1 Yoˇhaˬ 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqdui yawqha-euq iqbax yawqha aerdov nar-aq, Miqyaer-aq, sarjax zif-awr dawr-awr tsaq-eu lafkhoer, aqdui-euq iqbax pyaeqnaeq laf-awr, aqdui-euq maqtsaq maqdawr-eu dawqtawv luf-anr tsiqshawr naeqlaf-eu mae.

Akha

⁹ Ehˇ kʼawꞈ, aˬ dui iˬ baˇ ahˇ-eu ngeuˇ ma lehˇ Miˬyehˇ-ahˇ ja doˆ nehˬ naˇ, aˬ yawꞈ neh saˇ jaˇ dzaˬ taˬ-euˬ dawˬ-ahˇ ziꞈ-awˇ yaw tsaˬ yaw dawˇ dawˇ-ehˇ mˇ-eu laꞈ kʼoeˇ, aˬ dui-ahˇ iˬ baˇ pyehˬ nehˬ laꞈ-awˇ, mˇ lehˬ mˇ ca taˬ-euˬ dawˬ tawˆ luꞈ-ahˇ tsiˬ shawˇ dzeh nehˬ laꞈ tehꞈ-a.

1 Yoˇhaˬ 1:9 Referans Kwoze

Jaceuq 32:5

Ngar, ngaq-euq yawlaeq yawca maqzafni, Ngaq-euq iqbax nawq-anr ja’naeq-euq ma. Ngar heulof-aer aer-euq ma, “Ngar, ngaq-euq yawbanq yawlaeq, Ya’we Miqyaer-anr aerdovnaeq ma.” Khoerngae, nawr, ngaq-euq yawbanq yawlaeq-anr sivbyov naeqlaf-euq mae. Sela.

Dawqdaq 28:13

Yawqha-euq yawbanq yawlaeq daeqkaq-eu laer laejae-eu tsawrhaq-aq, Tiqjawr-iq maq daefdzaq lar-a. Aerkhawf, yawqha-euq yawbanq yawlaeq aerdov-awr, Byaerdzae-eu tsawrhaq-aq, ghawqshaq gaq-eu jeq za taef-a.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

HeˬByehˇ 10:23

Aqdui nae aerdov dzeur-euq noeqtmq-eu jeq-anr povpov lavlav-aer maqghaeni, zifdanni nyaeftaeqtaq kar-eur. Aqjeq mirnae aernar-aq, aqdui-anr sarjax bif-euq ghaq-aq, sarjax zif-eu mae.

1 Tiˆmoˇseˬ 1:15

“Iqbaxzaq-anr kakhof-eu laer Yeqsur Kali mirtsaq-euq khoertav oe-euq mae” laer aertaq-euq dawq heudawq-aq, jancoer paq-aer ghae-awr, tiqbyan tiqlof hageufcoer paq-aer ghae-eu mae. Ngar-aq, iqbaxzaq-euq lafkhoer aqcawq navmaqtser iqbax huiqdzaeq-eu ghaq ma.

1 Gawˇliˬtu 1:9

Miqyaer-aq, sarjax zif-eu mae. Aqyawf-euq Zaqyo pyeuf-eu aqdui-euq Sanqpaq Yeqsur Kali naeq-aer, cawq bicawq-eu laer aqyawf, nawmaf-anr kur-euq mae.

Gʼaˬkʼehˇ 19:18

Kali-anr janlar-euq tsawrhaq ghawqmya’ni lar-awr, yawqha nae mrlaeq taq-euq deuq aerdov aerdov-aer ja’naeq luf-eu mae.

Maˬkuˆ 1:5

Yurdav mirkhanq doeni jawr-eu tsawrhaq hawr-eu Yeqlursaqlaeq-anr jawr-eu tsawrhaq dawqtawvluf, Yorhaq jawr-eu gar ir-awr, aqyawfmaf, yawqha-euq iqbax jadov jadov-aer, Yawrdaq lawrbaq-euq lafkhoer Yorhaq nae bartirsaq bi mrnaeq-euq mae.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

Jaceuq 19:12

Yawqha-euq yawlaeq ghovshaw nya-eu aqsur ghaq jawr-eu la? Zaftaq-euq yawbanq-anr nae ngaq-anr tsiqshawr naeqlaf-awq.

1 Gawˇliˬtu 6:11

Dzeurlaf ngae, nawmaf tiqpavnav deuq khawf khoerlof-aer mr-euq mae. Aerkhawf, nymq-mr Sanqpaq Yeqsur-euq tsawrmyanr-euq uqmov hawr-eu, aqdui-euq Miqyaer-euq Saflar-anr ghoe-awr, nawmaf-anr mrshawr-awr lavshawr-euq uqtaf, tsiqshawr ghaq-euq mae.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

Panmaeq 15:3

Aqyawfmaf, Miqyaer-euq ghaqzaq ghaqkhaer pyeuf-eu Morseq-euq cardawq hawr-eu Yawrzaq-euq cardawq heulof-aer car-eu mae: “Baoq huiq duidui-eu Sanqpaq Miqyaer-or! Nawq nae mr-awr shar-euq deuq-aq, huiq duidui-awr, zanqler paq-aer ghae-eu mae. Tsawrshawr deuq-euq Sanqpaq-or! Nawq-euq garma-aq, dawr-awr tsaq-eu hawr-eu tsaq-awr dawr-eu mae.

HeˬByehˇ 11:11

Saqlar, zaq jawrle-eu aryamq dzeur-euq khawf jan-eu mirnae, aryoeq pyeuf-eu zaq tsaevler nya’ni ghaq za-awr, zaq tiq ghaq ciq-euq mae. Aqjeq mirnae aernar-aq, aqyawf-anr sarjax dzaq-euq ghaq-aq, sarjax zif-eu mae laer aqyawf noeqjir-euq mae.

Maꞈtehˬ 3:6

aqyawfmaf, yawqha-euq iqbax jadov jadov-aer, Yawrdaq lawrbaq-euq lafkhoer Yorhaq nae bartirsaq bi mrnaeq-euq mae.

Eˇpeˇsu 5:26

Kali, Kalizaq armur-anr lavshawr-awr tsiqshawr-eu laer, ircuf nae tsiqshawr-eu lof-aer Yaerdawq-anr ghoe-awr nae lavshawr-eu mae.

Lormav 3:26

Khoer-aq, aryamq heu-euq lafkhoer, aqyawf-euq tsaq-awr dawr-eu jeq panmaeq naeq-eu gharduq mae. Aqyawf-aq, tsaq-awr dawr-eu ghaq pyeuf-awr, Yeqsur-anr kharjan-eu tsawrhaq-anr mrshawr-eu ghaq pyeuf-eu ngar-a laer bi dovlar-eu gharduq mae.

Yoˇhaˬ 17:25

Tsaq-awr dawr-eu Aqda-or! Mirtsaqzaq, nawq-anr maq siqnya-eu khawf, ngar, nawq-anr siqnya ma. Nawq nae ngaq-anr khaerghae lef-euq mae laer tsawrhaq heudeuq siqnya-eu mae.

Luˇkaꞈ 22:57

Aerkhawf, Beqtuvluv pyaer-eu, “Zaqmiq aqbur-or! Ngar, aqyawf-anr maq siqnya nya.”