1 Yoˇhaˬ 2:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Yawqha-euq maernmr-anr gaq-eu tsawrhaq-aq, yawshaef-euq lafkhoer jawrluf-eu mirnae, aqyawf-euq baqda’nae aqcawq sanqtif tifkhar maqza-a.

Akha

¹⁰ Yawˬ ha-euˬ tsawˇ haˬ pyeuꞈ-eu Ka li zaˬ deuˬ-ahˇ gaˬ-eu gʼoeˇ-eu tsawˇ haˬ-aˬ, yaw shehꞈ laꞈ kʼoeˇ jawˇ luꞈ-awˇ, aˬ yawꞈ baˬ da neh aˬ cawˬ iˬ baˇ mˇ-eu jeˬ maˬ jaˆ-a.

1 Yoˇhaˬ 2:10 Referans Kwoze

1 Yoˇhaˬ 3:14

Aqdui-aq, aqyuif aqnyir-anr gaq-eu mirnae, shir-eu jeq-anr nae dovlar-awr, daef-eu jeq-euq lafkhoer urler-euq ma laer siqnya ma. Yawqha-euq maernmr-anr maqgaq-eu tsawrhaq-aq, shir-eu jeq-euq lafkhoer jawrluf-a siq.

Lormav 14:13

Khoermirnae, aqkar nar-aq, aqdui tiqghaq tirghaq yarkhaq maqpar dar-aer, aqdui-euq maernmr sanqtif bitif-awr, bicoq-ir paq-aer maqpar janr-eu ma laer noeqtsaev kar-eur.

2 Beˬtuˆluˆ 1:10

Khoermirnae, aqyuif aqnyir deuq-or! Miqyaer nae nawmaf-anr kur-awr, tserdov-euq jeq byacaevni dovlar paq-aer, yawkhav-aer laejae-awq. Khoerlof-aer janr nar-aq, nawmaf tiqjawr-iq sanqtif maqtif-ar.

Yoˇhaˬ 8:31

Khoerngae, Yeqsur, aqyawf-anr jan-eu Yurdav tsawrhaq deuq-anr heulof-aer aernaeq-euq mae, “Nawmaf, ngaq-euq dawq-euq lafkhoer jawr nar-aq, aqdir aqmar ngaq-euq zaqlanr pyeuf-eu mae.

Maꞈtehˬ 18:7

Aqcawq-anr sanqtif bitifni mr-eu mirtsaqzaq-aq, ghawqshar shaq-aer ya ghaesaef taef-a. Aqcawq-anr sanqtif bitif-eu jeq javlar-eu yawduq baw-eu mae. Aerkhawf, aqcawq-anr sanqtif bitifni mr-eu tsawrhaq-aq, ghawqshar shaq-aer ya ghaesaef taef-a.

Maꞈtehˬ 13:21

Aerkhawf, aqyawf-euq lafkhoer duqcir maq ka’naf nya-euq mirnae, ghawqmyanrni maqgmq-a. Dawq khoer-euq baqda’nae shaq-awr zanq-eu jeq hawr-eu khaeq-awr khav-eu jeq keuvle ngae, tiqpov taef-aer coq-ir-eu mae.

Piˇliˇpiˆ 1:10

nawmaf yawmuiq jeq-anr tserpav nya’ni, nawmaf, Kali-euq arnan-anr keuvni, shawrjaevni ghae-awr sanqtif tifkhar maqza-eu tsawrhaq pyeuf-eu uqtaf,

Jaceuq 119:165

Nawq-euq zanrdawq-anr gaq-eu deuq-aq, Nuisar of-eu jeq huiq duidui-awr, Tiqjeq-iq, aqyawf maf-anr sanqtif maqbi tifler nya-a.

Yoˇhaˬ 11:9

Yeqsur heulof-aer aerkhof naeq-euq mae, “Tiq nan-euq lafkhoer naqliq 12 laf mq bya-eu maqngeur-a laq? Tsawrhaq tiq ghaq mq bya ngae garma can nar-aq, sanqtif maq tiflar-ar. Aqjeq mirnae aernar-aq, aqyawf, mirtsaq-euq yawshaef mawrnya-eu mae.

Yoˇhaˬ 12:35

Yeqsur, aqyawf maf-anr heulof-aer aernaeq-euq mae, “Nawmaf jawr-eu gar yawshaef tiqkhaeq bya-a siq. Yawzanr nawmaf-anr maqbi taemini, yawshaef bya ngae can-awq. Yawzanr-euq lafkhoer can-eu tsawrhaq-aq, aqyawf aqgeugar irluf-eu le laer maq siqnya-a.

1 Yoˇhaˬ 2:11

Aerkhawf, yawqha-euq maernmr-anr byae-eu tsawrhaq-aq, yawzanr-euq lafkhoer jawr-awr, yawzanr-euq lafkhoer canluf-eu mae. Yawzanr khoer aqyawf-anr myavbaef bibaef-ir-euq mirnae, aqyawf aqgar irluf-eu le laer maq siqnya-a.