq, naef sanqpaq, aqyawf-anr gor duidui-eu gawqjawq-anr sheuqdav lef-awr, aqyawf-anr mirtsaq-euq khoertav kharjav-eu mirkhanq dawqtawvluf hawr-eu, mirkhanq khoerdeuq-euq yawshaef khanqsaer dawqtawv luf-anr bimawr-awr,

Jaceuq 78:30

Aqyawfmaf dzaqmawf-eu jeq maqya dzaq-aer maqghae-aq. Aerkhawf, dzar khoer aqyawf maf-euq khaqmae-anr anrluf ngae,

Dawqdaq 6:25

Nawq-euq nuima-euq lafkhoer, aqyawf-euq arghaer muiq-eu jeq-anr nuikhanr taqjav. Aqyawf-euq myavnuiv khovtaev nae nawq-anr taqbi nyaefza.

1 Gawˇliˬtu 10:6

Aqyawfmaf yawdoer jeq-anr maerjuir juir-euq lof-aer, aqdui khawf maqya juirni, garkawv heudeuq-aq, aqdui hawgeufduq pyeuf-eu mae.

Yaˬkoˆ 4:16

Aerkhawf, nymq-mr nawmaf nuima huiq-awr, khanqsaer jaevluf-eu mae. Khanqsaer jaev-eu dawqtawvluf yawdoer mae.