1 Yoˇhaˬ 1:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

Akha

³ Naw maꞈ kʼawꞈ, nga maꞈ nehˬ-ehˇ tiˬ kawˆ loꞈ-ehˇ Aˬda Miˬyehˇ hawˇ-eu aˬ yawꞈ-euˬ Zaˬmaˇ Yeˬsuˇ Ka li-ahˇ cawˬ cawˬ taꞈ nya laˇ ni, nga maꞈ neh kʼaˇ ya gaˬ kʼaˇ ya mawˇ-euˬ jeˬ naw maꞈ-ahˇ dzawˇ nehˬ-eu ma.

1 Yoˇhaˬ 1:3 Referans Kwoze

1 Gawˇliˬtu 1:9

Miqyaer-aq, sarjax zif-eu mae. Aqyawf-euq Zaqyo pyeuf-eu aqdui-euq Sanqpaq Yeqsur Kali naeq-aer, cawq bicawq-eu laer aqyawf, nawmaf-anr kur-euq mae.

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

Gʼaˬkʼehˇ 4:20

Nga’nyaf-aq, nga’nyaf nae yagaq-awr ya’mawr-euq garkawv deuq maqja-aer maq jawrnya nya.”

Yoˇhaˬ 17:21

Nawq nae ngaq-anr khaerghae lef-euq ngar-a laer mirtsaqzaq janlarni, Aqda-or! Nawr, ngaq-euq lafkhoer jawr-awr, ngar, nawq-euq lafkhoer jawr-eu lof-aer, aqyawfmaf dawqtawvluf nuima tiqsiq taef-aer taqnya larni, aqyawfmaf, arnyaf-euq lafkhoer bijawr-awq.

Piˇliˇpiˆ 2:1

Khoermirnae, Kali-euq lafkhoer nuima sarlaevni ghae-awr, gaq-eu lafkhoer nuima sarlar-euq uqtaf, muiq-eu Saflar naeq-aer cawq cawqtaf-awr, ghoer-awr gaq-eu jeq hawr-eu ghawqshaq gaq-eu jeq anr nar-aq,

2 Gawˇliˬtu 13:14

Sanqpaq Yeqsur Kali-euq guiqlanq yawdzanr, Miqyaer-euq gaq-eu jeq hawr-eu Yawshawr Saflar-euq lafkhoer cawq cawqtaf-eu jeq, nawmaf yawqghaq navluf-euq khoertav jav luf-ur. Aqmeq.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

1 Yoˇhaˬ 1:1

Ardanqbae ngae nae jawrluf-eu daef-eu jeq bif-eu dawq-anr nga’maf yagaq-awr, myavnuiv nae ya’mawr-euq uqtaf, ya hawduq-awr, aqlaf nae ya toeqciv-euq ma.

HeˬByehˇ 3:14

Yawbae ngae nae, aqdui nuizif zif-euq lof-aer, arsaqsaq ngae keuvni zifnya nar-aq, aqdui khawf Kali naeq-aer gawf-eu tsawrhaq ma.

Piˇliˇpiˆ 3:10

Ngar, Kali hawr-eu aqyawf ghofdaef lar-euq baoq-anr siqnya mawf-awr, aqyawf-euq shaqzanq-anr daqcaw mawf-eu uqtaf, aqyawf shir-euq lof-aer shirmawf mir-a.

1 Beˬtuˆluˆ 5:1

Ngar-aq, aqyuif aqtsu pyeuf-awr, Kali nae yadaq-euq shaqzanq-anr sarkir kamq-eu ghaq hawr-eu, aqkar panmaeq naeqlaf-eu yawshaef khanqsaer-anr aqyawf naeq-aer tiqkawv lof-aer za-eu ghaq khawf ngeur ma. Ngar, nawmaf-euq ghanrcae jawr-eu aqyuif aqtsu deuq-anr heulof-aer ghaq bif-eu ma.

HeˬByehˇ 3:1

Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.

Gawˇlawˇsehˇ 1:13

Aqyawf, aqdui-anr yawzanr-euq baoq-euq lafkhoer nae bibuq-ir naeqlaf-awr, aqyawf zawr gaq-eu Zaqyo uvlanr-eu jeq-euq lafkhoer sheuqur naeqlaf-euq mae.

Gʼaˬkʼehˇ 20:27

Aqjeq mirnae aernar-aq, Miqyaer nuima tsaq-eu jeq dawqtawvluf ngar maq zaftaqni nawmaf-anr maeqnaeq jir-euq ma.

1 Yoˇhaˬ 1:5

Miqyaer-aq, yawshaef mae. Aqyawf-euq lafkhoer yawzanr tiqpawf-iq maqanr-a. Heu-aq, nga’maf, Sanqpaq Yeqsur maeq-eu gar yagaq-awr, nawmaf-anr ja’maeq-eu ma.

HeˬByehˇ 2:12

Aqyawf aer-eu, “Ngar, ngaq-euq maernmr deuq-anr, nawq-euq tsawrmyanr dzawrgaq ma. Armur uiqler-awr jawr-eu ghanrcae, ngar, nawq-anr car-awr jaceuq ma.” (Jc 22:22)

1 Tiˆmoˇseˬ 6:2

Kalizaq pyeuf-eu yawsanr deuq-euq zaqkhav geufluf-eu deuq-aq, yawqha-euq yawsanr ghaq-euq aqyuif aqnyir pyeuflar-euq mirnae, yawqha-euq yawsanr ghaq-anr yaeqbawq saerlu-aer maqya ghae-a. Aqyawf maf-euq gharduq ngeurdzaeq laejae-awr gar mrnaeq paq-aer ghae-eu mae. Aqjeq mirnae aernar-aq, aqyawfmaf khoerlof-aer mr ngae, gaq-eu aqyuif aqnyir deuq hawr-eu jan-eu tsawrhaq deuq guiqlanq za-eu mae. Nawr, garkawv heudeuq maeqnaeq tsovnaeq-awr ghaq bif-awq.

Piˇliˇpiˆ 1:7

Ngar, nawmaf yawqghaq navluf-euq garkawv heulof-aer noeq-eu-aq tsaq taef-a. Aqjeq mirnae aernar-aq, nawmaf, ngaq-euq nuima-euq lafkhoer jawrluf-eu mae. Ngar shmrcav ya daqluf ngae khawf, guiqlanq dawq-euq gharduq jashaw-eu lafkhoer tsaq mae laer sarkir kamqluf ngae khawf, nawmaf, ngaq naeq-aer tiqkawv lof-aer guiqlanq yawdzanr zaluf-eu mae.

Eˇpeˇsu 3:6

Zaftaq-euq khoer-aq heulof-aer mae: guiqlanqdawq baqda’nae aqcawq tsawrjeuq tsawrca khawf, Kali-euq lafkhoer Yurdav tsawrhaq naeq-aer tiqkawv lof-aer jeqbir of-awr, mawrdo tiq do taef-aer pyeuflar-euq uqtaf, aqyawf-euq sarjax-anr khawf tiqkawv lof-aer za-euq mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

1 Teˇsaˬloˇni 1:10

Khoermirnae, shir-euq khawf Miqyaer nae bi ghofdaef lar-euq aqyawf-euq Zaqyo, mq-anr nae zafka le-eu gar nawmaf dawqluf-eu mae. Zaqyo khoerghaq-aq, aqkar keuvle-eu Miqyaer-euq nuima paer-eu jeq-anr nae aqdui-anr bibuq-ir naeqlaf-euq Yeqsur mae.

1 Gawˇliˬtu 15:1

Khoernav maqtser, aqyuif aqnyir deuq-or! Ngar, nawmaf-anr maeqnaeq-euq guiqlanqdawq heu, nawmaf-anr par dzawrnaeq-eu ma. Nawmaf guiqlanqdawq heu-anr hageuf ghaq-awr, heu-euq lafkhoer yawfluf-eu mae.

Lormav 15:27

Khoer-aq, aqyawf maf-anr aqdir nuikhanr bi shirler-euq mae. Khoeruqtaf, aqyawfmaf dzirdzov tsoeqnaeq-eu laer khawf aernya-eu mae. Aqjeq mirnae aernar-aq, aqcawq tsawrjeuq tsawrca deuq, saflar paw Yurdav tsawrhaq naeq-aer tiqkawv lof-aer guiqlanq za-euq ngeur nar-aq, shiqshaq paw-euq myawqganq Yurdav tsawrhaq-anr bifnaeq-eu-aq, aqyawfmaf ya’mr-eu gar pyeuf-eu mae.

Gʼaˬkʼehˇ 13:41

‘Nawmaf, aqjaf jaf-eu deuq hawtaq-awq. Zanqler-awr cawv-ir-awq! Aqjeq mirnae aernar-aq, Nawmaf-euq arnan aryamq-euq lafkhoer, ngar tiq jeq mr-eu ma. Nawmaf gar heu-anr tiqjeq ghaenae-iq maqjan-ar, Aqcawq, nawmaf-anr ja’naeq khawf nawmaf maqjan-ar.’ ” (Hbk 1:5)

Gʼaˬkʼehˇ 13:32

Miqyaer nae aqdui-euq aqpoeq deuq-anr sarjax dzaqtaq-euq lof-aer, nga’nyaf, nawmaf-anr laqkhaq caer-eu guiqlanqdawq heu maeqnaeq-eu ma.

Gʼaˬkʼehˇ 2:42

Aqyawfmaf aqmyanluf ghaqkhaer deuq-euq dawqmaeq dawqtsov narhaq-awr, tiqghaq tirghaq cawqcawq taf-eu lafkhoer, kaqmur ngawqpyaeq-awr guiqlanq shartaf-eu mae.

Yoˇhaˬ 17:25

Tsaq-awr dawr-eu Aqda-or! Mirtsaqzaq, nawq-anr maq siqnya-eu khawf, ngar, nawq-anr siqnya ma. Nawq nae ngaq-anr khaerghae lef-euq mae laer tsawrhaq heudeuq siqnya-eu mae.

Yoˇhaˬ 17:11

Nymq-mr nae nar-aq, ngar, mirtsaq-euq khoertav maqpar jawrni nawr jawr-eu gar ghoflar ma. Aerkhawf, aqyawf maf-aq, mirtsaq-euq khoertav yajawr-eu mae. Shawr-eu Aqda-or! Arnyaf lof-aer aqyawfmaf khawf nuima tiqsiq taef-aer taqnya larni, nawq-euq tsawrmyanr-anr ghoe-awr, nawq nae ngaq-anr bifnaeq laf-euq tsawrhaq deuq-anr bosav naeq-awq.

Jaceuq 22:22

Ngar, ngaq-euq maernmr deuq-anr, nawq-euq tsawrmyanr dzawrgaq ma. Armur uiqler-awr jawr-eu ghanrcae, ngar, nawq-anr car-awr jaceuq ma.

Jaceuq 2:7

Ngar, Ya’we Miqyaer-euq zanrtaq khoftaq bisiq bigaq ma. Ya’we Miqyaer, ngaq-anr heulof-aer aernaeq laf-euq mae, “Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.

Yoˇhaˬ 19:35

Nawmaf khawf ya janni, khoer-anr ya’mawr-euq ghaq sarkir kamq-eu mae. Aqyawf sarkir kamq-eu khoer-aq, tsaq-awr dawr-awr, aqyawf aer-eu khoer-aq, yawtsaq yawdawr mae laer aqyawf siqnya-eu mae.

2 Beˬtuˆluˆ 1:16

Nga’maf, nawmaf-anr aqdui-euq Sanqpaq Yeqsur Kali-euq baoq hawr-eu aqyawf zafka le-eu garkawv bisiq-eu heu-aq, tsawrganr zmq-awr noeqdov-euq garkawv-anr ghoe-awr bisiq-eu maqngeur. Aerkhawf, nga’maf-euq myavnuiv nae aqyawf-euq khanqsaer huiq-eu gar ya’mawr-awr bisiq-eu ma.