1 Yoˇhaˬ 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

Akha

⁷ Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.

1 Yoˇhaˬ 1:7 Referans Kwoze

Eˇpeˇsu 5:8

Dzeurlaf ngae, nawmaf yawzanr pyeuf-eu khawf, nymq-mr-aq, Sanqpaq Miqyaer-euq lafkhoer yawshaef pyeuflar-euq mae. Khoermirnae, yawshaef-euq zaq lof-aer daef-awq.

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

Lormav 13:12

Uqcif dzeur-awr, uqbya byalar shaw-iq-eu ngar-a. Khoermirnae, yawzanr-euq gardeuq-anr byaerdzae yaf-awr, yawshaef-euq guirdeuv keuka dmdav kar-eur.

Eˇpeˇsu 1:7

Miqyaer-euq guiqlanq yawdzanr sanr duidui-eu lafkhoer, aqdui, Zaqyo-euq shiq baqda’nae kakhof-eu jeq za-awr, iqbax pyaeqnaeq-eu jeq za-euq ma.

HeˬByehˇ 9:14

Kali-euq shiq, ngeurdzaeq arnavni par lavshawr nya-eu jeq nga. Aqyawf, li-eu maqbawni daef-eu muiq-eu Saflar-anr ghoe-awr, marbyawf maqbaw-eu aqyawf-euq mawrdo, Miqyaer-anr lawrnaeq-euq mae. Nawmaf, daefluf-eu Miqyaer-anr uqduqtanq nya’ni, aqyawf-euq shiq-aq, gar yawshir-anr nae nawmaf-euq zaqsiq nuisiq-anr tsiqshawr naeqlaf-eu mae.

Panmaeq 7:14

Khoerngae, ngar, aqyawf-anr, “Ngaq-euq sanqpaq-or! Nawr siqnya mae” laer aerkhof naeq-euq ma. Khoernar-aq, aqyawf, ngaq-anr heulof-aer aernaeq laf-euq mae: “Tsawrhaq heudeuq-aq, shaqdui zanq duidui-eu aryamq-euq lafkhoer nae dovlar-euq mae. Aqyawf maf-aq, yawqha-euq paerkhanq paermanr pyurdeuqni ghaelarni, Yawrzaq-euq shiq nae laeqtsiq ghaq-euq mae.

1 Yoˇhaˬ 1:5

Miqyaer-aq, yawshaef mae. Aqyawf-euq lafkhoer yawzanr tiqpawf-iq maqanr-a. Heu-aq, nga’maf, Sanqpaq Yeqsur maeq-eu gar yagaq-awr, nawmaf-anr ja’maeq-eu ma.

1 Gawˇliˬtu 6:11

Dzeurlaf ngae, nawmaf tiqpavnav deuq khawf khoerlof-aer mr-euq mae. Aerkhawf, nymq-mr Sanqpaq Yeqsur-euq tsawrmyanr-euq uqmov hawr-eu, aqdui-euq Miqyaer-euq Saflar-anr ghoe-awr, nawmaf-anr mrshawr-awr lavshawr-euq uqtaf, tsiqshawr ghaq-euq mae.

1 Beˬtuˆluˆ 1:19

Aerkhawf, marbyawf maqbaw-aer aerkhar maqza-eu yawrzaq-euq shiq lof-aer dur-eu, arpoeq khav duidui-eu Kali-euq shiq nae kakhof naeqlaf-euq mae.

Yoˇhaˬ 12:35

Yeqsur, aqyawf maf-anr heulof-aer aernaeq-euq mae, “Nawmaf jawr-eu gar yawshaef tiqkhaeq bya-a siq. Yawzanr nawmaf-anr maqbi taemini, yawshaef bya ngae can-awq. Yawzanr-euq lafkhoer can-eu tsawrhaq-aq, aqyawf aqgeugar irluf-eu le laer maq siqnya-a.

1 Yoˇhaˬ 5:6

Heughaq-aq, ircuf hawr-eu shiq-anr nae oe-euq Yeqsur Kali mae. Ircuf-anr nae oe-euq taef maqngeur-a. Ircuf hawr-eu shiq-anr nae oe-euq mae. Muiq-eu Saflar-aq, yawtsaq yawdawr mirnae, Muiq-eu Saflar sarkir kamq-eu mae.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

Jaceuq 89:15

Laqkhaq caerlar-eu tersar siqnya-eu tsawrhaq-aq, Guiqlanq huiq-eu mae. Ya’we Miqyaer-or! Aqyawfmaf, Nawq-euq myavpyawq-euq yawshaef-euq lafkhoer canluf-eu mae.

Jaceuq 56:13

Aqjeq mirnae aernar-aq, nawr, ngaq-euq nuima saflar, shir-eu jeq-anr nae bibuq-ir naeqlaf-euq mae. Ngar, yawdaef-aer yawshaef-euq lafkhoer, Miqyaer-euq maeqshi yacanni; Nawr, ngaq-euq aqkuir maqbi coq-ir ni hawpir naeqlaf-euq maqngeur laq?

Panmaeq 12:11

Aqyawfmaf, Yawrzaq-euq shiq hawr-eu yawqha-euq sarkir kamq-eu dawq nae, yawlaeq daqler-eu ghaq-anr ghaqler-euq mae. Aqyawf maf-aq, khoer-euq gharduq, yawqha-euq daefzir-anr ghawqcawx cawv-aer maqghaeni, shir khawf shirpeuq-eu mae.

1 Tiˆmoˇseˬ 6:16

Aqyawf tiq ghaq taef-aer shir-eu maqbaw-aer tiqghaq-iq maq lepae nya-eu yawshaef-euq lafkhoer jawr-eu mae. Tsawrhaq tiqghaq-iq aqyawf-anr maq mawrhaw-aer, mawr khawf maq mawrnya-a. Taqhuiq taqmanr-eu jeq hawr-eu li-eu maqbawni baoq huiq-eu jeq aqyawf-anr of luf-ur. Aqmeq.

Jaceuq 97:11

Tsaq-awr dawr-eu tsawrhaq-euq khoertav yawshaef saeqdav naeq-awr, Nuima-euq lafkhoer dawrcoeni ghae-eu tsawrhaq-euq khoertav, Laqkhaq caer-eu jeq saeqdavnaeq taef-a.

1 Yoˇhaˬ 5:8

Mirtsaq-euq khoertav sarkir kamq-eu smr jeq jav-eu mae. Khoer-aq, Muiq-eu Saflar, ircuf hawr-eu shiq mae. Heu smr jeq sarkir kamq-eu-aq, tiqgar tsaq-eu mae.

Yaˬkoˆ 1:17

Guiqlanq yawmuiq dawqtawvluf hawr-eu kufdui byan duidui-eu lafsawq dawqtawvluf mq-euq khoertav jawr-eu yawshaef-euq Aqda-anr nae oe-euq mae. Aqyawf-aq, povlar parlar-eu narshmr maqbaw-aer, tiqjawr-iq maqpov maq parlar-a.

Yoˇhaˬ 1:29

Nishawq ngae nan, aqyawf jawr-eu paw Yeqsur oeluf-eu gar Yorhaq ya’mawr ngae, heulof-aer aer-eu mae, “Mirtsaqzaq-euq iqbax-anr pidzae-eu Miqyaer-euq Yawrzaq-anr hawsher-eq!

3 Yoˇhaˬ 1:4

Ngaq-euq zaqdeuq yawtsaq yawdawr-euq lafkhoer daefluf mae laer yagaq-euq taf-aer, ngar laqkhaq caerdzaeq-eu jeq maqpar jav mir-a.

Jaceuq 104:2

Miqyaer maeqtsoeq dm-eu lof-aer yawshaef nae tsanrlanr taq-euq mae. Aqyawf nae saqpar gheutaw-eu lof-aer mq-anr gheutaw taq-euq mae.

2 Yoˇhaˬ 1:4

Aqda Miqyaer nae aqdui-anr dawq biftaq-euq lof-aer nawq-euq zaq tiqpavnav deuq yawtsaq yawdawr-euq lafkhoer daefluf-eu gar ngar ya’mawr-euq mirnae, laqkhaqcaer duidui nya.

Jaceuq 51:2

Ngaq-euq yawlaeq yawca dawqtawv luf-anr tsiqshawr naeqlaf-awr, Ngaq-euq iqbax-anr nae ngaq-anr lavshawr naeqlaf-awq.

Maꞈtehˬ 6:12

Aqcawq, nga’maf-anr mrbanq lavbanq laf-euq iqbax-anr nga’maf pyaeqnaeq-euq lof-aer, Nga’maf-euq iqbax-anr khawf, nawr pyaeqnaeq laf-awq.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

Yoˇhaˬ 5:4

Aryamq baw-awr tsaqlar ngae, mqtav ghaqkhaer lan-euq lafkhoer zafka le-awr, ircuf-anr lavnyi le-eu mae. Ircuf khoer nyinyi-aer ghaelar ngae, aqcawq-euq jeqhu ur-ir-euq ghaq-aq, aqjeq-euq nargawr narluf-eu khawf taqler-eu mae.