1 Yoˇhaˬ 1:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqdui, Miqyaer naeq-aer cawq cawqluf ma laer aer-eu gar nae, yawzanr-euq lafkhoer daefluf nar-aq, aqdui jaqmyawf myawf-awr, yawtsaq yawdawr-euq lafkhoer daefluf-eu maqngeur-a.

Akha

⁶ Aˬ dui aˬ yawꞈ nehˬ-ehˇ cawˬ cawˬ luꞈ-eu ma lehˇ ehˇ-awˇ, yaw zahˇ laꞈ kʼoeˇ jawˇ luꞈ-eu ngeuˇ naˇ, aˬ dui ngehˬ-eu tmˇ-eu laꞈ kʼoeˇ maˬ ehˇ, mˇ-eu shaˇ-eu laꞈ kʼoeˇ maˬ ehˇ, aˬ yawꞈ-ahˇ jaˬ myawꞈ myawꞈ luꞈ gaˇ duˇ-eu meh.

1 Yoˇhaˬ 1:6 Referans Kwoze

1 Yoˇhaˬ 4:20

Aqsur ghaq maqkaq, “Ngar, Miqyaer-anr gaq ma” laer aer-eu khawf, yawqha-euq maernmr hawr-eu dmrma-anr byae nar-aq, aqyawf-aq, jaqmyawf myawf-eu tsawrhaq mae. Aqjeq mirnae aernar-aq, aqsur ghaq maqkaq mawrlar-eu maernmr-anr maqgaq nar-aq, maq mawrlar-eu Miqyaer-anr aqjox-aer gaqnya-eu?

1 Yoˇhaˬ 2:4

“Ngar, aqyawf-anr siqnya ma” laer tiqghaqnav aer-eu khawf, aqyawf nae biftaq-euq dawq-anr maq narhaqgeuf nar-aq, aqyawf-aq, jaqmyawf myawf-eu tsawrhaq pyeuf-awr, aqyawf-euq lafkhoer yawtsaq yawdawr jeq maqanr-a.

1 Yoˇhaˬ 1:10

Aqdui iqbax maqmr-aq laer aernar-aq, aqdui, Miqyaer-anr jaqmyawf myawf-eu ghaq bipyeuf-ir-euq gar dur-awr, aqyawf-euq dawq aqdui-euq lafkhoer maqanr-a.

Dawqdaq 2:13

Yawzanr-euq garma-anr can-ir-eu gharduq, Dawrcoeni daef-eu cankawv-anr byaerdzae-eu mae.

Yoˇhaˬ 8:12

Yeqsur, aqyawf maf-anr tiq pov par aernaeq-eu, “Ngar-aq, mirtsaq-euq yawshaef ma. Ngaq-euq maeqnan cantae-eu tsawrhaq-aq, yawzanr-euq lafkhoer maqpar can-aer, daef-eu jeq bif-eu yawshaef za taef-a.”

Yoˇhaˬ 12:35

Yeqsur, aqyawf maf-anr heulof-aer aernaeq-euq mae, “Nawmaf jawr-eu gar yawshaef tiqkhaeq bya-a siq. Yawzanr nawmaf-anr maqbi taemini, yawshaef bya ngae can-awq. Yawzanr-euq lafkhoer can-eu tsawrhaq-aq, aqyawf aqgeugar irluf-eu le laer maq siqnya-a.

Yaˬkoˆ 2:14

Ngaq-euq aqyuif aqnyir deuq-or! Ngar jan ma laer tsawrhaq tiqghaqnav aer-eu khawf, maqmr maqshar nar-aq, aqjeq gardanr tsoeq-eu la? Jan-eu khoerjeq aqyawf-anr kakhofnya taef-a lor?

Yoˇhaˬ 12:46

Ngaq-anr kharjan-eu tsawrhaq yawzanr-euq lafkhoer maqya jawrni, ngar yawshaef lof-aer mirtsaq-euq khoertav oe-euq ma.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

Yoˇhaˬ 11:10

Aerkhawf, tsawrhaq tiq ghaq uqcif paw garma can nar-aq, aqyawf sanqtif tiflar taef-a. Aqjeq mirnae aernar-aq, aqyawf-euq lafkhoer yawshaef maqanr-a.”

Yaˬkoˆ 2:18

“Nawr-aq, nuijan anr-awr, ngar-aq, mrluf sharluf ma” laer tiqghaqnav aer-eu gar, ngar heulof-aer aermawf mir-a: “Mr-awr shar-eu jeq maqanr-eu nawq-euq nuijan ngaq-anr bimawr naeqlaf-awq. Ngar-aq, mr-awr shar-eu lafkhoer ngaq-euq nuijan nawq-anr bimawr ma.”

Jaceuq 82:5

Aqyawfmaf maq siqnya-aer, aqyawfmaf maq ghovshaw nya’ni, Aqyawfmaf, yawzanr-euq lafkhoer canluf-eu mae. Mirtsaq-euq dawqpaeq duqpur dawqtawvluf maqzif-a.

1 Yoˇhaˬ 1:8

Aqdui iqbax maqanr laer aernar-aq, yawqhar yawqha jaqmyawf myawf-awr, yawtsaq yawdawr jeq aqdui-euq lafkhoer maqanr-a.

Yaˬkoˆ 2:16

nawmaf-euq lafkhoer-euq tiqghaqnav aqyawf maf-anr, “Nuima sarlaevni ir-awq. Nawmaf lmrboqni yadm-awr, tiqdaev yadzaq luf-ur” laer aernaeq-eu khawf, aqyawf maf-euq mawrdo mawf-eu jeq maq bifnaeq nar-aq, nawmaf aer-eu khoer aqjeq gardanr tsoeq-eu la?

Maꞈtehˬ 7:22

Khoerngae nan, tsawrhaq ghawqmya’ni, ngaq-anr heulof-aer aerlar taef-a, ‘Sanqpaq-or! Sanqpaq-or! Nga’maf, nawq-euq tsawrmyanr-anr ghoe-awr Miqyaer gharduq ngaeqdan-awr, nawq-euq tsawrmyanr-anr ghoe-awr naef-anr taedov-euq uqtaf, nawq-euq tsawrmyanr-anr ghoe-awr zanqler paq-aer ghae-eu ghawqmya jeq mr-euq maqngeur-a lor?’

1 Tiˆmoˇseˬ 4:2

Yawmuiq janrgeuf-awr jaqmyawf myawf-eu lafkhoer ngaeq-eu mae. Aqyawf maf-euq zaqsiq nuisiq-aq, shmr puivner-awr tsaeq kataq-euq mae.

Jaceuq 94:20

Zanrtaq khoftaq-anr ghoe-awr yawdoer jeq tov-eu, yawlaeq yawca jeq mr-eu nuirmanq, nawq naeq-aer gmlar nya-eu la laq?

Yoˇhaˬ 8:55

Nawmaf, aqyawf-anr maq siqnya-aq. Aerkhawf, ngar, aqyawf-anr siqnya ma. ‘Ngar, aqyawf-anr maq siqnya nya’ laer aer lawnmr-aq, ngar khawf nawmaf lof-aer jaqmyawf myawf-eu tsawrhaq pyeuf-eu mae. Ngar, aqyawf-anr siqnya-awr, aqyawf-euq dawq-anr mrcaw-eu ma.